Jérémi Lé Wuvɔ Sɛbɛ 1:21 - Kazambale lé Sebe Sauunu 1979

²¹ Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Jérémi Lé Wuvɔ Sɛbɛ 1:21 ပူးပေါင်းရင်းမြစ်များ

Lɛrɛvɔ Sɛbɛ 35:15

Naa, dé an saan, wo gi éé nanaan yé wo zén ékeva, Woo zén‐é ékeva an ma trɔnné va, an sɔnɔle we ma; Wo ’ka daan an ma sɛrɛle ma lo.

Lɛrɛvɔ Sɛbɛ 37:13

Mizan éé yéri sié mi nyané ma, Naa, é a yé léé, alé yi bɔ é pu.

Lɛrɛvɔ Sɛbɛ 38:16

Gakelebale, an bli a bii ɛ lɛ. Anzan, anzé Bale, ’i we an zi.

Ézai 14:5

Gakelebale mi nyanénu lé yili yéli; é plakonwiinzannu lé vlewɔlɛ yéli.

Ézai 14:6

Mi lé éé munu blaan é wɛwɛ nya, ’té é ’ka daan fɛ duunle ma wo lɛ lo, mi lé é bɛnnu pla é wuo élé bliflile nya, sin, wa zuo binna, ’té wo nyanai ’ka zén a ta lo.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 48:27

Izraɛl ’ka kɛlɛ lɛ yérisiémazan nya i yuɛ gi loo? Wo bɔ a ma kyeenwozannu va, amalé dé i a alé we fena, ’té i ’wuo nyɔɔn‐aan?

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 50:31

Mizan, lai sunyanu lé Gakelebale léma: Boblɛnzan, bé ye, maa a i ma; ilé yi bɔ; we lɛdɔ i gi bléyi bɔ.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:49

Oo, Izraɛl lé mi galenu, Babilɔn é ziin, é dan dia lɛ fɛan zo lé é tɛrɛ faa lé mi galenu dia, a zo.

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 1:22

’I wolé wenyanénu faa ye ma. We lé bé kɛlɛ an lɛ anlé wenyanénu faa lé we ma, ’I wozé kɛlɛ a zo ma, Naa, an bamaflin wo di, yé an nyané ble an bli gi.

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 2:15

Giézannu faa woo bɛ gya i ta, Woo ’furu fɛɛn, woo ’wuo nyɔɔn‐an Jérusalɛm munu ma, Yé wo léé: Fla lé wo léé, é a é nɔnɔmi é baba, É a tɛrɛlamunu faa lé ginanamafla nya, yee lé é ke ’koo?

Jérémi Lé Wuvɔ Sɛbɛ 2:16

Ka nyanézannu faa woo ’léé fuoan ka ma, Woo ’furu fɛɛn, yé woo suiɛ giéan ékema, Yé wo léé, ko mini a ta. We lé ko lɛbɛn‐é turu, yee lé bɛ; ko a lɛbɛn, yé é bɔ; ko a ye sin.

Ézékiɛl 26:2

Blami be, Tii munu we nana Jérusalɛm munu ma, ’té wo wé: Aa! Aa! Fla lé ke munu faa gona nya, wa ’wiioo, wa ’wii! Sin, wo dan ’wo yara nɔla lɛ ko vazia; kolé fla é dan fan lɛ fɛ zinnu nya, ’té Jérusalɛm a é ’bin nya.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.