Jérémi Lé Wuvɔ Sɛbɛ 4:20 - Kazambale lé Sebe Sauunu 1979

²⁰ Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Jérémi Lé Wuvɔ Sɛbɛ 4:20 ပူးပေါင်းရင်းမြစ်များ

Wepélisiananu 2:7

Bale, Gakelebale vun si yé é a kɛlɛ mi nya; é mibélifu fɛɛ a nyé ’léé yé mi kinin mi yuɛmale nya.

Wepélisiananu 44:30

Sin, dé ko go é ziin i wuozan an ti va, ’té né lé a we ke a lee kaii bɛ, dé é ’ka ko va lo,

2 Samuɛl 1:14

David lé a lɛ léé: Mɛmalé i ’ka kana lɛ i bɛ nwale ma Gakelebale lé nyɔnɔzénnwiinzan ma lo, yé bé gyɛɛ?

2 Samuɛl 1:21

Gilboa gɔnu, Té fli ’é vɔ ka ta lo, té lɛɛ ’é da ka ta lo, Té ka ta féinu ’é fɛ dɔ yé wo Bale ban ana fɛ vinin nya lo. Wo nyanazannu lé botakuunfɛnu vuli ’bɛna, Wo Saul lé botakuunfɛ vuli ’bɛna, azama. Wo ’ka nyɔnɔ zén‐é wo ta é dɛrɛ lo.

2 Samuɛl 18:3

Naa, munu léé: I ’ka dan go lɛ lo. Dé ko fwila, ’bɛ ’ka we do nya wo yuɛ gi lo; dé ko lɛ do ga, ’bɛ ’ka we do kpen nya wo yuɛ gi lo; naa, bii a bélé ko va mi baa soru zo; a fila vɔ léé, ’i vo fla i ma’lɛrɛle nya, bɔle ko va we ma.

2 Samuɛl 19:21

Yé Séruja be Abisai dére kun yé é léé: Siméi bale pa Gakelebale lé nyɔnɔzénnwiinzan ma, amalé a ga yara kaan loo?

2 Minwiinmunu lé Wezuofe Sɛbɛ 35:25

Jérémi Jozias tɔ sia lɛrɛ nya. Lɛrɛvɔgɔnénu valé lɛrɛvɔlomu faa wo Jozias kɛlɛwe vɔ wuvɔlɛrɛnu nya fɔɔ kyɔ yi nya, yé we ’ko kɛlɛ Izraɛl lé gɔnɔlawe nya. Lɛrɛ ’konu a é gyɛle wuvɔlɛrɛ lé sɛbɛ gi.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Jérémi 39:5

Naa, Kaldé sunyanu go wo zuo yé wo bɔ Sédésias ma Jériko lé fɛna pɛblɛɛ na. Wa kun yé wo go a nya Babilɔn nwiinzan blɛn Nébukanɛsaa va, Amat tɛrɛ la fla lé wa laama Ribla, a ta. Yé Nébukanɛsaa wolé we ble é nya do.

Jérémi 52:8

Naa, Kaldémunu lé sunyanu minwiinzan blɛn zuo bin yé wo bɔ a ma Jériko lé fɛna pɛblɛɛna, yé alé sunyanu kini ékema a ma.

Jérémi 52:9

Wo minwiinzan blɛn kun yé wo go a nya Babilɔn minwiinzan va Ribla; yé wo alé we ble ’bɛna.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Ézékiɛl 12:13

Maa dan anlé mane kun séli vɔ lɛ a ’lɛ, yé maa dan a kun lɛ anlé séli nya; maa dan go lɛ a nya Babilɔn Kaldé tɛrɛ la, naa, é ’ka dan ana ye lɛ lo; é dan ga lɛ ana.

Ézékiɛl 17:18

É bale ’nyɔɔnle ye boawe nya, yé é gipawe sɛrɛ, dɔlé ’té é a nyi si é vinin, yé é we ’konu faa kɛlɛ. É ’ka dan so lɛ we ’ko lee lilo.

Ézékiɛl 31:17

Wo é ziin, wo go a va gamunu nyanana, munu lé wo wo gyɛ gwɔun nya za ma, wo va; wo ɛ ke a bɛ dɔplɛplɛzannu nya, yé ’té wa é nyanale a furɔ va bɛnnu méléna.

Daniɛl 4:12

A kwɛɛnu a é nɔnɔmi yé a poronu a di. Munu faa lé fɛblele éé yé a va. Bwigiwinu éé yiaan a furɔ va, yé lagi mianénu ’wo kɔn dɔa a bɛnu ta, yé fɛ yuɛmalénu faa wolé fɛblele yé a va.

OZÉ (Osée) 13:10

I nwiinzan blɛn a kyɛɛn? ’É i si we gi ilé fla faa ta ma. I lé yi la an lɛ léé, maa ’wo nwiinzan blɛn valé ’wo ’lɛzannu nɔ, sin, wa kyɛɛn?

Weblezannu 9:15

Léliyiliné a zi pa yilinu lɛ léé: Dé ka bli tegele nya lé é sɔ ka lɛ léé, ka nyɔnɔ zén an nwiin ka nwiinzan nya, ’ka da, ’ka ta yɔɔ an furɔ va; dé ’bɛ kaan lo, kyɛ é dan bɔra lɛ léliyiliné gi yé é Liban lé sɛdrɛyilinu ble.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 12:5

É lé wo lɛ é ziin léé: Gakelebale a wenayezan nya yé alé nyɔnɔzénnwiinzan a wenayezan nya kyɔ léé, ka ’ka kalé fɛ ye lɛ an lee lo. Wa zi pa léé: Iin, wana wenayezannu nya.

1 Samuɛl 16:6

Wo wɔra aan wo Samuɛl Éliab ye yé é lé é bli gi léé: Weboen lé, Gakelebale lé nyɔnɔzénnwiinzan lé ke an ’lɛ ’ko.

1 Samuɛl 24:10

David lé Saul lɛ léé: Munu lé wa fe léé, David a kwa kulina wenyané kɛlɛle i lɛ we ma, mɛmalé i tɔné dɔa wo lɛɛ?

1 Samuɛl 24:6

’Bɛ zuo a gibɔrɔle we dɔ a nwiin Saul lé sɔ lɔlu bɔile we ma.

1 Samuɛl 26:16

We lé bé kɛlɛ, é ’ka é zima lo. Gakelebale a é yuɛma. I ’ka izan Gakelebale lé nyɔnɔzénnwiinzan tabin lɛ lo, amalé i ga yara lé. ’Bé gini sin, minwiinzan lé din valé ’yikuo lé ke a ’wuoplalafɛ sɔnɔ bɛ, wa kyɛɛn?

1 Samuɛl 26:9

Naa, David lé Abisai lɛ léé: Té bé gyɛ lo. Mi kyɛn ɛ bɔa é bɛ manele lɛ Gakelebale lé nyɔnɔzénnwiinzan ma yé ’bɛzan é vo é plaa?