Lévinu 1:17 - Kazambale lé Sebe Sauunu 1979

¹⁷ É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:17 ပူးပေါင်းရင်းမြစ်များ

Wepélisiananu 15:10

Abram wi ’konu faa sia yé é wo faa fee bo é méléna tegele, yé é wo pla é ke yɛrama bale fié. É ’ka mianénu fee bo lɛ lo.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Lɛrɛvɔ Sɛbɛ 16:10

Naa, i ’ka dan anboen vo lɛ gamunu nyanana lo; I ’ka dan a nyi si lɛ léé, i sɔlɛzan é vɔn lo.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Lévinu 3:5

Arɔn benu é dan ’bɛ kyɛ ble lɛ balebanna ta, balebanwi lé wa kyɛ blé kyɛyili lé wa zén kyɛ ta, a ta, ’bɛ ta loru. Saraka lé wa faa kyɛ blé, ’té Gakelebale a gin sié néné, yee lé.

Lévinu 5:8

É dan da lɛ wo nya Balebanzan va yé yee lé ke wenyané ’yibofɛ nya, é dan saraka bo lɛ ’bɛ nya é vinin. Balebanzan é dan a bɔrɔ bo lɛ é sɔnéwɔlɛ nya a ’wuo sɔnɔ, naa, té a ’wuo ’é so a ’léé lo;

Lévinu 6:14

’Wa vɔ gbɛlɛ gi nyɔnɔ nya, yé ’ka da a nya ’é male; ’ka a dɔne ’bɛ zo yé ’ka da a nya é kurunu nya, balebanfɛ lé Gakelebale a gin sié néné, a nya.

Lévinu 8:21

É a bun‐annu valé a mɛnnu ma saa, yé é ’blagɔné faa kyɛ ble balebanna ta; balebanwi lé wa kyɛ blé, yee lé; saraka lé wa kyɛ ble, ’té Gakelebale a gin sié néné, yee lé, Gakelebale a fe Moizi lɛ fɛan zo, a zo.

Lévinu 9:13

Balebanwi lé wa kyɛ blé, a wi koo, a ’wuo koo, wa nɔ Arɔn lɛ yé é a kyɛ ble balebanna ta.

Mi Nɔnɔle 15:3

yé saraka lé wa kyɛ blé, dé ka a bo Gakelebale lɛ, dé é a balebanwi lé wa kyɛ blé, a nyaoo, dé é a Bale kunle gifɛ nɔle nyaoo, dé é a bli drɔɔ blɛ nyaoo, dé ’bɛ kaan lo, dé é a kalé fɛti nyaoo, yé dé kalé wi blɛn léé, dé kalé wi kiéné léé, dé ka a kyɛ ble, yé Gakelebale a gin si néné we ma,

Mi Nɔnɔle 28:8

’I ’blané fiézan nɔ nyanadi fɔfɔ, ’té a vafɛ valé baleban’yi a bélé bladi zé zo ma; yee ɛ ke sarakabofɛ lé wa kyɛ blé, ’té maa, Gakelebale a gin sié néné, a nya.

Matio 27:50

Jézu siaa plɛplɛ é ziin do yé a lɛ bo.

WENÉNÉ LE JAN A GYE (Évangile selon Jean) 19:30

Jézu a gi dɔrɔ tɔndɔle mini aan wo, é léé: We faa lɛ sɔɔ. Yé é ’wuo tua, yé a lɛ bo.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;