Lévinu 10:15 - Kazambale lé Sebe Sauunu 1979

¹⁵ A bɛ lé wa no a nwale valé a tuale nya, é valé a tɔn lé wa diaan a bɛ fié la Gakelebale ’lɛ, ’bɛ a bii valé i benu zé nya, bélidɔwe lé a glɛ ’ka lo, a nya, Gakelebale a fe fɛan zo, a zo. Wo dan da lɛ yee valé a nyɔnɔ lé wa kyɛ blé, wo nya ékeva.

Lévinu 10:15 ပူးပေါင်းရင်းမြစ်များ

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 17:13

Négɔné lé wa yaa ilé kɔn gi koo, mi lé bé lɔ gɔɔli nya koo, é a lé ka wo gane dɔ; yé anlé gipale tɔmase é dan kɛlɛ lɛ ka kɔlɛ ma, gipawe lé é ’ka nyaan lo, a nya.

Wepélisiananu 17:17

Abraam dia é bli la; é yéri si yé é lé é bli gi léé: Gɔné lé a lɛɛ bɔ yɔ soru ’naan, ’bɛ é dan né yaa lɛɛ? Yé Sara lé ’bɛ lɛɛ bɔ yɔ ziɛn wɔlɛ vu ’naan, ’bɛ é dan né yaa lɛ kaa?

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Fwile 29:27

’Blagɔné tɔn valé a bɛapaboro lé ke Arɔn valé é benu bɛ pale Bale banle ta fɛ nya, ’i bɛ pla wo ta, ’i a tɔn zé kɛlɛ diale bɛ fié la nya, yé ’i bɛapaboro zé kɛlɛ é nwale valé é tuale nya.

Fwile 29:28

Wa Arɔn valé é benu zé nya, bélidɔwe lé a glɛ ’ka lo, a yɛrama; é a lé Izraɛl lé nénu ’é tawo bélidɔwe ’ko ta, naa, nwale valé tuale blan lé; bɔvɔ sarakanu lé Izraɛl lé nénu a boo, wo va saraka lé ke a nwale valé a tuale blan nya, é a Gakelebale zé nya.

Lévinu 2:3

Fɛnu lé woo wo kyɛ blé Gakelebalé lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.

Lévinu 3:17

Té ka winyɔnɔ valé é nyɛ ble lo; we ’ko a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

Lévinu 7:34

Naa, bɔvɔ sarakanu lé Izraɛl lé nénu a boo, a tɔn lé wa diaan a bɛyilazia valé a bɛbolazia koo, a bɛ lé wa no a nwale valé a tuale nya koo, maa wo si yé maa wo nɔ Balebanzan Arɔn valé é benu lɛ; é a bélidɔwe lé é ’ka nyaan lo, a nya, yé é a lé Izraɛl lé nénu a lɛdɔma.

Mi Nɔnɔle 5:9

Blɛfɛnu faa lé Izraɛlnu wo pa é yɛrama, é a lé wo kɛlɛ Balebanzan lé wa nɔ a lɛ bɛ, azé nya.