Jérémi Lé Wuvɔ Sɛbɛ 4:22 - Kazambale lé Sebe Sauunu 1979

²² Siɔn munu, wo kalé weple ’yibo; É ’ka dan go lɛ ka nya luu gi é dɛrɛ lo. Édom munu, é dan we lɛdɔ lɛ ka gi kalé weplenu ma, É dan kalé wenyanénu bɔra lɛ gɔrɔ la.

Jérémi Lé Wuvɔ Sɛbɛ 4:22 ပူးပေါင်းရင်းမြစ်များ

Lɛrɛvɔ Sɛbɛ 137:7

Gakelebale, Édom munu sele ’é dɔ i gi ma, Munu lé, wa fe Jérusalɛm ma yi la léé: ’Ka a ’wii, ’ka a ’wii Fɔɔ yé é bɔ a gane vɔna ma, wo sele ’é dɔ i gi ma.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 60:18

Wo ’ka dan glawe ’ma lɛ ilé tɛrɛ la é dɛrɛ lo, Wo ’ka dan ’wiile fɛ ta valé fɛ sɛrɛle vun ’ma lɛ ilé fɛna é dɛrɛ lo; Wo dan i gɔrɔ laa lɛ, sile we gi; Wo dan i gɔrɔ ’léénu laa lɛ, tɔzinfele.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Jérémi 33:8

Weplenu faa lé wa kɛlɛ an lɛ, maa dan wo zuru lɛ ’bɛ we ma, yé weplenu lé wa kɛlɛ an ’namawe nya, yé wo nwa an ma wo nya, maa dan wo ma we vo lɛ ’bɛ we ma.

Jérémi 49:10

Naa, maa dan Ézau gi puo lɛ; maa dan a yɔɔna tanu bɔra lɛ yé é ’ka bɔa yɔɔle lɛ é dɛrɛ lo. Alé nénu koo, a bwenu koo, a punma munu koo, wo dan zamaga wo lɛ, ’té wo ’ka é dɛrɛ lo.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Jérémi Lé Wuvɔ Sɛbɛ 4:6

We lɛdɔle anlé munu gi a blɛn, É mini Sɔdɔm zé ta, É sɛrɛ tata bléyi do nya, ’Té mi do ’ka é bɛ mane lɛ a ma lo.

Ézékiɛl 37:28

Dé maa anlé fɛna sauun dɔ wo méléna bléyi faa zé nya, ’bɛ bléyi va, bɛnnu é dan a gi dɔɔ lɛ léé, Gakelebale lé éé Izraɛl munu paan é yɛrama, maa a a nya.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Abudias 1:10

Glawe lé bé kɛlɛ i bwe Jakɔb lɛ, ’bɛ lé we ma lé Yara blɛn é dan i gyɛ lɛ, Yé izé é dan nyaa lɛ tata.

Malasi 1:3

yé Ézau za a an gi. Maa kɛlɛ léé, té mi é nyana alé gɔnu ma lo, maa alé zaratɛrɛ nɔ gwenu lɛ.

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.