Lévinu 1:9 - Kazambale lé Sebe Sauunu 1979

⁹ Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 1:9 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Minwiinzannu lé Wezuofe Sɛbɛ 6:34

’bɛ a Elkana be nya, ’bɛ a Jérosam be nya, ’bɛ a Éliɛl be nya, ’bɛ a Toas be nya,

2 Minwiinmunu lé Wezuofe Sɛbɛ 4:6

É kana vu kɛlɛ, yé é wo va kana soru dɔra a bɛyilazia yé é a soru dɔra a bɛbolazia, léé, ’wo kɛlɛ fɛnu ma zuru kananu nya. Balebanwinu lé wa kyɛ blé, woo wo mɛnnu faa ma zuruwo wo gi. Wo zéné ’wolikana kɛlɛ, léé, Balebanmunu é zuru a gi’yi nya.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 66:15

Maa dan ’bla nyɔnɔzannu nɔ lɛ i lɛ, balebanwi lé wa kyɛ blé, a nya, Yee valé ’blagɔnénu nyɔnɔ nya; Maa dan saraka bo lɛ ’blanu valé boligɔnénu nya. Ka ye do.

Fwile 12:9

Té ka a ble é gi zalozalo nya lo, té ka a dɔne lo; naa, ka dan a pane lɛ kyɛ ma, a ’wuo koo, a ganenu koo, a gifɛnu koo, wo faa nya.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Fwile 29:25

’Bɛ zuo yé bé si wo lee, yé bé kyɛ ble balebanna ta, wi lé wa kyɛ blé, a ta loru; saraka lé kyɛ a blé Gakelebale ’lɛ, ’té a gin sɔ Gakelebale lɛ, yee lé.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Ézékiɛl 40:38

Kɔnné do ’léé éé bɔraan kɔn wɛyilinu sɔnɔ. Balebanwinu lé woo wo kyɛ blé, woo wo ma folié ’bɛna.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 2:16

Balebanzan é dan ’sanɛnɛ pundɔle valé nyɔnɔ ke si lɛ yé é dan a kyɛ ble lɛ weseledɔmigifɛ nya, ’é valé lasikɔrɔpo faa nya. É a balebanfɛ lé wa kyɛ blé Gakelebale ’lɛ, a nya.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Lévinu 2:9

Fɛ lé é a lé wa nɔ weseledɔmigifɛ nya, Balebanzan é dan a si lɛ yé é a kyɛ ble balebanna ta. É a balebanfɛblele lé Gakelebale a gin sié néné, a nya.

Lévinu 3:11

Balebanzan é dan ’bɛ kyɛ ble lɛ balebanna ta. Fɛblele saraka lé wa kyɛ blé Gakelebale ’lɛ, yee lé.

Lévinu 3:5

Arɔn benu é dan ’bɛ kyɛ ble lɛ balebanna ta, balebanwi lé wa kyɛ blé kyɛyili lé wa zén kyɛ ta, a ta, ’bɛ ta loru. Saraka lé wa faa kyɛ blé, ’té Gakelebale a gin sié néné, yee lé.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 6:14

’Wa vɔ gbɛlɛ gi nyɔnɔ nya, yé ’ka da a nya ’é male; ’ka a dɔne ’bɛ zo yé ’ka da a nya é kurunu nya, balebanfɛ lé Gakelebale a gin sié néné, a nya.

Lévinu 8:21

É a bun‐annu valé a mɛnnu ma saa, yé é ’blagɔné faa kyɛ ble balebanna ta; balebanwi lé wa kyɛ blé, yee lé; saraka lé wa kyɛ ble, ’té Gakelebale a gin sié néné, yee lé, Gakelebale a fe Moizi lɛ fɛan zo, a zo.

Lévinu 8:28

’Bɛ zuo Moizi a si wo lee, yé é wo pa balebanwi lé wa kyɛ blé, a ta loru, yé é wo faa kyɛ ble balebanna ta; mi bɛ pale balebanle ta saraka lé, saraka lé wa kyɛ blé, ’té Gakelebale a gin sié néné, yee lé.

Lévinu 9:14

É a bun‐annu valé a mɛnnu ma saa yé é wo kyɛ ble balebanna ta loru.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Mi Nɔnɔle 15:3

yé saraka lé wa kyɛ blé, dé ka a bo Gakelebale lɛ, dé é a balebanwi lé wa kyɛ blé, a nyaoo, dé é a Bale kunle gifɛ nɔle nyaoo, dé é a bli drɔɔ blɛ nyaoo, dé ’bɛ kaan lo, dé é a kalé fɛti nyaoo, yé dé kalé wi blɛn léé, dé kalé wi kiéné léé, dé ka a kyɛ ble, yé Gakelebale a gin si néné we ma,

Mi Nɔnɔle 28:11

Kalé moné do do faa bɔrale nya, dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ maa, Gakelebale lɛ, balebanwi lé wa kyɛ blé, a nya;

Mi Nɔnɔle 28:7

Baleban’yi ’é kɛlɛ litré do nya, ’bla do do zé nya; é a lé i balebannwɛ zana Gakelebale ’lɛ, fɛna sauun na.

Mi Nɔnɔle 28:8

’I ’blané fiézan nɔ nyanadi fɔfɔ, ’té a vafɛ valé baleban’yi a bélé bladi zé zo ma; yee ɛ ke sarakabofɛ lé wa kyɛ blé, ’té maa, Gakelebale a gin sié néné, a nya.

2 Korɛnt Munu 2:15

Naa, ko a Kazambale lé fɛ gin nya Krist gi, munu lé wo si we gi, é valé munu lé wo ke zamaga wona, wo méléna.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Bélidɔwesɛbɛ Fiézan 12:27

Wi lé wa kyɛ blé, ’ka ’bɛ valé é nyɛ nɔ Gakelebale lɛ, Gakelebale, kalé Bale banna ta; naa, saraka bɛnu, ’wo wo nyɛ zana Gakelebale, kalé Bale banna ta, yé ’ka a wi ble.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.