Jérémi Lé Wuvɔ Sɛbɛ 4:17 - Kazambale lé Sebe Sauunu 1979

¹⁷ Ko yuɛ pɛ ga é gi é ziin, Ko ko bɔavazannu lɛbɛn é pla. Ko vo a naginina, ’té ko bli a a lɛ léé, Bɛn do é dan ko si lɛ we gi, naa, ’bɛ ’ka lo.

Jérémi Lé Wuvɔ Sɛbɛ 4:17 ပူးပေါင်းရင်းမြစ်များ

2 Minwiinzannu 24:7

Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

Ézai 20:5

Yé Juda munu lé wo pale ke Étiopi munu ta, ’té wo wobo tɔ bɔa Éjipiti munu gi, kana é dan zén lɛ wo gi, yé yaragyɛwe é dan bɔ lɛ wo ma.

Ézai 28:18

Ka gi lé ka pa do ga va, maa dan ’bɛ sɛrɛ lɛ. Ka ’ka dan nana lɛ mipagurunu nya é dɛrɛ lo. Dé migyɛgyɛ da é dan ka ’wii lɛ.

Jérémi 2:18

Yé sin, mɛmalé é sɔ ka lɛ léé, ka go Éjipiti tɛrɛ la Yé ka Nil yuu minii? Mɛmalé é sɔ ka lɛ léé, ka go Asiri tɛrɛ la Yé ka ’bɛna yuu minii?

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 2:37

Ana lé ka dan si lɛ, ka bɛ nya é plale ka nwiin. Naa, munu lé ka bli vo wo lɛ, Gakelebale sɔn vɔ wo ma, amalé a va ’ka dan gyɛ lɛ ka lee lo.

Jérémi 8:20

Fɛ gyɛbléyi gié, yé lɛɛ dabléyi nyaa Yé ko ’ka tan si lɛ we gi lo.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 1:7

Jérusalɛm lé klebleyi valé alé nyanaizénlayi nya, We néné faa lé ke azé nya é vinin, wo sele dɔ a gi, Naa, sin alé munu dia munu lé ’bɛnu éé yaan wo ta, ’bɛnu lee, ’té wo bɔvazan do kpen ’ka lo; Wo nyanézannu wo nagini é pla, ’té woo yéri sié a zunle we ma.

Jérémi Lé Wuvɔ Sɛbɛ 5:6

Ko bɛ soi Éjipiti valé Asiri vazia, léé, Wo fɛblele nɔ ko lɛ.

Ézékiɛl 29:16

Yé yee bɛngɔnɔ ’ko ’ka dan kɛlɛ lɛ Izraɛlnu pa a tazan nya é dɛrɛ lo; yé dé wo yara nɔla a vazia, é dan wolé weple sele dɔ lɛ wo gi, yé wo dan a gi dɔɔ lɛ léé, maa ɛ ke Mizan Gakelebale nya.