Jérémi Lé Wuvɔ Sɛbɛ 2:9 - Kazambale lé Sebe Sauunu 1979

⁹ Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Jérémi Lé Wuvɔ Sɛbɛ 2:9 ပူးပေါင်းရင်းမြစ်များ

2 Minwiinzannu 25:7

Wo Sédésias benu bɔrɔ bo é yuɛ va; a zuo wo Sédésias yuɛnu so yé wo zénégɔgɔbale vɔ a ma, yé wo go a nya Babilɔn.

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

Néémi 1:3

Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Lɛrɛvɔ Sɛbɛ 74:9

Wo ’ka kolé tɔmasenu yé é dɛrɛ lo; Balelayezan ’ka ana é dɛrɛ lo, Yé dé a lɛɛ vo nɔɔ? ko va mi do ’ka ’bɛ gi dɔɔa lo.

Ézai 24:12

Fla vo é pla, wo duolinu ’wii yé wo vo é wuli nya.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

Jérémi 52:14

Kaldé lé sunyanu faa lé ke sunyanu ’lɛzan va, wo Jérusalɛm zi gɔrɔ faa zana.

Jérémi Lé Wuvɔ Sɛbɛ 1:3

Judamunu kɛlɛ lulazannu nya, yé wo kɛlɛ luu nya, ’té woo yaan wo ta. Woo nyanaan bɛnnu méléna, Yé wo ’ka flinna do yena pelo; Wolé kle blɛn blele gi, nyanépawotazannu faa éé bɔraan wo ma fiaa.

Jérémi Lé Wuvɔ Sɛbɛ 4:15

Wo siaa wo ta léé: Ka lé ka tiri ke, ’ka si ana baa! ’Ka si ana baa, ’ka gyɛ ka zuo baa, té ka mane ko ma lo. Wo fwi, wo vo nɔɔna ’ko valé ’ko. Wa fé bɛnnu méléna léé: Wo nyanana ’ka é dɛrɛ lo.

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Ézékiɛl 12:13

Maa dan anlé mane kun séli vɔ lɛ a ’lɛ, yé maa dan a kun lɛ anlé séli nya; maa dan go lɛ a nya Babilɔn Kaldé tɛrɛ la, naa, é ’ka dan ana ye lɛ lo; é dan ga lɛ ana.

Ézékiɛl 17:20

Maa dan anlé séli vɔ lɛ a ’lɛ, yé anlé séli é dan a kun lɛ. Maa dan go lɛ a nya Babilɔn, yé maa dan we ble lɛ a va, maa lé é an ’nyɔɔn vié nya bɛ, a we ma.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

OZÉ (Osée) 11:6

Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Amɔs 1:5

Maa dan kɔn lɛ tan foliɛwɔlɛnu yéli lɛ Damas; maa dan Bikat‐Avan tamunu nyaa lɛ, mi lé soowolivwii ke a lee Bɛt‐Édɛn, ’bɛ koo é ziin; yé wo dan go lɛ Sirinu nya luu gi Kii tɛrɛ la. A zo lé Gakelebale a fe.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.

Bélidɔwesɛbɛ Fiézan 28:63

Zin kɛlɛle ka lɛ valé ka fanle kiɛre, ’bɛ Gakelebale gi nana é vinin fɛan zo, a zo duo lé Gakelebale lé ka gyɛle zamaga nya valé ka kulu gale é dan a gi nana lɛ. Yé tɛrɛ lé ka dan bɔ lɛ a ta yé é kɛlɛ kazé nya, Bale é dan ka si lɛ a ta gla nya.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.