Lévinu 13:2 - Kazambale lé Sebe Sauunu 1979

² Dé mi do kɔlɛ ma baa, ɛɛ, dé a ma kɔlɛ dɔ, ɛɛ, dé sonné bɔra a ma bélé pantɛn zo, ’wo da a nya Balebanzan Arɔn va, dé ’bɛ ’kaan lo, ’wo da a nya, Arɔn be do lé ke Balebanzan nya, a va.

Lévinu 13:2 ပူးပေါင်းရင်းမြစ်များ

2 Samuɛl 3:29

A nyɛwe ’é dɔ Joab valé é gɔnɔlamunu faa nwiin ma! É a lé yifaama Joab gɔnɔlami do nyɛ ’é so, dé ’bɛ kaan lo, pantɛn ’é vɔ a do ma, dé ’bɛ kaan lo, a do ’é tawo yili ma, dé ’bɛ kaan lo, gwɔun ’é a do gyɛ, dé ’bɛ kaan lo, buru ’é vuru a do ma ma.

2 Minwiinzannu 5:1

Siri minwiinzan lé sunyanu nwiinzan, Naaman, a mi zin nya ézan yuɛ gi, ’té éé a mawe kɛla é zima; a nya lé Gakelebale Sirimunu si we gi, azama. Naa, mi ’ko lé ke mi plɛplɛ valé nyanazan nya, é a pantɛngyɛzan nya.

2 Minwiinzannu 5:27

Naaman lé pantɛn é dan zén lɛ bii valé i kulu ma lɛɛfaama. Yé Géazi si Élizé va pantɛn nya é ma fu bélé kununu zo.

Ézai 1:6

É sia wo gane buli fɔɔ yé é bɔ wo nwiin, wo zinna do kpen ’ka lo. Tuolenu koo, nyɛ dɔle wo kɔlɛnu gi valé manɔn kuru kwakwanu koo, wo saa ɛ ke wo ma; wo ’ka wo paan lo, wo ’ka sɔ vuruan wo ta lo, wo ’ka nyɔnɔ paan wo gi lo.

Ézai 3:17

bɛwemalé Mizan é dan Siɔn lomu gyɛ lɛ palo nya, Gakelebale é dan wo poro lɛ.

Lévinu 13:1

Gakelebale we fe Moizi valé Arɔn lɛ yé é léma:

Lévinu 13:3

Balebanzan é dan a kɔlɛ ma gyɛ nagini lɛ. Dé yee gyɛ gi kyɛɛ a fu, dé yee gyɛ go a kɔlɛ wuo, ’té pantɛn lé; Balebanzan lé é mi ’ko ma gini bɛ, é dan a fe lɛ léé, a tiri a é dɔle.

Lévinu 13:8

Dé Balebanzan a ma gini, dé é a ye léé, fɛ lé é dɔra a kɔlɛ ma, a lɛ si, é dan a fe lɛ léé, a tiri a; pantɛn lé.

Lévinu 14:3

Wo dan da lɛ a nya Balebanzan va. Balebanzan é dan si lɛ fla yé é dan pantɛngyɛzan ma gini lɛ. Dé pantɛngyɛzan béli,

Lévinu 14:35

kɔnzan é dan da lɛ Balebanzan va yé é dan a fe lɛ a lɛ léé, maa fɛ do ye anlé kɔn ma bélé gyɛ zo.

Lévinu 14:56

kɔlɛ baale koo, mi ma kɔlɛ dɔle koo, sonné bɔrale mi ma koo, wolé we é dan kɛlɛ lɛ fɛan zo, a zo lé é ke bɛ.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Mi Nɔnɔle 12:10

Lati si sɔkɔn ta. Yé bé ye, pantɛn zén Mari ma yé a kɔlɛ kɛlɛ fu wuruluu kyɛyee zo. Arɔn yara nɔla Mari va, ’té pantɛn zén a ma.

Mi Nɔnɔle 12:12

Yuu! té Mari zé é kɛlɛ bélé né sɛrɛle lé wa yaa bléyian va, ’té é a é gale yé a nɛ ke ma pɛlo, a zo lo.

Matio 8:4

Yé Jézu lé a lɛ léé: Té bé fe mi do kpen lɛ lo, naa, ’i go ibo nagɔɔn Balebanzan lɛ, yé balebanfɛ lé Moizi a nɔle béli dɔ, bé banwo yé ’é kɛlɛ munu lɛ i bélile tɔmase nya.

Maak 1:44

’I yuɛ pa ibozen va. Té i we do kpen fe mi do lɛ lo. ’I go ibo nagɔɔn Balebanzan lɛ, yé fɛ lé Moizi a nɔle béli dɔ, bé banwo, yé é kɛlɛ munu lɛ i bélile tɔmase nya.

WENÉNÉ LÉ LUK A GYE (Évangile selon Luc) 17:14

É wo ye aan wo, é lé wo lɛ léé: ’Ka go kabo nagɔɔn Balebanmunu lɛ. Wa gona aan wo, wo béli.

WENÉNÉ LÉ LUK A GYE (Évangile selon Luc) 5:14

A zuo Jézu lé a lɛ léé: Té bé zuo fe mi do kpen lɛ lo. Naa, ’i go ibo nagɔɔn Balebanzan ɛ lɛ, yé fɛ lé Moizi a nɔle béli dɔ, bé banwo, yé ’é kɛlɛ munu lɛ i bélile tɔmase nya.

Bélidɔwesɛbɛ Fiézan 24:8

’Ka yuɛ pa kabozen va pantɛngyɛ lé we ma; we faa lé Balebanmunu, Lévinu a paa ka gi alé we ma, ’ka a ta tawo; we faa lé maa a fe wolé we ma, ’ka we kɛlɛ a yɛrama é zima.

Bélidɔwesɛbɛ Fiézan 28:27

Éjipiti tɛrɛ lé manɔn koo, flanboragyɛ koo, kwɛɛkwɛ koo, koro koo, Gakelebale é dan ka gyɛ lɛ wo nya yé ka ’ka bɔa bélile lɛ lo.