Jérémi Lé Wuvɔ Sɛbɛ 1:17 - Kazambale lé Sebe Sauunu 1979

¹⁷ Siɔn é bɛ soi, Yé mi do ’ka we lɛ a zi lo; Jakɔb nyanézannu lé é ke ’bɛna tɛrɛ la, Gakelebale wo nwa a ma; Jérusalɛm kɛlɛ naaninvɔmafɛ nya wo méléna.

Jérémi Lé Wuvɔ Sɛbɛ 1:17 ပူးပေါင်းရင်းမြစ်များ

1 Minwiinzannu 8:22

Salomɔn dɔ Gakelebale banna ’lɛ, Izraɛl munu lé wo ke é zénle ékeva, wo yara, yé é bɛ soi la vazia,

1 Minwiinzannu 8:38

dé mi do léé, dé ilé munu Izraɛl faa léé, dé wo bazoro yé wo zanté vɔ i lɛ, yé wo faa va mi do do ébo bli gi wenaané dɔɔ yé é bɛ soi kɔn ’ko vazia,

2 Minwiinzannu 25:1

Sédésias plale munu nwiin lɛɛ sɔraziɛnzan lé moné vuzan lé yi vuzan nya, Babilɔn nwiinzan Nébukanɛsaa da Jérusalɛm ma, élé sunyanu faa nya é va; é sɔkɔnnu dɔ a ’lɛ, yé é tɛrɛ zun dɔ a zi.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 54:11

Nyanaizénlazan, fu ’lɛ plɛplɛ i gyɛ yé i tɔrɔpaazan ’ka lo. Bé ye, maa dan ilé gɔlɛnu pla lɛ laso wezan nya Yé maa dan i gane vɔ lɛ safiigɔlɛ nya;

Jérémi 12:9

Anlé tɔnɔfɛ kɛlɛ an ma wiblemiané nya; é kɛlɛ glau nya; Yé é ziin wiblemianénu faa é dan si lɛ fɛfaana, yé wo péli vɔ a ma. ’Ka go, ’ka bwigiwinu faa zén ékeva, ’Ka da wo nya yé ’wo yee tɔnɔfɛ ble.

Jérémi 15:5

Jérusalɛm, de ɛ dan nyanai zén lɛ i taa? De ɛ dan wuvɔ lɛ ilé we maa? De ɛ dan go lɛ ilé we nagini lɛɛ?

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 6:3

’Blatabinzannu valé ’wolé ’blanu wa gona a va, woo ’wolé sɔkɔnnu dɔa a zi, wo faa do do ’wozé blé.

Jérémi 8:18

É sɔ an lɛ léé, anlé kleblele ta ’é zana; An bli a nyané blena an gi.

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 1:21

Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 4:15

Wo siaa wo ta léé: Ka lé ka tiri ke, ’ka si ana baa! ’Ka si ana baa, ’ka gyɛ ka zuo baa, té ka mane ko ma lo. Wo fwi, wo vo nɔɔna ’ko valé ’ko. Wa fé bɛnnu méléna léé: Wo nyanana ’ka é dɛrɛ lo.

Ézékiɛl 36:17

Blami be, bléyian va lé Izraɛl munu a wolé tɛrɛ la, wo giébɛnu valé wo kɛlɛwenu wolé tɛrɛ sɛrɛ. Wo giébɛ kɛlɛ an yuɛ gi bélé le lé é ’ka tegele lo, a tiri dɔbɛ zo.

OZÉ (Osée) 8:8

Izraɛl sɛrɛ tata. Wa sin bɛnnu méléna bɔ lé a vlɛ ’ka lo, a zo.