Jérémi Lé Wuvɔ Sɛbɛ 2:21 - Kazambale lé Sebe Sauunu 1979

²¹ Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Jérémi Lé Wuvɔ Sɛbɛ 2:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Esitɛɛ 3:13

Vlanburuzannu go sɛbɛ ’konu nya minwiinzan blɛn lé bɛntɛrɛ faa la, léé, ’wo Juifinu kulu ga, ’wo wo gyɛ, ’wo wo faa gyɛ za ma. Miboronénu valé mi kwakwanu koo, né kiénénu valé lomu koo, ’wo wo faa gyɛ yi do kpen nya ékeva, yé ’wo ’wii wolé fɛnu faa ta; ’wo wo gyɛ moné vu ta fiézan lé ke Adaa moné nya, a yi vu ta yaazan nya.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Jérémi 11:22

Gakelebale lé wo lɛ léma: Ka ye, maa dan we lɛdɔ lɛ wo gi; pɛniɛnu é dan ga lɛ gwɔun lee; wo benu valé wo lunu é dan ga lɛ lɔrɔ lee.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 51:22

I nya lé an gɔnénu valé lomu gyɛ, I nya lé an mi segelenu valé nénu gyɛ, I nya lé an pɛniɛnu valé blɛnnu gyɛ.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi 9:21

Naa, gale wɔra kolé fɛnɛtinu ta, É wɔra kolé fuakɔnnu gi; É nénu kulu ga zinu ’léé, Yé é mi boronénu nyaa vuun ta.

Jérémi Lé Wuvɔ Sɛbɛ 1:15

Mizan anlé gulidanzannu faa dia, É sunyanu gu blɛn zén ékeva an ma, Léé, ’wo anlé pɛniɛnu gyɛ; Mizan Juda munu zɔn é gane nya bélé dɔrɔporo zo.

Jérémi Lé Wuvɔ Sɛbɛ 1:18

Gakelebale a tegele, Naa, é we fe an lɛ yé an bɔrɔ vɔɔ a ta. ’Kaa migɔnɔ faa, ’ka tɔné dɔ, ’ka anlé nyanéblele ye. Anlé blɛnnu valé anlé pɛniɛnu go luu gi.

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 3:43

I bli fli amalé i yɔɔ ko lee; i ko zuo bin; I munu gyɛ, ’té i nyanai ’ka zén‐é wo ta lo;

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

Ézékiɛl 7:4

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo; naa, maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé i dan a gi dɔɔ lɛ léé, maa a Gakelebale nya.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Amɔs 4:10

Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Amɔs 8:13

’Bɛ yi nya blɛn nɔnɔminu valé pɛniɛnu é dan ga lɛ ’yiminilɔrɔ nya.

Zakari 11:6

Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Jozué 6:21

yé fɛnu faa lé é ke fla, gɔnénu valé lomu koo, nénu valé mi kwanu koo, dirinu koo, ’blanu koo, sokofalenu koo é ziin, wo wo faa gyɛ bale pale wo ma nya gwɔun nya.

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.