Jérémi Lé Wuvɔ Sɛbɛ 1:9 - Kazambale lé Sebe Sauunu 1979

⁹ Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 1:9 ပူးပေါင်းရင်းမြစ်များ

2 Samuɛl 16:12

Dé Gakelebale é dan anlé nyané blele ye lɛ, yé é wezin kɛlɛ an lɛ kyɔ zé bale pale an ma pa gii?

2 Minwiinzannu 14:26

Nyané lé Izraɛl munu ke a blena, luunu valé minénu nya, yé é gié é glɛ la, ’té wo siéwegizan ’ka lo, Gakelebale a ye.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 119:153

’I anlé nyanéblele ye, yé ’i an vo anboma, Naa, an gi ’ka saan ilé bélidɔwe ma lo.

Lɛrɛvɔ Sɛbɛ 140:8

Gakelebale, Mizan, an Siéwegizan plɛplɛ, I an ’wuo tayɔɔan gulidanyi nya.

Lɛrɛvɔ Sɛbɛ 25:18

An kɛlɛ nyanaizénlazan nya anlé nyanéblele gi fɛan zo, bé ye do, Yé ’i an ma we vo anlé wenyanénu faa ma.

Lɛrɛvɔ Sɛbɛ 69:21

Serele lé wa boo an ma, éé ’naan an ma wee, yé éé soo an kɔlɛ zi, ’té an ma éé yaan, Maa nyanai zénle an ta lɛbɛn‐é, naa, maa ’ka a yé lo. Maa tɔrɔpaazan lɛbɛn‐é, maa ’ka a do kpen yé lo.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 37:17

Gakelebale, ’i an ban i tɔné nya, yé ’i tɔné dɔ an lɛ. Gakelebale, ’i yuɛ fuo yé bé nagini. Sansérib lé é Rabasaké nwunvɔ Bale yuɛmale sɔnɔle we gi, bé dére faa ’ma ma.

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Ézai 37:29

I bli fli an ma, Yé maa ilé an naginile i yuɛ zuo ye, Amalé maa dan foliɛwɔlɛ vɔ lɛ i nyé gi, yé maa dan wisoo ’léé foliɛwɔlɛ wɔra lɛ i ’léé, Yé zi lé i da a ta, maa dan i nɔla lɛ yee zi duo ta.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 47:7

Bé fe léé, ’é dan kɛlɛ lɛ yifaama munu nwiin le nya, I ’ka a pa lɛ i bli gi lo Yé é ’ka boenwo dɔ lɛ i gi léé, we ’ko é dan nyaa lɛ, lo.

Ézai 51:19

We tɔntɔn fié bɔ i ma, De ɛ nyanai é dan zén lɛ i taa? Ilé fɛnu sile gla nya valé i sɛrɛle koo, lɔrɔ lé i gyɛle valé gwɔun koo, wo bɔ i ma, Maa dan i tɔrɔ paa lɛ kaa?

Ézai 54:11

Nyanaizénlazan, fu ’lɛ plɛplɛ i gyɛ yé i tɔrɔpaazan ’ka lo. Bé ye, maa dan ilé gɔlɛnu pla lɛ laso wezan nya Yé maa dan i gane vɔ lɛ safiigɔlɛ nya;

Jérémi 13:27

Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 16:7

Wolé gyɛbole gi, wo ’ka dan fɛ ble lɛ mi do lé alé mi ga, a tɔrɔ paale we ma lo. Dé mi do bu léé? dé a ti léé? dé é ga, wo ’ka dan a tɔrɔ paa lɛ nwɛ nya lo.

Jérémi 2:34

Yé nyanégyɛzannu valé weanwiinlozannu nyɛ a é zénle kalé varɔ gi, dɔlé ’té ka ’ka bɔ lɛ wo ma kɔn sɛrɛna yé wo wɔra a gi lo.

Jérémi 48:26

’Ka a gyɛ nwɛ nya, naa, é nwa Gakelebale ma; Moab ’é burula é féé va, yé ’é kɛlɛ é ziin yérisiémazan nya ma.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi Lé Wuvɔ Sɛbɛ 1:17

Siɔn é bɛ soi, Yé mi do ’ka we lɛ a zi lo; Jakɔb nyanézannu lé é ke ’bɛna tɛrɛ la, Gakelebale wo nwa a ma; Jérusalɛm kɛlɛ naaninvɔmafɛ nya wo méléna.

Jérémi Lé Wuvɔ Sɛbɛ 1:21

Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Jérémi Lé Wuvɔ Sɛbɛ 5:1

Gakelebale, wean bɔ ko ma, a sele ’é dɔ i gi ma. Bé ye, ko a serelebomamunu nya fɛan zo, bé nagini.

OZÉ (Osée) 2:14

Alé dɔrɔféi valé bɔrɔyili féi lé éé a fé léé, ’é bwɛnu a nɔ ’é lɛ ’é ban nya, maa dan wo sɛrɛ lɛ. Maa dan wo kɛlɛ lɛ pɔrɔ nya, yé bwigiwinu é dan wo ble lɛ.

Sofoni 2:10

Wolé boblɛn ma lé we ’ko é dan bɔ lɛ wo ma; wo lai sunyanu lé Gakelebale lé munu sɔnɔ, yé wo wo nagini wo yuɛ zuo glan‐un, azama.

WENÉNÉ LE JAN A GYE (Évangile selon Jean) 11:19

bɛwemalé Juifinu kiɛre da Maate valé Mari va, wo tɔrɔ paale we gi wo bwe gale lé we ma.

Bélidɔwesɛbɛ Fiézan 26:7

Ko siaa Gakelebale, ko tranu lé Bale lɛ. Gakelebale ko dére ’ma yé kolé nyanéblele koo, kolé we tɔntɔn koo, wo yaa ko ta fɛan zo koo, é a ye.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?

1 Samuɛl 1:11

É bale kun a fele nya léé: Lai sunyanu lé Gakelebale! maa, i wuole ’ko, dé i anlé nyanéblele ye, dé an sele dɔ i gi yé i gi ’ka san lɛ an ma lo, dé i négɔné nɔ an lɛ, maa dan a nɔ lɛ bii Gakelebale lɛ alé tɛrɛla faa gi yé wo ’ka dan a nwin puiɛ lɛ monomono lo.