Jérémi Lé Wuvɔ Sɛbɛ 2:6 - Kazambale lé Sebe Sauunu 1979

⁶ É élé sɔkɔn zana a gi bélé zianféi sɛrɛle zo, É wolé zén‐ékemana sɛrɛ; Gakelebale a kɛlɛ, yé Siɔn munu gi san ’wolé fɛti valé ’wolé flinyinu ma, Yé alé bliflile baba zi, é sɔn vɔ minwiinzan blɛn valé Balebanzan ma.

Jérémi Lé Wuvɔ Sɛbɛ 2:6 ပူးပေါင်းရင်းမြစ်များ

Lɛrɛvɔ Sɛbɛ 74:7

Wo ilé kɔn kyɛ ble, Kɔn lé wo i tɔ pa a ma, wa guru zana a gi, yé wa sɔnné sɛrɛ.

Lɛrɛvɔ Sɛbɛ 76:2

Wo Bale dɔɔ Juda tɛrɛ la, A tɔ a blɛn Izraɛl tɛrɛ la.

Lɛrɛvɔ Sɛbɛ 80:12

A bɛnu toro fɔɔ yé wo bɔ wɛyi ta, Yé a nénu goo fɔɔ yé wo bɔ yuu ma.

Lɛrɛvɔ Sɛbɛ 89:40

Gipawe lé bé kɛlɛ i wuozan va, i serele bo a ma; I alé tɔkoro dia tɛrɛ va yé bé sɛrɛ.

Ézai 1:13

Té ka an ban boafɛ nya é dɛrɛ lo; lasikɔrɔpo koo, moné dɛrɛ fɛtinu koo, flinyinu valé zénle ékevanu koo, wo faa an bli la naanaa. Wenyané lé ka kɛla kalé fɛti blɛnnu bléyi va, maa ’ka dɔa ’bɛ nyi wuo lo.

Ézai 1:8

Siɔn munu vo bélé banwuliné zo é do dɔrɔféi; wo vo bélé sunbanwuliné zo zianféi; wo vo bélé fla lé wo diri a zi, a zo.

Ézai 43:28

Bɛwemalé maa kɔn sauun nwiinzannu kɛlɛ mi planu nya, Maa Jakɔb nɔ léé, a kulu ’é ga, Yé maa Izraɛl nɔ léé, ’wa sɔnɔ.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 63:18

Tɛrɛ ’ko kɛlɛ ilé munu zé nya bléyi sɛ nya; ko nyanézannu ilé fɛna sauun zɔn wo gane nya.

Ézai 64:11

Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 45:4

Bé fe Baruk lɛ léé: Gakelebale léma: Bé ye, fɛ lé maa a dɔ, maa dan a sɛrɛ lɛ, yé fɛ lé maa a suru, maa dan a soowɔla lɛ, ’bɛ gi léé, tɛrɛ ’ko faa lé.

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Jérémi Lé Wuvɔ Sɛbɛ 5:12

Wo kolé zi ’lɛzannu dun ’wo bɛ ma; Wo ’ka gɔné segele do lɛdɔ lɛ a ma lo.

Ézékiɛl 17:18

É bale ’nyɔɔnle ye boawe nya, yé é gipawe sɛrɛ, dɔlé ’té é a nyi si é vinin, yé é we ’konu faa kɛlɛ. É ’ka dan so lɛ we ’ko lee lilo.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Sofoni 3:18

Munu lé wo bli kyɛ dɔ, ’té wo ke baa yé wo ’ka fɛti kɛlɛna lo, maa dan wo zén lɛ ékeva; Ka kulunu lé wo si ka va, woo lé; Wa serele bona wo ma blɛn.

Malasi 2:9

Ka ’ka tawo lɛ anlé zi ta lo; dé ka a bélidɔwe gi fena, ka mi vaboo, amalé maa dan ka kɛlɛ lɛ fɛ naané valé serelebomafɛ nya munu faa yuɛ gi.