Lévinu 11:44 - Kazambale lé Sebe Sauunu 1979

⁴⁴ Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 11:44 ပူးပေါင်းရင်းမြစ်များ

Lɛrɛvɔ Sɛbɛ 99:5

’Ka Gakelebale, kolé Bale kɛlɛ blɛn, Yé ’ka ’wuo wɔra a gane wuo. É a sauun.

Lɛrɛvɔ Sɛbɛ 99:9

’Ka Gakelebale, kolé Bale tɔ kɛlɛ blɛn, Yé ’ka dia ka bli ta a ’lɛ, gɔblɛn ’lɛzan nwiin. Naa, Gakelebale, kolé Bale ’lɛ a.

Fwile 16:12

Gun lé Izraɛl lé nénu a gyɛ, maa a ’ma. Bé fe wo lɛ léé, nyanadi yiri zɔrɔ nya wo dan wi ble lɛ, yé bladi wo dan kan lɛ buru nya, yé wo dan a gi dɔɔ lɛ léé, maa a Gakelebale nya, wolé Bale nya.

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Fwile 19:6

ka dan kɛlɛ lɛ an banbɛn nya, bɛn sauun nya. Dérenu lé i dan a fe lɛ Izraɛl lé nénu lɛ, wo lé ke bɛ.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 22:30

I dan ilé diri valé ilé ’bla lé né vinin nɔ lɛ an lɛ é ziin; é dan vo lɛ é bu va yi sɔrafié; a yi sɔraazan nya, yé ’i da a nya an lɛ.

Fwile 22:31

’Ka kɛlɛ anzé munu sauunnu nya ma. Wi lé winu a ma mian bwi gi, té ka a ble lo. ’Ka a vuli blénnu lɛ.

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Ézai 43:3

Naa, maa a Gakelebale ilé Bale nya, Maa a Izraɛl lé Mi Sauun nya, i siéwegizan nya; Maa Éjipiti nɔ i tabofɛ nya, Maa Étiopi valé Saba nɔ i pa gi.

Ézai 51:15

Maa a Gakelebale, ilé Bale nya, Maa ɛ wɛyi nanoan yé wo vun éé wé. An tɔ lé lai sunyanu lé Gakelebale.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Lévinu 11:43

Wi kénénénu lé woo giéan tɛrɛ va bɛ, té kabo kɛlɛ naané wo nya lo; té kabo gi sɛrɛ wo nya lo, té kabo tiri dɔ wo nya lo.

Lévinu 18:2

Bé fe Izraɛl lé nénu lɛ léma: Maa a Gakelebale, kalé Bale nya.

Lévinu 19:10

Dé ka a kalé dɔrɔporo sona, a pan lé ka yuɛ gié a ta, té ka a so é dɛrɛ lo; a poro lé é dia, té ka ’bɛ sia lo. ’Ka ’bɛ vo nyanégyɛzan valé bɛn bɛ mi zé nya. Maa a Gakelebale, kalé Bale nya.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 19:4

Té ka go miyilinu zuo lo, yé té ka bale selelenu kɛlɛ kabo lɛ lo.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Lévinu 20:7

Maa a Gakelebale, kalé Bale nya, amalé ’ka kabo pa é yɛrama yé ’ka kɛlɛ sauun.

Lévinu 21:8

Balebanzan ɛ kalé Bale blefɛ no, amalé ’ka a ye mi segele nya; maa, Gakelebale lé maa ka pa é yɛrama, maa a sauun, amalé é dan kɛlɛ lɛ mi segele nya ka lɛ.

Amɔs 3:3

Dé mi fié bli ’ka do lo, woo tawoo ékeva kaa?

Mi Nɔnɔle 15:40

’Bɛ nya lé anlé bélidɔwe sɔnnénu sele é dan dɔ lɛ ka gi, ’té ka wo ta tawo, yé ka dan kɛlɛ lɛ kalé Bale zé nya.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

Jozué 24:19

Jozué lé munu lɛ léé: Gakelebale bɔplɛplɛ ’ka ka lee lo, naa, Bale sauun lé, maabo Bale lé, yé é ’ka dan ka ma we vo lɛ kalé weplenu valé kalé wenyanénu ma lo.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.

1 Samuɛl 6:20

Bɛt‐Sémɛs munu léé: De ɛ bɔa dɔle lɛ Gakelebale, Bale sauun ’ko ’lɛɛ? Yé dé kɛsu si ko va é a lé é go de ɛ vaa?