Jérémi Lé Wuvɔ Sɛbɛ 3:39 - Kazambale lé Sebe Sauunu 1979

³⁹ Mɛmalé blaminu woo voo gun gyɛna wolé tɛrɛla gii? É a lé wo we pla ’wobo lɛ, wolé wenyané ma.

Jérémi Lé Wuvɔ Sɛbɛ 3:39 ပူးပေါင်းရင်းမြစ်များ

2 Minwiinzannu 3:13

Élizé lé Izraɛl minwiinzan lɛ léé: Ko a é nanale i nya mɛ we taa? ’I go i ti lé balelayezannu valé i bu lé balelayezannu va. Yé Izraɛl minwiinzan lé a lɛ léé: Gba, naa, Gakelebale minwiinzan yaa ’ko laa léé, ’é wo pa Moab munu lee.

2 Minwiinzannu 6:32

Élizé a é nyanale élé kɔn gi, ’té mi segelenu a é nyanale a va. Naa, nwunvɔzan ’ka tan bɔ lɛ lo, yé Élizé lé mi segelenu lɛ léé: Ka ye léé, migyɛzan be ’ko mi nwunvɔ an ’wuo kinile we gii? ’Ka tɔné dɔ. Dé nwunvɔzan da, ’ka kɔn lɛ tan yé ka a nyunu duoli nya. Azan gane vun ’ka wena a zuo loo?

2 Minwiinzannu 6:33

É a tan we fena wo lɛ tɔɔn, nwunvɔzan da a vazia, yé é léé: Bé ye, we tɔntɔn ’ko si Gakelebale va; mɛmalé an bli vo Gakelebale lɛ é dɛrɛɛ?

Ezidras 9:13

Wenu lé wo bɔ ko ma, ko kɛlɛwe naanénu valé ko saanle blɛnnu lé we ma, oo kolé Bale, i ’ka we lɛdɔ lɛ ko gi ko kɛlɛwe ple yɛrama lo, yé sin, i ko luugimunu ke vo é yuɛma.

JOB (Job) 11:6

Alé wedɔɔle blɛnblɛn lé ke é yɔɔle, Dé é a bɔra kɔɔn i lɛ, I dan a ye lɛ léé, é ’ka we kɛlɛna i lɛ ilé weple yɛrama lo.

JOB (Job) 15:13

Kazambale ma lé i bli éé flian ’Té ’bɛ zo wefele éé bɔraan i ’léé?

Lɛrɛvɔ Sɛbɛ 107:17

Tavozannu kɛlɛwe naanénu Valé wolé weplenu lé we ma lé wo kɛlɛ wenaanébɔmazannu nya.

Wegɔnévɔlenu 19:3

Mi lé tavowe éé mi giébɛ sɛra, yé Gakelebale ma lé a bli éé flian.

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Jérémi 10:19

Jérusalɛm léé: We tɔntɔn bɔ an ma; maa zana a gi. An manɔn vo tɔntɔn. Naa, maa léé: Dirikinié mi lɛ we bɔ an ma, An dan an ’wuo dɔ lɛ a wuo.

Jérémi 30:15

Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Lévinu 26:43

Wo dan si lɛ wolé tɛrɛ la, yé bléyian va lé wolé tɛrɛ ke é sɛrɛle, ’té wa baa, é dan élé flinyinu kɛlɛ lɛ; wo lɔlu plɛn anlé gɔnɔlawenu ma, yé wo boen serele bo anlé bélidɔwenu ma, amalé wo dan wolé weplenu banwo lɛ.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Mi Nɔnɔle 11:11

Moizi bli kyɛ dɔ, yé é lé Gakelebale lɛ léé: Mɛmalé i nyané paan maa, i wuozan taa? Yé mɛmalé an ’ka i yuɛ gi bɔ lɛ lo yé i munu ’ko faa dɔ an nwiin kɔné nyaa?

Mi Nɔnɔle 16:41

’Bɛ é tu kini, Izraɛlmunu gun gyɛ Moizi valé Arɔn ma, a fele nya léé: Ka ɛ Gakelebale lé munu gyɛ.

Mi Nɔnɔle 17:12

Izraɛlnu lé Moizi lɛ léé: Bé ye, ko a gana, ko a zamaga wona. Ko faa a zamaga wona.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.