Jérémi Lé Wuvɔ Sɛbɛ 1:16 - Kazambale lé Sebe Sauunu 1979

¹⁶ Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:16 ပူးပေါင်းရင်းမြစ်များ

Lɛrɛvɔ Sɛbɛ 106:42

Wo nyanézannu yaa wo ta, Yé ’bɛnu wo zun ’wolé plɛplɛ wuo.

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Lɛrɛvɔ Sɛbɛ 69:20

Serele lé wa boo an ma koo, anlé yaragyɛle koo, yaragyɛwe lé wa bɔa an ma koo, i wo gi dɔɔ; Bii an mazannu faa dɔɔ.

Bale Lé We Gifezan 4:1

’Bɛ zuo kle faa lé wa pana munu ta tɛrɛ la, an gi bɔrɔ ’bɛ ma; kleblezannu a wuvɔna, yé mi do kpen ’ka wo tɔrɔ paan lo; wa ’wo ta klepazannu lé glawe kɛlɛmafɛ nya, yé mi do kpen ’ka wo tɔrɔ paan lo.

Ézai 54:11

Nyanaizénlazan, fu ’lɛ plɛplɛ i gyɛ yé i tɔrɔpaazan ’ka lo. Bé ye, maa dan ilé gɔlɛnu pla lɛ laso wezan nya Yé maa dan i gane vɔ lɛ safiigɔlɛ nya;

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 15:5

Jérusalɛm, de ɛ dan nyanai zén lɛ i taa? De ɛ dan wuvɔ lɛ ilé we maa? De ɛ dan go lɛ ilé we nagini lɛɛ?

Jérémi 8:18

É sɔ an lɛ léé, anlé kleblele ta ’é zana; An bli a nyané blena an gi.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:21

Naa, gale wɔra kolé fɛnɛtinu ta, É wɔra kolé fuakɔnnu gi; É nénu kulu ga zinu ’léé, Yé é mi boronénu nyaa vuun ta.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 2:11

An yuɛyi kiɛre zénle we ma an yuɛ fuu si é ta, a bli ’ka é male an gi lo; An gi nyɛ kini Dunu zénmitawe lé é bɔ anlé munu ma, alé we ma. Nunukénénénu valé nyɔmanénu fuu si wo ta flaworo dii zinu ta.

Jérémi Lé Wuvɔ Sɛbɛ 2:18

Woo siaan, ’té wo bli a Mizan lɛ, Siɔn munu lé flagɔrɔ, ’i kɛlɛ bélé mi lé éé wuvɔa é yiéyi valé é béli, ’té a yuɛyi éé yoroan, a zo. Té i flin lo, Té i yuɛyi é nyaa i yuɛ gi lo.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.