Lévinu 1:3 - Kazambale lé Sebe Sauunu 1979

³ Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 1:3 ပူးပေါင်းရင်းမြစ်များ

Wepélisiananu 22:13

Abraam é yara nwa yé é ’blagɔné do ye é zuo, ’té a béli fié a é kuale yiliné ma; yé Abraam go yé é ’blagɔné si yé é a kyɛ ble Bale blan nya é be pa gi.

Wepélisiananu 22:2

Yé Kazambale léé: ’I be si; i be wɔlɛ do kpen lé é ke Izak nya, ’té é sɔ i lɛ é baba bɛ, bé si yé ’i goan Morija tɛrɛ la yé gɔnu va gɔ do lé maa dan a gɔɔn lɛ i lɛ, bé kyɛ ble an lɛ blɛ nya a nwiin.

Wepélisiananu 22:8

Abraam a zi pa léé: An be, Kazambale boen é dan ’blané nɔ lɛ é boan, yé wa kyɛ ble. Yé wo fiénu vo tawona ékeva.

Wepélisiananu 8:20

Noé bale banna do dɔ. É wi kenu si wi zinzinnu faa va, yé é miané kenu si miané zinzinnu faa va, yé é wo kyɛ ble Bale zé nya, balebanna ta.

2 Minwiinmunu lé Wezuofe Sɛbɛ 29:32

Balebanwinu lé wa kyɛ ble, wo ’léé lé ke ’ko: dirigɔné a yɔ yaa wɔlɛ vu, ’blagɔné a yɔ soru, ’blanénu a wuru do. Wo winu ’ko faa gyɛ balebanwinu lé wa kyɛ blé, a nya, Gakelebale ’lɛ.

2 Minwiinmunu lé Wezuofe Sɛbɛ 35:12

Balebanwinu lé wa kyɛ blé, wa pa é yɛrama léé, wa nɔ munu lɛ wo tranu dɔgɔnɔ yɛrama do do, léé, ’wo Gakelebale ban wo nya, fɛan zo lé wa gyɛ Moizi lé sɛbɛ gi, a zo. A zo duo lé wa kɛlɛ dirinu zé nya.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Fwile 24:5

É Izraɛlnu va pɛniɛnu nwunvɔ Gakelebale banle we gi, balebanwi lé wa kyɛ blé, a nya, ’bɛ valé bɔvɔ sarakanu bole dirigɔnénu nya we gi.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Fwile 29:4

I dan Arɔn valé é benu bié lɛ zén‐ékevasɔkɔn’léé zia, yé i dan wo zuru lɛ ’yi nya.

Fwile 29:42

Balebanwi lé wa kyɛ blé, ’té a nɔle glɛ ’ka lo, ’té ka kulunu é kulunu é dan a nɔ lɛ zén‐ékevasɔkɔn ’léé, Gakelebale ’lɛ, yee lé ke bɛ; ana lé maa valé ka é dan kee lɛ yé maa dan we fe lɛ ka lɛ.

Fwile 32:6

’Bɛ é tu kini munu nwa bladi tutu yé wo diriné banwinu kyɛ ble yé wo bɔvɔ sarakanu bo. Munu nyana yé wo fɛ ble yé wo fɛ mini, ’bɛ zuo wo nwa yé wo vo zana gyɛna.

Fwile 35:21

Munu faa lé é sɔ wo bli lɛ, ’té wo bli ke é zima, wo da Gakelebale blan nya, zén‐ékevasɔkɔn koo, a ma nyanamapafɛnu koo, balelasɔnu koo, wo kɛlɛle we gi.

Fwile 35:29

Nyanama lé Gakelebale munu bɔɔ pa a ma Moizi lɔlu nya, Izraɛl lé munu faa lé é ke wo bli gi léé, ’wo nyanama ’ko paan, gɔnénu valé lomu, wo da blan nya Gakelebale lɛ wobo lé blibɔmale nya.

Fwile 35:5

’Ka ka leefɛ ke si Gakelebale blan nya. Munu faa lé bli zin ke wo gi, wo dan da lɛ Gakelebale blan nya; kyan valé gɔɔlifu valé zéné koo,

Fwile 36:3

Blannu faa lé Izraɛl lé nénu da wo nya, nyanamanu lé wa pa, sɔkɔn gi nyanama pale we ma, wo we ma, Bɛsaléɛl wo si Moizi va. Bladi faa do do ma woo dan blannu nya Moizi lɛ wolé blibɔmale nya.

