Jérémi Lé Wuvɔ Sɛbɛ 2:1 - Kazambale lé Sebe Sauunu 1979

¹ Yé mɛ kɛlɛɛ? Gakelebale bli fli yé é lati bua Siɔn munu ta, É Izraɛl lé fua tɔbɔle si la gi yé é a zun tɛrɛ la, A bli fli yian nya, A gane dɔrana sele ’ka dɔ lɛ a gi lo.

Jérémi Lé Wuvɔ Sɛbɛ 2:1 ပူးပေါင်းရင်းမြစ်များ

2 Samuɛl 1:19

Izraɛl lé mi kprakpranu dia gɔnu nwiin! Nyanazannu dia kaa?

Minwiinzannu lé Wezuofe Sɛbɛ 28:2

Minwiinzan blɛn David dɔ loru yé é léma: Anlé munu, an bwenu, ’ka tɔné dɔ an lɛ. É a an gi léé, ’an kɔn dɔ yé ’bɛ é kɛlɛ Gakelebale lé gipawe pagikɛsu flinna valé kolé Bale gane dɔrana nya, yé maa a anbo ma’lɛrɛna a dɔle we ma.

Lɛrɛvɔ Sɛbɛ 132:7

Kaa go Bale nyanana, Kaa ’wuo wɔra a gane wuo,

Lɛrɛvɔ Sɛbɛ 89:45

I alé sanbile glɛ dɔ, Yé i alé webleblin vuli tɛrɛ va;

Lɛrɛvɔ Sɛbɛ 99:5

’Ka Gakelebale, kolé Bale kɛlɛ blɛn, Yé ’ka ’wuo wɔra a gane wuo. É a sauun.

Ézai 64:11

Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 13:13

Bɛwemalé, Mizan Gakelebale léma: An wɛwɛ dɔle zi, maa dan fu ’lɛ plɛplɛ gié lɛ; anlé bliflile zi maa dan lɛɛ plɛplɛ da lɛ; yé an dan goowɔlɛlɛɛ punpunnu dia lɛ an wɛwɛ dɔle nya léé, ’é fɛ sɛrɛ.

Ézékiɛl 19:12

Naa, wa soowɔla nyana nya, yé wa vuli tɛrɛ va; Yirinwanazia fu a poronu sɛrɛ; Wa bɛ plɛplɛnu so a ma, yé wo ga; Kyɛ wo ble.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 30:18

Munu lé wo ke luu gi Éjipitinu lee, dé maa wo ma bale kini yé maa alé boblɛn ta zana, ’bɛ bléyi va gunu é dan dɔra lɛ Tapanɛs ta é yiéyi; lati é dan bua lɛ Tapanɛs ta yé ana blɛnnu é dan go lɛ luu gi.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Matio 11:23

Yé ’kaa Kapɛnaum munu, ka dan nwa lɛ fɔɔ la gii? Gba. Ka dan zun lɛ gamunu nyanana, naa, gyɛzorowenu lé maa a kɛlɛ ka méléna, dé é vo léé, maa a kɛlɛ Sɔdɔm, ’té é ana tan kyɔ.

WENÉNÉ LÉ LUK A GYE (Évangile selon Luc) 10:15

Yé bii Kapɛnaum, i dan nwa lɛ fɔɔ la gii? Gba, wo dan i zun lɛ fɔɔ gamunu nyanana.

WENÉNÉ LÉ LUK A GYE (Évangile selon Luc) 10:18

Jézu lé wo lɛ léé: Maa Satan ye sina la gi yé é zun bélé lɛɛ yuɛ wuovɔle zo.

1 Samuɛl 4:21

É tɔ pa né ma I‐Kabɔd a fele nya léé: Fuasan san Izraɛl. Bale lé kɛsu sile koo, a zana ti valé a zana gale koo, wolé we ma lé é a fe.

1 Samuɛl 4:22

É léé: Wo Bale lé kɛsu si, amalé fuasan san Izraɛl.