Jérémi Lé Wuvɔ Sɛbɛ 2:19 - Kazambale lé Sebe Sauunu 1979

¹⁹ ’Ka nwa, ’ka ma dunnu wo a lɛ é béli, ’Ka bligiwenu faa bɔra yé ’ka zana Mizan lɛ; ’Ka bɛ nwa a vazia, kalé nénu lé ke gana Lɔrɔ nya zi blannu faa ta, wo vole é yuɛma we ma.

Jérémi Lé Wuvɔ Sɛbɛ 2:19 ပူးပေါင်းရင်းမြစ်များ

JOB (Job) 3:24

Anlé bamaflinle a anlé fɛblele nya, Yé anlé siaale éé bɔraan fɛfaana.

Lɛrɛvɔ Sɛbɛ 119:55

Oo Gakelebale, i tɔ sele éé dɔa an gi é béli, Yé maa ilé bélidɔwenu ta tawo.

Lɛrɛvɔ Sɛbɛ 134:2

’Ka bɛnu soi fɛna sauun vazia, Yé ’ka Gakelebale drɔɔ vo.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 142:2

Maa siaan Gakelebale lɛ an dére plɛplɛ nya. Maa zanté vɔa Gakelebale lɛ an dére biéle nya.

Lɛrɛvɔ Sɛbɛ 142:3

Maa an ’namawe faa gi bɔraan a lɛ, Maa anlé kleblele zuo fé a lɛ.

Lɛrɛvɔ Sɛbɛ 28:2

Dé maa an bɛnu nwa ilé kɔn sauun vazia, Dé an siaa i lɛ, ’i tɔné dɔ anlé nyanainya dére lɛ.

Lɛrɛvɔ Sɛbɛ 42:3

Bale, Bale yuɛmale, i lɔrɔ an boen gya. Mɛ yi la léé, maa dan go lɛ yé maa Bale yara yee?

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 42:8

Wɛyi nwale do éé wɛyi nwale do laan, ’té ilé ’yi blɛnnu éé gi wé; Ilé wɛyi nwalenu faa valé ilé wɛyi fɔrɔlenu faa éé diaan an ta.

Lɛrɛvɔ Sɛbɛ 62:8

Bale va lé an sile we gi valé an ginanale ke. Bale a an takuun gɔlɛgɔ nya; yee ɛ gi lé maa yɔɔma.

Lɛrɛvɔ Sɛbɛ 63:4

Naa, ilé zin fila vɔ, ’bɛ mini vole é yuɛma lɛ, An lɔlunu i tɔ zin fele biéan.

Ézai 26:9

I lɔrɔ an boen gya béli tu la, An gi mi, an léli i ginian; Naa, dé i a we blena tɛrɛ la, Tɛrɛlamunu é dan we tegele dɔɔ lɛ.

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 5:16

Lɔrɔ é dan kɛlɛ lɛ ka va bélé migyɛ sa lé maa vulian ka va, ka sɛrɛle we ma, a zo. We tɔntɔnnu lé wo bɔ ka ma bɛ, maa dan wo taa pa lɛ lɔrɔ nya. Maa dan kalé buru ’léé zana lɛ a gi.

Misé 1:16

’I puo ma gun bo, ’i nwin puiɛ ilé né wezannu lé we ma. ’Ibo kɛlɛ palogyɛzan nya bélé gyɛn zo; ilé nénu é dan go lɛ luu gi tɛrɛ baa la, ’bɛzama.

Naum 3:10

Duowo, é kɛlɛ lulami nya, é go ana luubale gi; wo alé nénu gyɛ ziblannu faa ta, wo ’munnu zun alé tɔzannu ma, yé wo gɔgɔbalenu vɔ alé mi blɛnnu faa ma.

Matio 14:25

É béli, manegɔné vinin wele nya, Jézu da wo vazia tawole nya wɛyi la.

Maak 1:35

Manegɔné fiézan wele nya, Jézu nwa yé é bɔra yé é go bwi gi bazoro lɛ.

Maak 13:35

Bléyian kɔnzan é dan da lɛ a nya, ka ’ka a dɔɔa lo; dé é a nyanadi bléyi nyaoo, dé é a tu méléna nyaoo, dé é a mane vinin webléyi nyaoo, dé é a bladi bléyi nyaoo, ka ’ka a dɔɔa lo, bɛwemalé ’ka vo é yuɛma.

WENÉNÉ LÉ LUK A GYE (Évangile selon Luc) 6:12

’Bɛ bléyi va Jézu go gɔ nwiin bazorole we gi, yé é tu kini bazorole nya Kazambale lɛ.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

Weblezannu 7:19

Jédéɔn valé é vami yɔ soru bɔ sɔkɔndɔna gini ma mi taginimunu palu fiézan pélisia bléyi va, ’té wo mitaginimunu tavɔɔ é dɛrɛ. Wo bélinu fɛn yé bɔnu lé ke wo lee, wo wo ’wii.

1 Samuɛl 1:15

Ane a zi pa léé: Anzan, gba, maa a le lé é ke nyané blena é bli gi, a nya, yé maa ’ka nwɛ valé dɔrɔ mini lɛ lo; naa, maa a an bli gi we faa bɔrɔna Gakelebale lɛ.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.