Lévinu 1:4 - Kazambale lé Sebe Sauunu 1979

⁴ É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya.

Lévinu 1:4 ပူးပေါင်းရင်းမြစ်များ

Fwile 28:38

É dan kɛlɛ lɛ Arɔn yarapɛla; yé wenyanénu lé Izraɛl lé nénu a kɛlɛ, Arɔn é dan wo faa kɔné si lɛ, wolé saraka sauunnu faa bole nya; kyan lɛlɛné é dan kɛlɛ lɛ a yarapɛla Gakelebale ’lɛ, alé wolé we nyi sile we ma.

Fwile 29:10

I dan da lɛ dirigɔné nya zén‐ékevasɔkɔn ’lɛ, yé Arɔn valé é benu é dan ’wo bɛnu pla lɛ dirigɔné ’wuo la.

Fwile 29:15

I dan ’blagɔné do si lɛ, yé Arɔn valé é benu é dan ’wo bɛnu pla lɛ ’blagɔné ’wuo ta.

Fwile 29:19

’I ’blagɔné koɛzan si, yé Arɔn valé é benu ’wo bɛnu pla ’blagɔné ’wuo ta.

Fwile 29:33

Fɛnu lé ke wolé wenyané ’yibofɛ nya, ’té wo wo bɛ pa Bale banle ta yé wo kɛlɛ é zima wo nya bɛ, ’bɛ zo lé ’wo wo ble; fɛ ’lɛzan lé, amalé té bɛn do kpen é wo ble lo.

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézékiɛl 45:15

Mizan Gakelebale léma: ’Ka ’bla si do do ’bla wuru do do va, Izraɛlnu lé trubɛ blena zimanu na, blɛ koo, balebanwi lé wa kyɛ blé koo, bɔvɔ saraka koo, wo nya, yé ’é kɛlɛ munu lé wenyané ’yibofɛ nya.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Lévinu 16:21

Arɔn é dan é bɛ fiénu pla lɛ boli yuɛmale ta, yé Izraɛl lé nénu lé weplenu koo, wolé wenyané faa lé wa kɛlɛ bélidɔwenu sɛrɛle nya koo, é dan wo faa fe lɛ boligɔné ’wuo ta; é dan wo dɔ lɛ boligɔné nwiin, ’bɛ zuo é dan so lɛ a va, yé é dan a binle bɛ pa lɛ mi do lee, yé ’bɛ goan bwi gi.

Lévinu 16:24

É dan zuru lɛ fɛna sauun na, yé é dan ’élé sɔnu zén lɛ é ta é ziin. ’Bɛ zuo é dan bɔra lɛ yé ’é Bale ban, balebanwi lé wa kyɛ blé, a nya, azé koo, munu zé koo, wo nya, yé é dan ébozen valé munu lé wenyané ’yibo lɛ.

Lévinu 22:21

Dé mi do a a va léé, ’é bɔvɔ saraka bo Gakelebale lɛ, dé diri léé, dé trubɛ léé, yee lé fɛ ’ka a ma lo, ’é da yee ɛ nya; dé bale kunle lɛsɔɔle léé, dé bli drɔɔ blɛ léé, a zo lé alé we ke, Bale lé ’é ban‐ɛn blele we gi; té we do kpen é kɛlɛ a ma lo.

Lévinu 22:27

dé diri léé, dé ’bla léé, dé boli léé, dé é né yaa, a né é dan vo lɛ é bu va yi sɔrafié; é sia a yi sɔraazan ma, wa nyi sié léé, saraka lé kyɛ a blé, ’wo ’bɛ bo a nya Gakelebale lɛ.

Lévinu 3:13

É dan é bɛ pla lɛ sarakawi ’wuo la, yé é dan a bɔrɔ bo lɛ zén‐ékevasɔkɔn ’lɛ; yé Arɔn benu é dan a nyɛ zén lɛ balebanna ta fɛfaana.

Lévinu 3:2

É dan é bɛ pla lɛ sarakabowi ’wuo la yé é dan a bɔrɔ bo lɛ zén‐ékevasɔkɔn ’léé; yé Balebanzannu, Arɔn benu é dan a nyɛ zén lɛ balebanna ta fɛfaana.

