Lévinu 1:10 - Kazambale lé Sebe Sauunu 1979

¹⁰ Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 1:10 ပူးပေါင်းရင်းမြစ်များ

Wepélisiananu 4:4

yé Abɛl é ziin, ’bɛ é ban élé trubɛ lé né vininnu valé wo nyɔnɔnu nya. Gakelebale Abɛl zé nyi si yé é ’bɛ ban‐ɛn ble;

Wepélisiananu 8:20

Noé bale banna do dɔ. É wi kenu si wi zinzinnu faa va, yé é miané kenu si miané zinzinnu faa va, yé é wo kyɛ ble Bale zé nya, balebanna ta.

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Ézékiɛl 43:22

A yi fiézan nya, boligɔné do lé, fɛ do ’ka a ma lo, bé nɔ wenyané ’yibofɛ nya. A zo lé wo dan balebanna ’lɛ dɔ lɛ, fɛan zo lé wa ’lɛ dɔ dirigɔné nya, a zo.

Lévinu 14:10

A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 16:3

É a lé Arɔn ’é wɔra fɛna sauun tinle na fɛan zo, yee lé ke ’ko: É dan dirigɔné boroné si lɛ wenyané ’yibo saraka nya, yé é dan ’blagɔné si lɛ balebanwi lé wa kyɛ blé, a nya.

Lévinu 16:5

É dan boligɔné fié ye lɛ Izraɛl lé nénu lee wenyané ’yibo saraka nya, yé é dan ’blagɔné do ye lɛ wo lee, balebanwi lé wa kyɛ blé, a nya.

Lévinu 23:12

Yian nya lé ka yee ’sanwun dia é bɛ fié la, lɛɛ do ’blané lé, we do kpen ’ka a ma lo, ka dan a nɔ lɛ Gakelebale lɛ, balebanwi lé wa kyɛ blé, a nya;

Lévinu 3:1

Dé mi do a a va léé, ’é bɔvɔ saraka bo Gakelebale lɛ, a we a ’ko zo: Dé é diri nɔ, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ Gakelebale lɛ.

Lévinu 4:23

yé é da ’élé wenyané ta bɔra lɛ, é dan saraka bo lɛ boligɔné lé we do kpen ’ka a ma lo, a nya.

Lévinu 4:3

dé wenyanékɛlɛzan a Balebanzan lé wo nyɔnɔ zén a nwiin, a nya, yé we ’ko nya lé é we dɔ munu nwiin, é a lé ’élé wenyané ’yibo saraka bo Gakelebale lɛ, dirigɔné boroné lé we do kpen ’ka a ma lo, a nya; wenyané ’yibo saraka lé.

Lévinu 5:15

Fɛnu lé wa plaan Gakelebale zé nya, dé mi a nɔ yuɛgiblan nya yé é wenyané kɛlɛ é tanyila, é dan wenyaa saraka bo lɛ Gakelebale lɛ alé wenyané ma; gɔɔlifu sikla ’léé lé é dia a ma, fɛna sauun lé sikla nya, ’bɛ yɛrama ’blagɔné lé we do ’ka a ma lo, yee lé ’é a si trubɛ va, é dɔ i gi fɛan zo, a zo, yé ’é wenyaa saraka bo a nya.

Lévinu 9:2

É lé Arɔn lɛ léé: ’I dirigɔnéné si wenyané ’yibo saraka nya, yé ’i ’blagɔné si balebanwi lé wa kyɛ blé, a nya, yé ’i Gakelebale ban wo nya. Té we do kpen é kɛlɛ wo fiénu ma lo.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

Mi Nɔnɔle 15:5

yé ’i dɔrɔ litré do kɛlɛ baleban’yi nya, yé dé ’blané do kɛlɛ balebanwi lé wa kyɛ blé, a nyaoo, dé saraka bo ’blané do léoo, ’wo baleban’yi ’ko nɔ wo do do va.

Mi Nɔnɔle 19:2

Bélidɔwe lé maa Gakelebale a nɔ ka lɛ, yee lé ke ’ko: Bé fe Izraɛlnu lɛ léma: Dirida gbamblɛ do lé, gun ’ka a ma lo, ’té fɛ do kpen ’ka a kɔlɛ ma lo, ’té é ’ka tan nyanama vinin pa lɛ lo, ’wo da a nya.

Mi Nɔnɔle 6:14

É a lé é Gakelebale ban; ’blagɔnéné lé a lɛɛ kɛlɛ do, ’té we do ’ka a ma lo, ’é ’bɛ nɔ balebanwi lé wa kyɛ blé, a nya; ’bladané lé a lɛɛ kɛlɛ do, ’té we do ’ka a ma lo, ’é ’bɛ nɔ wenyané ’yibofɛ nya; ’blagɔné lé we do ’ka a ma lo, ’é ’bɛ nɔ bɔvɔ saraka nya;

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.