Jérémi Lé Wuvɔ Sɛbɛ 3:32 - Kazambale lé Sebe Sauunu 1979

³² Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Jérémi Lé Wuvɔ Sɛbɛ 3:32 ပူးပေါင်းရင်းမြစ်များ

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

Lɛrɛvɔ Sɛbɛ 103:11

Naa, fɛan zo lé la ke é sile tɛrɛ ma baa, A zo lé alé zin ke blɛn, munu lé woo kanaan a lee, wo vazia.

Lɛrɛvɔ Sɛbɛ 30:5

’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Fwile 2:23

’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Ézai 27:8

Gba, é we lɛdɔ wo gi wo vole lula nya; é go wo nya yirinwanazia fu plɛplɛ giéle nya.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

Naum 1:12

Gakelebale léma: Dé Asirinu a plɛplɛoo, dé wa dioo, wo dan wo gyɛ lɛ bélé ’sa zo, yé wo dan si lɛ ana. Niniveoo, maa dan i zun lɛ kiéné gɔnɔ do, ’té i kɛlɛle kiéné lɛ sɔɔ, ’té a bɛ ’ka lo.

WENÉNÉ LÉ LUK A GYE (Évangile selon Luc) 15:20

Yé é nwa yé é ti va zi sia. Bléyian va lé é ke baa mi, a ti a ye, yé ’bɛ nyanai zén a ta, yé ’bɛ vlan si yé ’bɛ vɔ a bɔrɔ ma yé ’bɛ a tuu gyɛ.

Weblezannu 10:16

Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.