Jérémi Lé Wuvɔ Sɛbɛ 3:37 - Kazambale lé Sebe Sauunu 1979

³⁷ De ɛ bɔa a fele lɛ léé, we ’ko é dan bɔ lɛɛ? ’Té dé Mizan ’ka a nyi si lɛ lo.

Jérémi Lé Wuvɔ Sɛbɛ 3:37 ပူးပေါင်းရင်းမြစ်များ

2 Samuɛl 16:10

Naa, minwiinzan léé: Séruja be, i gane a anlé we gii? Dé é bale pa an ma, ’bɛ gi léé, Gakelebale ɛ fe a lɛ léé, ’é bale pa David ma. Amalé de ɛ dan a fe lɛ a lɛ léé, mɛmalé i we kɛla ’bɛ zoo?

1 Minwiinzannu 22:34

Yé mi do élé sa vuli é pla yé é Izraɛl nwiinzan blɛn gyɛ élé gɔlɛtayɔɔfɛ vɔna é ke ’léé na. Minwiinzan blɛn lé élé gorovɔzan lɛ léé: ’I nɔla; ’i an si guli danna na; an tuo.

2 Minwiinzannu 6:33

É a tan we fena wo lɛ tɔɔn, nwunvɔzan da a vazia, yé é léé: Bé ye, we tɔntɔn ’ko si Gakelebale va; mɛmalé an bli vo Gakelebale lɛ é dɛrɛɛ?

JOB (Job) 10:13

Naa, duowo, we lé ke é yɔɔle i bli gi, yee lo, Bé ye, we lé é dɔ i gi léé, i dan a kɛlɛ lɛ, maa gi dɔɔ.

JOB (Job) 2:10

Naa, Job a zi pa a lɛ léé: I we fé bélé le lé a ’wuo ’ka a ta lo, a zo. Mɛ léé? Ko wezin yé Kazambale va ’naan, yé ko ’ka wenaané yé é ziin a va loo? ’Bɛ faa gi, Job ’ka wenyané do fe lɛ lo.

Fwile 10:10

Faraɔn lé wo lɛ léé: Dé maa daan ka valé kalé nénu ma, Gakelebale ’é kɛlɛ ka va ma. ’Ka yuɛ pa kabozen va, we tɔntɔn a ka ’lɛ.

Wegɔnévɔlenu 16:9

Mi éé gi bɔrɔan é giébɛ ma, naa, Gakelebale éé kunwo a bɛ ma yé éé zi gɔɔn‐an a lɛ.

Wegɔnévɔlenu 19:21

Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.

Wegɔnévɔlenu 21:30

Dé é a wedɔɔle nyaoo, dé é a gikinile nyaoo, dé é a weplale nyaoo, wo vazan do kpen ’ka bɔa dɔle lɛ Gakelebale ma lo.

Ézai 46:10

We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Rom munu 9:15

Naa, é lé Moizi lɛ léé: Mian an nyanai éé zén‐é a ta, a ta lé an nyanai é dan zén lɛ. Yé mian an bli ke a ma é zin, a ma lé an bli é dan kɛlɛ lɛ é zin.

Éfez munu 1:11

Kaa a Krist gi, amalé kaa a tɔnɔblezannu nya, naa, mi lé éé we faa kɛla ébozen lé blibɔmawe yɛrama bɛ, é kaa dɔ a nya é kyɛn ’é bɔn‐in danle nya, léé,