Fwile 38:1

Balebanna lé wo dan balebanwi kyɛ ble lɛ a ta, é a kɛlɛ akasiayili nya; a sangi a mɛtrɛ fié é buu, yé a’wuola a mɛtrɛ fié é buu; a sangi valé a ’wuola faa bɔ ékema do, é sun nya, yé a nwale loru kɛlɛ mɛtrɛ do é buu.

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézékiɛl 20:40

Naa, Mizan Gakelebale léma: Izraɛl munu faa valé munu faa lé wo ke tɛrɛ ’ko la, wo dan an bɔ lɛ anlé gɔ sauun, Izraɛl gɔ torole nwiin. ’Bɛna lé maa dan ka si lɛ ginanale nya, yé an bli é dan vo lɛ kalé blɛfɛnu koo, kalé féifɛ vininnu koo, fɛnu faa lé ka wo pa é yɛrama anzé nya koo, wo lɛ.

Ézékiɛl 40:39

Tablé fié a é dɔrale kɔn lɛɛ kiéné bɛ fié la. Wo ta lé balebanwi lé wa kyɛ blé koo, wenyané ’yibo saraka koo, we nyaa saraka koo, woo wo bɔrɔ boo.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 14:10

A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 16:7

É dan yee boligɔnénu fié si lɛ yé é dan wo dɔ lɛ Gakelebale ’lɛ, zén‐ékevasɔkɔn ’léé.

Lévinu 17:4

yé é ’ka da lɛ a nya zén‐ékevasɔkɔn ’léé, Gakelebale banle we gi Gakelebale lé sɔkɔn ’lɛ lo, ’té nyɛwe a mi ’ko nwiin; é nyɛ zana é pla, amalé wo dan mi ’ko si lɛ ’élé munu va.

Lévinu 17:8

Amalé ’bé fe wo lɛ léma: Dé Izraɛl mi do léé, ɛɛ, dé bɛn bɛ mi lé ke é nyanale ka va, dé ’bɛ léé, balebanwi lé wa kyɛ blé, dé é a nɔ, ɛɛ, dé é balebanwi nɔ

Lévinu 17:9

yé é ’ka da lɛ Gakelebale ban lɛ a nya zén‐ékevasɔkɔn ’léé lo, mi ’ko, wo dan a si lɛ ’élé munu va.

Lévinu 23:12

Yian nya lé ka yee ’sanwun dia é bɛ fié la, lɛɛ do ’blané lé, we do kpen ’ka a ma lo, ka dan a nɔ lɛ Gakelebale lɛ, balebanwi lé wa kyɛ blé, a nya;

Lévinu 23:18

Buru ’ko, ka dan fɛan nɔ lɛ a va, yee lé ke ’blané sɔrafié lé wo lɛɛ ke do, ’té we do kpen ’ka wo ma lo, wo koo, dirigɔné boroné do koo, ’blagɔné fié koo, wo nya; ka dan wo nɔ lɛ Gakelebale lɛ, balebanwi lé wa kyɛ blé, a nya; ’ka wo va blɛ valé baleban’yi nɔ ékeva; é a saraka lé wa kyɛ blé, ’té Gakelebale a gin sié néné, a nya.

Lévinu 3:1

Dé mi do a a va léé, ’é bɔvɔ saraka bo Gakelebale lɛ, a we a ’ko zo: Dé é diri nɔ, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ Gakelebale lɛ.

Lévinu 4:15

Izraɛl mi segelenu é dan ’wo bɛnu pla lɛ dirigɔné ’wuo la Gakelebale ’lɛ yé wo dan dirigɔné bɔrɔ bo lɛ Gakelebale ’lɛ.

Lévinu 4:23

yé é da ’élé wenyané ta bɔra lɛ, é dan saraka bo lɛ boligɔné lé we do kpen ’ka a ma lo, a nya.

Lévinu 4:3

dé wenyanékɛlɛzan a Balebanzan lé wo nyɔnɔ zén a nwiin, a nya, yé we ’ko nya lé é we dɔ munu nwiin, é a lé ’élé wenyané ’yibo saraka bo Gakelebale lɛ, dirigɔné boroné lé we do kpen ’ka a ma lo, a nya; wenyané ’yibo saraka lé.

