Jérémi Lé Wuvɔ Sɛbɛ 2:4 - Kazambale lé Sebe Sauunu 1979

⁴ É sa gana wo ma bélé wo nyanézan zo, A bɛyi éé bon‐ɛn‐an wo nya bélé mi lé éé nwaan é bɔluzan ma, a zo; Fɛnu faa lé woo mi yuɛgi bɔa, é wo sɛrɛ, A wɛwɛ dɔ yé éé zén‐é Siɔn munu lé sɔkɔn ta bélé kyɛ lé.

Jérémi Lé Wuvɔ Sɛbɛ 2:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

2 Minwiinmunu lé Wezuofe Sɛbɛ 34:25

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

JOB (Job) 19:11

É bli fli an ma, Yé é an kɛlɛ bélé é nyanézan do zo.

JOB (Job) 6:4

Naa, Plɛplɛfaazan lé sawɔlɛnu an fɔn, Yé an boen a ma lale flan. Kazambale lé kanazénmigiwenu dɔ an ma é bale la.

Lɛrɛvɔ Sɛbɛ 37:14

Mi nyanénu éé gwɔun soo a gi, Woo sa ganaan yé a yili éé plin‐an, Wa kɛla wenaanébɔmazan valé nyanégyɛzan gyɛle za ma, ’É valé munu lé wo ke zi drɔle ta, wo bɔrɔ bole we ma.

Lɛrɛvɔ Sɛbɛ 7:13

Dé mi nyané ’ka é bli nɔlaan lo, é ’élé gwɔun lɛ vɔa, É ’élé sa ganaan yé éé a vulina ginian.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Ézai 63:6

An bli flile zi an munu zɔn an gane nya, an wɛwɛ wo gyɛ nwɛ zo, yé maa wo nyɛ zana tɛrɛ va.

Jérémi 10:20

Wo anlé sɔkɔn sɛrɛ, Wo an ma balenu kini, An benu si an va yé wo ’ka ana é dɛrɛ lo; Mi bɛ ’ka an lɛ yé ’bɛ é anlé sɔkɔn dɔ é ziin lo.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi Lé Wuvɔ Sɛbɛ 1:13

É kyɛ si loru yé é a zén an wɔlɛnu ma ’té éé wo blé. É séli vɔ an lee, Yé é kɛlɛ léé, an dia an zuozia; É an bli kyɛ dɔ é baba, yé an fuu éé sié an ta yifaama.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Jérémi Lé Wuvɔ Sɛbɛ 3:3

Maa do ma lé éé bɛ nwaan yifaama; Maa lé éé an blaan yifaama.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 13:13

Bɛwemalé, Mizan Gakelebale léma: An wɛwɛ dɔle zi, maa dan fu ’lɛ plɛplɛ gié lɛ; anlé bliflile zi maa dan lɛɛ plɛplɛ da lɛ; yé an dan goowɔlɛlɛɛ punpunnu dia lɛ an wɛwɛ dɔle nya léé, ’é fɛ sɛrɛ.

Ézékiɛl 20:34

Maa dan ka si lɛ munu méléna, maa dan ka si lɛ tɛrɛnu lé ka go ana, wo ta, yé maa ka zén ékeva an bɛ plɛplɛ valé an bɛ soile nya, é valé an wɛwɛ dɔle nya ka ma.

Ézékiɛl 22:22

Fɛan zo lé gɔɔlifu éé selean fɛselebɔ gi, a zo duo lé ka dan sele lɛ fla ’ko ta. Yé ka dan a gi dɔɔ lɛ léé, maa Gakelebale, an wɛwɛ dɔ ka ma.

Ézékiɛl 24:25

Yé bii blami be, fɛ lé ke wolé plɛplɛ nya, fɛ lé ke wo ginanamafɛ valé wo tɔbɔfɛ nya, fɛ lé ke wo blibɔmafɛ valé wo sɔlɛfɛ nya, wo benu valé wo lunu, yian nya lé maa dan fɛ ’konu si lɛ wo lee,

Ézékiɛl 36:18

Amalé ma wɛwɛ dɔ wo ma, mi nyɛ lé wa zana tɛrɛ ’ko la, é valé miyilinu lé wo tɛrɛ ’ko sɛrɛ a nya, wolé we ma.

Ézékiɛl 5:13

’Bɛ zo lé anlé bliflile lɛ é dan sɔɔ lɛ; an wɛwɛ é dan dɔ lɛ wo ma faa, yé an bli é dɔrala, yé wo dan a gi dɔɔ lɛ léé, maa Gakelebale, an we fe bliflile nya, yé an wɛwɛ dɔ ’wo ma.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Ézékiɛl 7:14

Wo béli fɛn, we faa ma a é ’lɛrɛle. Naa, mi do kpen ’ka dan zén lɛ gulidanle va é dɛrɛ lo; naa, an wɛwɛ dɔ munu faa ma.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

1 Samuɛl 28:16

Samuɛl léé: Dé Gakelebale si i va yé é kɛlɛ i nyanézan nya ’naan, mɛmalé i we laa maa ɛ lee?