Lévinu 10:19 - Kazambale lé Sebe Sauunu 1979

¹⁹ Arɔn lé Moizi lɛ léé: Wo ’wolé wenyané ’yibo saraka bo kyɔ, yé wo ’wolé balebanwi kyɛ ble Gakelebale ’lɛ; yé we lé é bɔ an ma kyɔ ’ko, dé maa wenyané ’yibowi ble ’bɛ zo, ’bɛ é dan kɛlɛ lɛ é zima Gakelebale yuɛ gii?

Lévinu 10:19 ပူးပေါင်းရင်းမြစ်များ

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

OZÉ (Osée) 9:4

Wo ’ka dan Gakelebale ban lɛ nwɛ nya lo, yé Gakelebale ’ka dan ’é ban‐ɛn ble lɛ lo. Wolé sarakanu é dan kɛlɛ lɛ wo lɛ bélé gyɛ la fɛblele zo. Munu faa lé wa blé, wo dan kɛlɛ lɛ naané. Wolé fɛblele é dan kɛlɛ lɛ wo saa zé nya, wo ’ka dan go lɛ a nya Gakelebale lé kɔn gi lo.

Lévinu 10:20

Moizi dére ’ko ’ma yé é dɔ a ta.

Lévinu 9:12

Balebanwi lé wa kyɛ blé, é ’bɛ bɔrɔ bo. Arɔn benu a nyɛ nɔ é lɛ, yé é a zén balebanna ta fɛfaana.

Lévinu 9:8

Arɔn bié balebanna ma, yé é wenyané ’yibo dirigɔnéné bɔrɔ bo.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Malasi 1:13

Yé ka léé: Mɛ wɔlɛinyaamawe lé ke bɛɛ? ’Té ka lɔlu kplililii bo a ma. A zo lé lai sunyanu lé Gakelebale a fe. Tunbowi lé ka a kyeenwo, ’té é zanai, yee lé ka dan a nya yé ka a kɛla an banfɛ nya. Maa dan ’bɛ ban‐ɛn ble lɛ kaa? A zo lé Gakelebale a fe.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 26:14

Bléyian va lé maa a gyɛ bona, maa ’ka fɛ ’ko do kpen ble lɛ lo; bléyian va lé maa ’ka tegele lo maa ’ka an bɛ mane lɛ wo ma lo; maa ’ka a do kpen kɛlɛ lɛ gyɛbofɛ nya lo; maa Gakelebale, anlé Bale dére ’ma, yé we faa lé bé fe an lɛ, maa we kɛlɛ ’bɛ yɛrama.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Ébrunu 9:8

We ’ko nya Léli Sauun a gɔɔn léé, bléyian va lé sɔkɔn vininzan ke é dɔle, ’té fɛna sauun tinle lé zi lɛ ’ka tan so lɛ lo.