Jérémi Lé Wuvɔ Sɛbɛ 1:5 - Kazambale lé Sebe Sauunu 1979

⁵ Munu lé woo yaan wo ta, ’bɛnu éé minié wo ta; wo nyanézannu vo drɔɔ; Naa, Gakelebale a zun, Wenyané kiɛre lé é a kɛlɛ bɛ, alé we ma; Alé nénu faa luutawo yaawotazannu ’lɛ.

Jérémi Lé Wuvɔ Sɛbɛ 1:5 ပူးပေါင်းရင်းမြစ်များ

2 Minwiinzannu 21:15

we lé ke é naané an yuɛ gi, yee lé wa kɛlɛ yé wo an bli fli, é sia yian nya lé wo tranu si Éjipiti tɛrɛ la fɔɔ yi ’ko nya, ’bɛzama.

Lɛrɛvɔ Sɛbɛ 80:6

Ko fɛ blé ko yuɛyi va, ’Té i ko yuɛyi no ko lɛ ’yiminile nya;

Lɛrɛvɔ Sɛbɛ 89:42

Giézannu faa alé fɛnu sian; A punmazannu a ye naaninvɔmafɛ nya.

Ézai 22:5

Naa, kolé gibɔrɔpayi lé kyɔ, ko ’wiiyi lé, tun dɔ ko gi yi lé; Mizan, lai sunyanu lé Gakelebale ɛ yi ’ko bɔ ko ma, pɛnguru lé woo yuɛzi yé ana, ana. Wo fla zi gɔrɔ zana a gi, nyané ble siaalenu bɔ gɔ ma.

Ézai 63:18

Tɛrɛ ’ko kɛlɛ ilé munu zé nya bléyi sɛ nya; ko nyanézannu ilé fɛna sauun zɔn wo gane nya.

Jérémi 10:20

Wo anlé sɔkɔn sɛrɛ, Wo an ma balenu kini, An benu si an va yé wo ’ka ana é dɛrɛ lo; Mi bɛ ’ka an lɛ yé ’bɛ é anlé sɔkɔn dɔ é ziin lo.

Jérémi 12:7

An sɔn vɔ anlé kɔn ma. An daan anlé tɔnɔfɛnu ma. Maa an sɔlɛzan bɔra é nyanézannu lɛ.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 39:9

Munu lé wo vo fla koo, munu lé wo yɔfalo fu vɔ wo bɔrɔ ma koo, mi pɔnénu koo, sunyanu nwiinzan Nébuzaradan go wo nya luu gi Babilɔn.

Jérémi 5:29

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:18

Gakelebale a tegele, Naa, é we fe an lɛ yé an bɔrɔ vɔɔ a ta. ’Kaa migɔnɔ faa, ’ka tɔné dɔ, ’ka anlé nyanéblele ye. Anlé blɛnnu valé anlé pɛniɛnu go luu gi.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 3:46

Munu faa lé wo ke ko nyanézannu nya, Woo we fé ko ma,

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.