Lévinu 4:32

Dé é ’blané nɔ wenyané ’yibofɛ nya, ’blada lé we do kpen ’ka a ma lo, ’é yee ɛ nɔ.

Lévinu 5:15

Fɛnu lé wa plaan Gakelebale zé nya, dé mi a nɔ yuɛgiblan nya yé é wenyané kɛlɛ é tanyila, é dan wenyaa saraka bo lɛ Gakelebale lɛ alé wenyané ma; gɔɔlifu sikla ’léé lé é dia a ma, fɛna sauun lé sikla nya, ’bɛ yɛrama ’blagɔné lé we do ’ka a ma lo, yee lé ’é a si trubɛ va, é dɔ i gi fɛan zo, a zo, yé ’é wenyaa saraka bo a nya.

Lévinu 5:18

É dan da lɛ wenyaa saraka bofɛ nya Balebanzan lɛ. É dan da lɛ ’blagɔné lé we do kpen ’ka a ma lo, ’té wa si trubɛ va, a lɛi lé bé gɔɔn, a nya. Yé wenyané lé é a kɛlɛ é tanyila, Balebanzan é dan a ’yibo lɛ yé Bale é dan a ma we vo lɛ.

Lévinu 6:2

’I Arɔn valé é benu béli dɔ ’ko zo, yé bé fe wo lɛ léma: Balebanwi lé wa kyɛ blé, alé bélidɔwe a ’ko zo: Balebanwi lé wa kyɛ blé, é dan vo lɛ balebanna ta é béli fɔɔ yé tu é kini a ma, ’té kyɛ a blé balebanna ta.

Lévinu 6:8

Balebanzan é dan burupun zima valé nyɔnɔ si lɛ bɛ nya do do, ’bɛ valé lasikɔrɔpo faa lé wa pa baleban fɛblele va, a nya, yé é dan a kyɛ ble lɛ balebanna ta, fɛ gin néné lé éé we sele dɔa Gakelebale gi, a nya.

Lévinu 7:16

Dé mi do saraka bo Bale kunle lɛsɔɔle we ma, ɛɛ, dé é a bo bli drɔɔ blɛ nya, wo dan saraka wi ble lɛ a boyi nya, yé fɛ lé é vo, dé tu kini, ’wo ’bɛ ble.

Lévinu 8:18

Bale ban ’blagɔné lé wo dan a kyɛ ble lɛ, Moizi a bié, yé Arɔn valé é benu wo bɛ pla a ’wuo ta.

Lévinu 8:21

É a bun‐annu valé a mɛnnu ma saa, yé é ’blagɔné faa kyɛ ble balebanna ta; balebanwi lé wa kyɛ blé, yee lé; saraka lé wa kyɛ ble, ’té Gakelebale a gin sié néné, yee lé, Gakelebale a fe Moizi lɛ fɛan zo, a zo.

Lévinu 9:2

É lé Arɔn lɛ léé: ’I dirigɔnéné si wenyané ’yibo saraka nya, yé ’i ’blagɔné si balebanwi lé wa kyɛ blé, a nya, yé ’i Gakelebale ban wo nya. Té we do kpen é kɛlɛ wo fiénu ma lo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Mi Nɔnɔle 15:3

yé saraka lé wa kyɛ blé, dé ka a bo Gakelebale lɛ, dé é a balebanwi lé wa kyɛ blé, a nyaoo, dé é a Bale kunle gifɛ nɔle nyaoo, dé é a bli drɔɔ blɛ nyaoo, dé ’bɛ kaan lo, dé é a kalé fɛti nyaoo, yé dé kalé wi blɛn léé, dé kalé wi kiéné léé, dé ka a kyɛ ble, yé Gakelebale a gin si néné we ma,

Mi Nɔnɔle 15:8

Dé i Bale ban diriné do nya, dé a kyɛblele léé, dé Bale kunle gifɛ nɔle léé, dé Gakelebale bɔvɔ saraka léé,

Mi Nɔnɔle 19:2

Bélidɔwe lé maa Gakelebale a nɔ ka lɛ, yee lé ke ’ko: Bé fe Izraɛlnu lɛ léma: Dirida gbamblɛ do lé, gun ’ka a ma lo, ’té fɛ do kpen ’ka a kɔlɛ ma lo, ’té é ’ka tan nyanama vinin pa lɛ lo, ’wo da a nya.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Mi Nɔnɔle 23:27

Balak lé Balaam lɛ léé: ’I da do. An dan go lɛ i nya fɛ bɛna; dé é dan sɔ lɛ Bale lɛ léé, i bale pa migɔnɔ ’ko ma ’bɛnaa?

