Jérémi Lé Wuvɔ Sɛbɛ 2:8 - Kazambale lé Sebe Sauunu 1979

⁸ É a Gakelebale gi léé, é dan Siɔn munu lé kɔn gurunu sɛrɛ lɛ. É kɔn dɔ baworo soi, é ’ka é bɛ si lɛ ana lo fɔɔ yé é wo sɛrɛ tata; É fla zi gɔrɔnu valé kɔn plɛplɛnu ma vo drɔɔdrɔɔ, Wo kɛlɛ ékeva é ’bin nya.

Jérémi Lé Wuvɔ Sɛbɛ 2:8 ပူးပေါင်းရင်းမြစ်များ

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

2 Minwiinzannu 21:13

Maa dan Jérusalɛm lé we kɛlɛ lɛ bélé Samari valé Akab lé we zo. Maa dan Jérusalɛm gi saa lɛ, woo pala gi saan fɛan zo yé wa yara bua a gi saale zuo, a zo.

JOB (Job) 13:21

’I bɛ si an ta, Té i wɛwɛ é di kini an gi é dɛrɛ lo.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 28:17

Maa dan we drɔle kɛlɛ lɛ yili drɔle prɔɔné nya, yé maa dan we tegele kɛlɛ lɛ fɛ danmabawɔrɔ nya. Dabli kɛlɛle lé ke ka yɔɔna nya, goowɔlɛlɛɛ é dan ’bɛ sɛrɛ lɛ. Viéwole lé ke ka tayɔɔfɛ nya, ’yi blɛn é dan zén lɛ ’bɛ ta.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 34:11

É dan kɛlɛ lɛ valusanbla valé ’téli zé nya; pɔrɔkurubéli valé kanwéi é dan nyana lɛ ana. Ana é dan vo lɛ é pla bélé vun zo; ana sɛrɛle tata é dan bɔ lɛ ékema.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 2:18

Woo siaan, ’té wo bli a Mizan lɛ, Siɔn munu lé flagɔrɔ, ’i kɛlɛ bélé mi lé éé wuvɔa é yiéyi valé é béli, ’té a yuɛyi éé yoroan, a zo. Té i flin lo, Té i yuɛyi é nyaa i yuɛ gi lo.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Ézékiɛl 20:22

Naa, duowo, an bɛ si wo ma, yé an we kɛlɛ an tɔ lé we ma léé, bɛnnu lé maa wo si Éjipiti tɛrɛ la ’bɛnu yuɛ va bɛ, té an tɔ é sɛrɛ ’bɛnu va lo.