Jérémi Lé Wuvɔ Sɛbɛ 2:17 - Kazambale lé Sebe Sauunu 1979

¹⁷ Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 2:17 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

Lɛrɛvɔ Sɛbɛ 35:24

Gakelebale, anlé Bale, ’i anlé we ble ilé we tegele yɛrama. Té wo gi é nana anlé we ma lo.

Lɛrɛvɔ Sɛbɛ 35:26

Munu lé wo gi éé nanaan we tɔntɔn bɔle an ma we ma, Yara ’é wo faa gyɛ yé wo yuɛ ’é tana ma. Munu lé woo nwaan an ma, yara ’é wo gyɛ yé munu ’é serele bo wo ma ma.

Lɛrɛvɔ Sɛbɛ 38:16

Gakelebale, an bli a bii ɛ lɛ. Anzan, anzé Bale, ’i we an zi.

Lɛrɛvɔ Sɛbɛ 89:42

Giézannu faa alé fɛnu sian; A punmazannu a ye naaninvɔmafɛ nya.

Lɛrɛvɔ Sɛbɛ 89:43

I a mazannu bɛyi nwa a ma, I a nyanézannu faa gi nana a ma;

Ézai 14:29

Filisiti tɛrɛ lamunu, té ka gi é nana léé, ka bla vlewɔlɛ a é yélile, lo. Méné dɔgɔnɔ é dan né yaa lɛ bɔménéluzanuo nya, yé ’bɛ é dan né yaa lɛ dragɔn lé éé sié, a nya.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 4:28

Amalé tɛrɛ ’ko ta munu faa a gyɛ bona, Yé gunu dɔra la gi loru, Naa, maa a fe, yé an suni wɔra. Maa ’ka dan an bli nɔla lɛ lo; maa ’ka dan gyɛ lɛ an zuo lo.

Jérémi 40:3

yé é ’é dére lɛ sɔɔ. É wean fe, é a kɛlɛ. Naa, ka wenyané kɛlɛ Gakelebale ma, yé ka ’ka a dére lɛdɔ lɛ a ma lo, amalé we ’konu faa bɔ ka ma.

Jérémi Lé Wuvɔ Sɛbɛ 1:5

Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Jérémi Lé Wuvɔ Sɛbɛ 2:8

É a Gakelebale gi léé, é dan Siɔn munu lé kɔn gurunu sɛrɛ lɛ. É kɔn dɔ baworo soi, é ’ka é bɛ si lɛ ana lo fɔɔ yé é wo sɛrɛ tata; É fla zi gɔrɔnu valé kɔn plɛplɛnu ma vo drɔɔdrɔɔ, Wo kɛlɛ ékeva é ’bin nya.

Jérémi Lé Wuvɔ Sɛbɛ 3:43

I bli fli amalé i yɔɔ ko lee; i ko zuo bin; I munu gyɛ, ’té i nyanai ’ka zén‐é wo ta lo;

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Misé 2:3

Bɛwemalé Gakelebale léma: Maa gi bɔrɔan wenaané kɛlɛle ma bɛn ’ko lɛ; yé ka ’ka bɔa sole lɛ a lee lo, yé ka dan tawo lɛ ka ’wuo vɔle nya ka wuo. Naa, ’bɛ bléyinu é dan kɛlɛ lɛ é nyané, azama.

Sofoni 1:2

Gakelebale léma: Maa dan fɛ faa sɛrɛ lɛ tɛrɛ la.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.