Lévinu 3:8

É dan é bɛ pla lɛ sarakabowi ’wuo la, yé é dan a bɔrɔ bo lɛ zén‐ékevasɔkɔn ’lɛ; yé Arɔn benu é dan a nyɛ zén lɛ balebanna ta fɛfaana.

Lévinu 4:15

Izraɛl mi segelenu é dan ’wo bɛnu pla lɛ dirigɔné ’wuo la Gakelebale ’lɛ yé wo dan dirigɔné bɔrɔ bo lɛ Gakelebale ’lɛ.

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:24

É dan ’é bɛ pla lɛ boligɔné ’wuo la yé é dan a bɔrɔ bo lɛ, balebanwi lé wa kyɛ blé, woo wo bɔrɔ boo Gakelebale ’lɛ fɛana, ana. Wenyané ’yibo saraka lé.

Lévinu 4:26

É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.

Lévinu 4:29

É dan é bɛ pla lɛ wenyané ’yibowi ’wuo la, yé é dan a bɔrɔ bo lɛ Balebanwi lé wa kyɛ blé, woo wo bɔrɔ boo fɛana, ana.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:33

É dan ’é bɛ pla lɛ wi ’wuo la yé é dan a bɔrɔ bo lɛ wenyané ’yibo saraka nya, Balebanwi lé wa kyɛ blé, woo wo bɔrɔ boo fɛana, ana.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:4

É dan da lɛ dirigɔné nya zén‐ékevasɔkɔn ’léé, Gakelebale ’lɛ; yé é dan é bɛ pla lɛ dirigɔné ’wuo la, yé é dan a bɔrɔ bo lɛ Gakelebale ’lɛ.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 6:7

Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Lévinu 8:14

É wenyané ’yibo dirigɔné bié, yé Arɔn valé é benu ’wo bɛ pla wenyané ’yibo dirigɔné ’wuo ta.

Lévinu 8:18

Bale ban ’blagɔné lé wo dan a kyɛ ble lɛ, Moizi a bié, yé Arɔn valé é benu wo bɛ pla a ’wuo ta.

Lévinu 8:22

É ’blagɔné koɛ bié, yee lé ke mi bɛ pale balebanle ta ’blagɔné nya, yé Arɔn valé é benu wo bɛ pla ’blagɔné ’wuo ta.

Lévinu 9:7

Moizi lé Arɔn lɛ léé: ’I bié balebanna sɔnɔ; ’i wenyané ’yibo saraka bo yé balebanwi lé wa kyɛ blé, bé nɔ, bii valé munu lé wenyané ’yibole we gi; ’i munu lé saraka bo é ziin yé ’i wolé wenyané ’yibo, Gakelebale a fe fɛan zo, a zo.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Mi Nɔnɔle 15:28

Mi lé é wenyané kɛlɛ é tanyila, Balebanzan é dan alé wenyané ’yibo lɛ Gakelebale ’lɛ; dé é wenyané ’yibofɛ nɔ, ’té maa dan a ma we vo lɛ.

Mi Nɔnɔle 25:13

É dan kɛlɛ lɛ gipawe lé a glɛ ’ka lo, a nya, yee valé é kulunu zé nya lɛɛfaama. É ’élé Bale lɛi maawo, azama, yé é Izraɛlnu lé wenyané ’yibo.

Mi Nɔnɔle 8:10

’I Lévinu bié Gakelebale ’lɛ, yé Izraɛlnu ’wo bɛnu pla Lévinu ta ma.

Mi Nɔnɔle 8:12

É a lé Lévinu ’wo bɛnu pla dirigɔnénu ’wuo ta; yé ’bé do nɔ wenyané ’yibofɛ nya, yé ’bé do nɔ balebanwi lé wa kyɛ blé, a nya, Lévinu lé wenyané ’yibole we gi.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 3:25

Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Ébrunu 10:4

dirigɔné valé boligɔné nyɛ ’ka bɔa wenyané sile lɛ munu lee lo, azama.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.