Jérémi Lé Wuvɔ Sɛbɛ 2:10 - Kazambale lé Sebe Sauunu 1979

¹⁰ Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Jérémi Lé Wuvɔ Sɛbɛ 2:10 ပူးပေါင်းရင်းမြစ်များ

2 Samuɛl 13:19

Tamaa kyɛyee zén ’é nwiin yé élé sɔ nyɔɔzan fia; é bɛ pla é nwiin yé é go wu blɛn vɔle nya.

Ézai 15:3

Wa zi gi, ’té bɔlɔ a é zénle wo ta. Kɔnnu nwiin valé flaworo dii, mi faa éé dunnuan, ’té wo yuɛyi éé zén‐é.

Ézai 3:24

Fɛvɔnle gin é dan kɛlɛ lɛ lasikɔrɔ pa gi; gyɛla é dan kɛlɛ lɛ kyɛsidi pa gi; palo é dan dɔra lɛ nwintanle pa gi; bɔlɔ prɔɔné é dan kɛlɛ lɛ varɔ blɛn pa gi; wo dan tɔmase pa lɛ wo ma kyɛ nya, wo nɔnɔmi pa gi.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 36:22

Yé Ilkija be Éliakim lé ke minwiinzan lé kɔn nwiinzan nya, ’bɛ koo, sɛbɛgyɛzan Sɛbina koo, sɛbɛtadɔzan Azafa be Joak koo, wo go Ézékia va, ’té wo ’wolé sɔnu fia, yé wo Rabasaké dére fe a lɛ.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Ézai 47:5

Kaldé le, ’I nyana, ’i tadɔ, ’i go gunutinu va. Wo ’ka dan i laa lɛ bɛnnu nwiin le é dɛrɛ lo.

Jérémi 8:14

Mɛmalé ko vo é nyanalee? ’Ka zén ékeva yé kaa go nyanamunu lé fla zamaga wole we ma. Naa, Gakelebale, kolé Bale, ga pla ko ’lɛ. ’Yinu lé mi gyɛ lale ke wo va, é a kɛlɛ ko miniyi nya; naa, ko wenyané kɛlɛ Gakelebale ma, azama.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 3:28

Iin, dé Gakelebale a fe mian lɛ léé, ’É vo é do yé ’é tadɔ, ’bɛzan a kɛlɛ ma.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Jérémi Lé Wuvɔ Sɛbɛ 4:5

Munu lé woo fɛ zinnu blé, Woo zamaga woo zinu ta; Yé munu lé wo tin fɛn zinnu nya, Woo yiaan bli vulina.

Jérémi Lé Wuvɔ Sɛbɛ 5:12

Wo kolé zi ’lɛzannu dun ’wo bɛ ma; Wo ’ka gɔné segele do lɛdɔ lɛ a ma lo.

Jérémi Lé Wuvɔ Sɛbɛ 5:14

Gɔné segelenu ’ka nyanaan kolé flagɔrɔ ’léé é dɛrɛ lo, Pɛniɛnu daan ’wolé lɛrɛvɔle ma.

Ézékiɛl 27:30

Wo dan wuvɔ lɛ i ta, Wo dan siaa lɛ nyanainya dére nya, Wo dan vun zén lɛ ’wo nwiin, Wo dan burula lɛ kyɛyee va;

Ézékiɛl 27:31

Wo dan wo nwun puiɛ lɛ ilé we ma, Wo dan bɔlɔ zén lɛ ’wo ta, Yé wo dan wuvɔ lɛ i ta ’wo bli kyɛ dɔle nya, Kleblele blɛn nya.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Joɛl 1:8

’I wuvɔ, blɛnzan lé éé bɔlɔ zén‐é ’é ta, ’Té é é boronéla bwɛ wuvɔa, a zo.

Amɔs 5:13

Bɛwemalé bléyi ’ko va, wedɔɔzan éé tadɔa; naa, bléyi ’ko a bléyi naané nya.

Amɔs 8:13

’Bɛ yi nya blɛn nɔnɔminu valé pɛniɛnu é dan ga lɛ ’yiminilɔrɔ nya.

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Jonas 3:6

Ninive nwiinzan blɛn we ’ko ’ma aan wo é si élé webleblin ta. É ’élé varɔ blɛn si é ta; yé é bɔlɔ zén é ta; yé é nyana kyɛyee va.

Jozué 7:6

Jozué élé sɔ fia, yé é dia é bli la Gakelebale lé gipakɛsu ’lɛ, yé é yiri vɔ ana, yee valé Izraɛl mi segelenu nya, yé wo vun zén ’wo nwiin.

Wegɔɔnle 18:19

Yé wo tɛrɛ zén ’wo nwiin, yé wo wuvɔ yé wa gyɛ bo, yé wo siaa yé wo léé: Yuuu! An bu loo! Fla blɛn lé, ’yitagorozannu faa fua ble alé fuafɛ kiɛre we ma ’naan, yee ɛ sɛrɛ ’bɛ zo bléyi do kpen nya, yé ana vo é ’bin nyaa?