Jérémi Lé Wuvɔ Sɛbɛ 1:15 - Kazambale lé Sebe Sauunu 1979

¹⁵ Mizan anlé gulidanzannu faa dia, É sunyanu gu blɛn zén ékeva an ma, Léé, ’wo anlé pɛniɛnu gyɛ; Mizan Juda munu zɔn é gane nya bélé dɔrɔporo zo.

Jérémi Lé Wuvɔ Sɛbɛ 1:15 ပူးပေါင်းရင်းမြစ်များ

2 Minwiinzannu 9:33

Jéu léé: ’Ka a vuli tɛrɛ va. Wa vuli yé a nyɛ nwɛɛn flagɔrɔ valé wisoonu ta. Jéu a zɔn wisoo gane nya;

Lɛrɛvɔ Sɛbɛ 119:118

Munu faa lé, woo sié i déretawenu zuo, i wo yé boamunu nya; Iin, woo dabli kɛla é pla.

Ézai 28:18

Ka gi lé ka pa do ga va, maa dan ’bɛ sɛrɛ lɛ. Ka ’ka dan nana lɛ mipagurunu nya é dɛrɛ lo. Dé migyɛgyɛ da é dan ka ’wii lɛ.

Ézai 41:2

Mi lé éé tawoo wetegele kɛlɛle nya, De ɛ ’bɛzan nwa yirinwanaziaa? De ɛ bɛnnu pa a lee yé minwiinmunu pla a wuoo? De ɛ wolé gwɔunnu kɛlɛ vungoi zo, Yé é wolé sanu kɛlɛ ’sagoi lé fu éé goo a nya, a zoo?

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 63:3

Yé é léé: Maa do ɛ dɔrɔ zɔn an gane nya; mi do kpen ’ka bɔ lɛ an va lo; an bliflile zi an wo zɔn; an wɛwɛ zi an wo wii. Wo nyɛ zén anlé sɔnu gi, yé anlé sɔ faa tiri dɔ a nya.

Jérémi 13:24

Maa dan wo fwila lɛ bélé fɛan zo lé nyéné saa lé fɛna fu éé lɔɔ fwilaan fɛan zo, a zo.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 37:10

Yé dé ka Kaldé sunyanu faa gyɛoo, dé tuomunu saa ɛ vo ana, wo faa é dan nwa lɛ wolé sɔkɔnnu gi do do yé wo dan fla ’ko kyɛ ble lɛ.

Jérémi 50:26

’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 51:34

Jérusalɛm léma: Babilɔn nwiinzan blɛn Nébukanɛsaa an ble, é an sɛrɛ; É an kɛlɛ bélé bɔkoro zo; É an mini bélé dragɔn zo; É kan anlé fɛwezannu nya, É an bin.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Jérémi Lé Wuvɔ Sɛbɛ 3:34

Dé woo luugimunu faa zɔn‐o Wo gane nya wolé tɛrɛ la,

Daniɛl 3:13

Tɔɔn, Nébukanɛsaa wɛwɛ dɔ yé a bli fli é baba. Yé é léé, ’wo da Sadrak koo, Mésak koo, Abɛd‐Négo koo, wo nya. Yé wo da munu ’konu nya minwiinzan blɛn ’lɛ.

Joɛl 3:13

’Ka kun kɔblané ma; Naa, ’sa tana. Dɔrɔporo borona a é fanle, ’Ka da, ’ka a zɔn ka gane nya; Dɔrɔyi zéngikana zana a ma, Wolé glawe a kiɛre, azama.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Malasi 4:3

Yé ka dan mi nyanénu zɔn lɛ; wo dan kɛlɛ lɛ ka gane wuo bélé kyɛyee zo, yi lé maa a a ma’lɛrɛna, a yi nya. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Weblezannu 10:8

Wo nyané pa Izraɛl lé nénu ta yé wo wo pun bo ’bɛ lɛɛ ’ko gi, yé wa kɛlɛ Izraɛl lé nénu faa lé ke Juudɛn zi, Amorénu lé Galaad tɛrɛ la, wo lɛ, lɛɛ vu ta sɔraa wuo.