Mi Nɔnɔle 23:3

Balaam lé Balak lɛ léé: ’I dɔ ilé balebanwi lé wa kyɛ blé, a punma, yé an dan si lɛ ana. Dé Gakelebale é dan bɔra lɛ an vaa? yé wean é dan a gɔɔn lɛ an lɛ, maa dan a zuo fe lɛ i lɛ. Yé é go fɛna nwale do na.

Mi Nɔnɔle 23:30

We lé Balaam a fe, Balak a kɛlɛ, yé é dirigɔné valé ’blagɔné gyɛ balebannanu ta do do.

Mi Nɔnɔle 28:11

Kalé moné do do faa bɔrale nya, dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ maa, Gakelebale lɛ, balebanwi lé wa kyɛ blé, a nya;

Mi Nɔnɔle 28:19

’Ka Gakelebale ban, wi lé wa kyɛ blé, a nya; dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ wi lé wa kyɛ blé, a nya.

Mi Nɔnɔle 28:31

’Ka saraka ’konu bo ma, balebanwi lé wa kyɛ blé, ’té a nɔle ’ka nyaan lo bɛ, ’é valé baleban’yi, ’té ’ka ’bɛ é no duowo. Té we do é kɛlɛ kalé ’blané ma lo, yé ’ka baleban’yinu pa a va.

Mi Nɔnɔle 29:13

Balebanwi lé wa kyɛ blé, ’té Gakelebale a gin sié néné, ’ka a nɔ: dirigɔné boroné vu ta yaa koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo koo, wo nya.

Mi Nɔnɔle 29:2

Sarakabowinu lé ka dan wo kyɛ ble lɛ, ’té Gakelebale a gin sié néné, wo lé ke ’ko: dirigɔné boroné do koo, ’blagɔné do koo, lɛɛ do ’blané sɔrafié lé we do ’ka wo ma lo koo, woo lé.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LE JAN A GYE (Évangile selon Jean) 1:36

yé dé Jézu a giéna Jan a nagini, yé é léé: Kazambale lé ’Blané lé é ke bɛ.

WENÉNÉ LE JAN A GYE (Évangile selon Jean) 10:7

Jézu lé é ziin wo lɛ léé: Maa fe ka lɛ kyɔ webozen nya, maa a ’bla gɔrɔ ’léé nya.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

2 Korɛnt Munu 8:12

Dé bli zin a mi gi Bale alé blɛ sié a leefɛ yɛrama. Dé fɛ ’ka mian lee lo, Bale ’ka a fe lɛ léé, ’bɛzan ’é fɛ nɔ lo.

2 Korɛnt Munu 9:7

Naa, mi ’é fɛ nɔ fɛan zo lé é dɔ a bli gi, a zo ma. Té é fɛ nɔ é bli zuo valé é bli kyɛ nya lo ma. Naa, mian éé fɛ no gi nanale nya, ’bɛzan ɛ sɔa Kazambale lɛ.

Éfez munu 2:18

naa, alé we ma lé a se a Juifinu lɛ léé, ’wo bié Kazambale sɔnɔ Kazambale Léli nya, yé yee Léli duo nya lé a se a bɛnnu lɛ léé, ’wo bié Kazambale sɔnɔ.

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

Bélidɔwesɛbɛ Fiézan 12:27

Wi lé wa kyɛ blé, ’ka ’bɛ valé é nyɛ nɔ Gakelebale lɛ, Gakelebale, kalé Bale banna ta; naa, saraka bɛnu, ’wo wo nyɛ zana Gakelebale, kalé Bale banna ta, yé ’ka a wi ble.

Bélidɔwesɛbɛ Fiézan 15:21

Dé fɛ do a a ma, dé é tun boo, dé a yuɛ a ’wiile, dé tɔmase do a a ma, té i Gakelebale, ilé Bale ban a nya lo.

Bélidɔwesɛbɛ Fiézan 17:1

Dé é a diri nyaoo, dé é a ’bla nyaoo, dé fɛ do a a ma, ɛɛ, dé a fɛ do sɛrɛ, té i Gakelebale, ilé Bale ban a nya lo; ’bɛ a bélé bo zo Gakelebale, ilé Bale yuɛ gi.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?