Jérémi Lé Wuvɔ Sɛbɛ 2:2 - Kazambale lé Sebe Sauunu 1979

² Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 2:2 ပူးပေါင်းရင်းမြစ်များ

JOB (Job) 2:3

Gakelebale lé Satan lɛ léé: I an wuozan Job yee? ’Bɛ zoɛ mi ’ka tɛrɛ la lo; mi ’ko a tegele yé alé tawobɛ a é drɔle; éé kanaan Kazambale lee, yé éé nwunzi dɔa wenaané ta. É dɔ kli élé tawobɛ drɔle gi, dɔlé ’té i an nyunu a saanle we gi é pla, ’té ’bɛ ’wuo ’ka lo.

Lɛrɛvɔ Sɛbɛ 21:9

I bɛ é dan bɔ lɛ i nyanézannu faa lɛ, I bɛyi é dan bɔ lɛ munu lé i za ke wo gi, wo lɛ.

Lɛrɛvɔ Sɛbɛ 74:7

Wo ilé kɔn kyɛ ble, Kɔn lé wo i tɔ pa a ma, wa guru zana a gi, yé wa sɔnné sɛrɛ.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 25:12

É dan ilé gɔrɔ grɔgrɔ plɛplɛ dia lɛ; é dan a ’wii lɛ tuuntuun fɔɔ yé a vun é dɔ guru gi.

Ézai 26:5

Munu lé woo nyanaan loru, é wo zana a gi, Yé fla lé a tɔ ke blɛn, é a zun, É a zun fɔɔ tɛrɛ va, É a kɛlɛ vun nya.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 43:28

Bɛwemalé maa kɔn sauun nwiinzannu kɛlɛ mi planu nya, Maa Jakɔb nɔ léé, a kulu ’é ga, Yé maa Izraɛl nɔ léé, ’wa sɔnɔ.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Jérémi Lé Wuvɔ Sɛbɛ 3:43

I bli fli amalé i yɔɔ ko lee; i ko zuo bin; I munu gyɛ, ’té i nyanai ’ka zén‐é wo ta lo;

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

Ézékiɛl 7:4

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo; naa, maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé i dan a gi dɔɔ lɛ léé, maa a Gakelebale nya.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Misé 5:14

Bɛnnu lé wo ’ka ’wo tɔné dɔ lɛ an lɛ lo, maa dan anzé lɛgi pa lɛ wo ma, blifllile valé wɛwɛ dɔle nya.

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.

Matio 18:33

É ’ka lé i nyanai é zén é ziin i bɔluzan ta, fɛan zo lé an nyanai zén i ta, a zo loo?

2 Korɛnt Munu 10:4

Gulidanfɛnu lé ko guli daan wo nya bɛ, wo ’ka tɛrɛla gulidanfɛnu nya lo; naa, wa plɛplɛ Kazambale lé plɛplɛ nya fla plɛplɛ guru zanale a gi we ma.

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.