Jérémi Lé Wuvɔ Sɛbɛ 2:20 - Kazambale lé Sebe Sauunu 1979

²⁰ Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Jérémi Lé Wuvɔ Sɛbɛ 2:20 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Lɛrɛvɔ Sɛbɛ 78:64

Wo alé Balebanzannu gyɛ gwɔun nya, Yé alé gyɛzaralomu ’ka wuvɔ lɛ lo.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Ézai 22:2

Fla bɔ gyɛ, ’té a vun éé wé, ’té a tamunu gi éé nanaan. Ilé munu ’ka dan zamaga wo lɛ gwɔun koo, gulidanmunu koo, wo lee lo.

Jérémi 19:9

Maa dan a kɛlɛ lɛ léé, wo ’wo benu valé ’wo lunu wi ble, yé wo saa é dan ’wo ke wi ble lɛ. Wolé kleblele valé wolé nyanéblele ’ko, é si wo nyanézannu valé munu lé é sɔ ’bɛnu lɛ léé, ’wo wo gyɛ, wo va.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 4:10

Né bunu lé wo nyanai éé zén‐é turu wolé nénu ta, Sin woo wolé nénu dɔneé Yé woo wo kɛla wolé fɛblele nya, Dunuzénmitawe lé é bɔ anlé munu ma bɛ, azama.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 9:7

Yé Bale lé migyɛzannu lɛ léé: ’Ka kɔn tiri dɔ yé ’ka a gɔrɔ ginu fan mi galenu nya. ’Ka bɔra. Yé wo bɔra, yé wo munu gyɛ fla.

Lévinu 26:29

Ka dan ka benu wi ble lɛ, yé ka dan ka lunu wi ble lɛ.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.