Jérémi Lé Wuvɔ Sɛbɛ 1:8 - Kazambale lé Sebe Sauunu 1979

⁸ Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 1:8 ပူးပေါင်းရင်းမြစ်များ

Wepélisiananu 3:7

Yé wo fiénu yuɛ fuo, yé wa ye léé, ’wa é porole; wo go bɔrɔ laa so lɛ yé wo wo tan, yé wo wo dɔ ’wo gyɛn bélé kyɛsidi zo.

1 Minwiinzannu 9:6

Naa, dé ka si an va, ka valé ka benu nya, an sɔnnénu valé anlé bélidɔwenu lé maa wo fe ka lɛ, dé ka ’ka wo ta tawo lɛ lo, dé ka go bale bɛnu bɔ lɛ yé ka dia ka bli la wo ’lɛ,

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

1 Minwiinzannu 9:9

Yé wo dan a zi pa lɛ léé: Gakelebale, wolé Bale lé é wo tranu si Éjipiti tɛrɛ la, wa vo yé ’wobo yere bale bɛnu ma yé wo dia ’wo yara ’bɛnu ’lɛ yé wo ’bɛnu bɔ, ’bɛzama; bɛwemalé Gakelebale we tɔntɔn faa ’ko bɔ wo ma.

Ézai 47:3

Wo dan i porole ye lɛ, Yé yara é dan i gyɛ lɛ gɔrɔ la. Maa dan anlé we lɛgi pa lɛ munu ma, Maa ’ka dan mi do kpen vo lɛ lo.

Jérémi 13:22

Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 13:26

Maa dan ilé sɔ lɔlunu nwa lɛ fɔɔ yé é bɔ i yara, yé yaragyɛwe lé é bɔ i ma bɛ, yé munu a ye.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 6:28

Wo faa a nwamimazannu nya, yee valé mi tɔ sɛrɛzannu nya; wa plɛplɛ bélé zéné valé foliɛwɔlɛ zo; wo faa a é vɔnle.

Jérémi Lé Wuvɔ Sɛbɛ 1:11

Alé munu faa éé bamaflin woo, woo fɛblele naginian; Woo wolé fɛwezannu no fɛblele we ma, Léé, wo fuu ’é kɛlɛ wo ta é ziin. Gakelebale, bé ye, woo serele boo an ma fɛan zo, bé nagini.

Jérémi Lé Wuvɔ Sɛbɛ 1:17

Siɔn é bɛ soi, Yé mi do ’ka we lɛ a zi lo; Jakɔb nyanézannu lé é ke ’bɛna tɛrɛ la, Gakelebale wo nwa a ma; Jérusalɛm kɛlɛ naaninvɔmafɛ nya wo méléna.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Ézékiɛl 23:29

Wo dan we kɛlɛ lɛ i lɛ i za nya wo gi; wo dan ilé fuafɛnu si lɛ, yé wo gi vo é porole, é porole tata. Yara é dan i gyɛ lɛ gɔrɔ la ilé pɛnpɛnné gyɛle we ma. Ilé weple kɛlɛle koo, ilé gɔnéginile koo, yara é dan i gyɛ lɛ wolé we ma.

Ézékiɛl 23:46

Naa, Mizan Gakelebale léma: Maa dan mi gu blɛn nwa lɛ wo ma, yé wo dan di kini lɛ wo gi, yé wo dan ’wii lɛ wolé fɛnu ta.

Ézékiɛl 39:23

Yé bɛnnu é dan a gi dɔɔ lɛ léé, Izraɛl lé weplenu lé we ma lé wo go Izraɛl munu nya luu gi. Wo sɔn vɔ an ma, amalé an yara yɔɔ wo ma. Maa wo pa wo nyanézannu lee léé, wo faa é zamaga wo gwɔun ’léé.

OZÉ (Osée) 2:10

Yé é ’ka a gi dɔɔ lɛ léé, maa ɛ ’sa valé nwɛ dɛrɛ valé nyɔnɔ no é lɛ lo; yé gɔɔlifu valé kyan lé maa a nɔ a lɛ, é a kɛlɛ Baal banfɛ nya.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.