Jérémi Lé Wuvɔ Sɛbɛ 5:21 - Kazambale lé Sebe Sauunu 1979

²¹ Oo Gakelebale, ’bé kɛlɛ léé, ko da i va é ziin, yé ko dan da lɛ i va. ’I yinu nɔ ko lɛ bélé é vinin zé zo.

Jérémi Lé Wuvɔ Sɛbɛ 5:21 ပူးပေါင်းရင်းမြစ်များ

1 Minwiinzannu 18:37

’I we zi pa an lɛ, Gakelebale, ’i we zi pa an lɛ, munu ’ko lé a gi dɔɔle we gi léé, bii, Gakelebale ɛ ke Bale nya, yé bii ɛ wo bli nɔlaan.

Lɛrɛvɔ Sɛbɛ 80:19

Yé ko ’ka dan si lɛ i ma baa é dɛrɛ lo, ’I ko vo é yuɛma é ziin, yé ko dan i tɔ laa lɛ.

Lɛrɛvɔ Sɛbɛ 80:3

’I nwa, Éfraim koo, Bɛnjamɛn koo, Manasé koo, wo yuɛ va, ’Ilé plɛplɛ nagɔɔn yé ’i da bɔ ko va.

Lɛrɛvɔ Sɛbɛ 80:7

I ko nɔ ko bɔluzannu lɛ léé, ’wo ko sɔnɔ, ’Té ko nyanézannu éé yéri sié ko ma.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Ézai 60:20

Yiri ’ka dan vɔ lɛ i ta é dɛrɛ lo, Moné ’ka dan vɔ lɛ i ta é dɛrɛ lo; Naa, Gakelebale é dan kɛlɛ lɛ ilé san nya yifaama, Yé ilé gyɛboyinu é dan gié lɛ.

Jérémi 30:20

Wo benu é dan kɛlɛ lɛ bélé é vinin zo, Wo dan zén lɛ ékeva yifaama an ’lɛ, Munu lé woo yaan wo ta, maa dan we lɛdɔ lɛ ’bɛnu faa gi.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 31:4

Izraɛl, blɛnzan, maa dan i dɔ lɛ gligli é ziin, yé i dan dɔ lɛ kil. Ilé flinnu é dan kɛlɛ lɛ i ’lɛrɛfɛ nya é ziin, yé munu lé wo ke nɛnɛ bona ginanale nya, i dan pa lɛ wo va.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 33:13

Gɔ ma flanu koo, fɛna pɛblɛɛ flanu koo, yirinwana bɛyilazia flanu koo, Bɛnjamɛn tɛrɛla valé Jérusalɛm zi flanu koo, Juda tɛrɛla flanu koo, ’blanu é dan gié lɛ ’wo nɔnɔzan wuo wona. Maa Gakelebale ɛ ke a fena.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Malasi 3:4

Yé Juda valé Jérusalɛm munu lé blɛnu é dan Gakelebale gi nana lɛ, bélé é li zé zo.