Jérémi Lé Wuvɔ Sɛbɛ 4:14 - Kazambale lé Sebe Sauunu 1979

¹⁴ Woo nɔɔan zinu ta bélé yuɛwiizannu zo, ’Té nyɛ wo tiri dɔ; Wo ’ka bɔa manele lɛ Wolé varɔnu ma lo.

Jérémi Lé Wuvɔ Sɛbɛ 4:14 ပူးပေါင်းရင်းမြစ်များ

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Jérémi 2:34

Yé nyanégyɛzannu valé weanwiinlozannu nyɛ a é zénle kalé varɔ gi, dɔlé ’té ka ’ka bɔ lɛ wo ma kɔn sɛrɛna yé wo wɔra a gi lo.

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Ézékiɛl 23:45

Naa, mi tegelenu é dan wolé we ble lɛ, fɛan zo lé woo le bɛ zana ginizannu lé we blé, a zo, bélé fɛan zo lé woo mi nyɛ zana lomu lé we blé, a zo. Naa, wa le bɛ zana ginizannu nya, yé mi nyɛ a wo bɛ ma, azama.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

Sofoni 1:17

Maa dan we tɔntɔn bɔ lɛ munu ma, yé wo dan tawo lɛ bélé yuɛwiizannu zo, wo wenyané kɛlɛ Gakelebale ma, azama. Maa dan wo nyɛ nwɛɛn lɛ bélé vungoi zo; maa dan wo wi nwɛɛn lɛ bélé bli zo.

Mi Nɔnɔle 19:16

Dé miomian é ke féi, yé é mane mi lé wa gyɛ gwɔun nya, dé yee léé, dé migale pla léé, dé migale wɔlɛ léé, dé mi vun léé, a ma, é ’ka dan kɛlɛ lɛ tegele lo fɔɔ yi sɔrafié.

Mi Nɔnɔle 35:33

Tɛrɛ lé ka nyana ana, té ka a sɛrɛ lo, naa, mi nyɛ éé tɛrɛ sɛra. Nyɛ lé wa zana tɛrɛ la bɛ, a siafɛ ’ka lo, fɔɔ ’té mi lé é mi gyɛ, ’té wa gyɛ é wo.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Éfez munu 4:18

Wolé we ’léé a é vole, wa wo tanyila, yé wo tɔné gi a é yuyu, amalé wo ’ka a gi dɔɔa léé, Kazambale éé mi bélié lo.