Jérémi Lé Wuvɔ Sɛbɛ 1:10 - Kazambale lé Sebe Sauunu 1979

¹⁰ Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Jérémi Lé Wuvɔ Sɛbɛ 1:10 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:18

Yé Bale lé kɔn gi nyanamapafɛnu faa, a blɛnzannu valé a kiénézannu koo, Gakelebale lé kɔn gi fɛwezannu koo, minwiinzan blɛn valé alé mi segelenu lé fɛwezannu koo, Nébukanɛsaa go wo nya Babilɔn.

Néémi 13:1

’Bɛ bléyi ’ko va, wo Moizi lé sɛbɛ ta fe munu faa yuɛ va, yé wa ye a gi léé, té Amɔnnu valé Moabnu ’é zén ékeva Bale lé munu nya monomono lo.

Ézai 63:18

Tɛrɛ ’ko kɛlɛ ilé munu zé nya bléyi sɛ nya; ko nyanézannu ilé fɛna sauun zɔn wo gane nya.

Jérémi 15:13

Maa ka leefɛnu valé kalé fɛwezannu no munu lé woo fɛ sian gla nya, wo lɛ, wenyanénu faa lé ka a kɛlɛ fɛfaana kalé tɛrɛ la, wolé we ma.

Jérémi 20:5

Fla ’ko lé fuafɛnu faa koo, ana munu lé nyanama tɔnɔ faa koo, alé fɛwezannu faa koo, Juda nwiinzan blɛn lé fɛwezannu faa koo, maa dan wo nɔ lɛ wo nyanémunu lɛ. Wo dan wo si lɛ gla nya, yé wo go wo nya Babilɔn.

Jérémi 27:19

Juda nwiinzan Jojakim be Jékonia koo, Juda valé Jérusalɛm lé mi blɛnnu koo, bléyian va lé Babilɔn nwiinzan blɛn Nébukanɛsaa wo kun Jérusalɛm yé é go wo nya luu gi Babilɔn, é Gakelebale lé kɔn gi nyanamapafɛ kenu vo é pa gi Jérusalɛm. Zénéwɛyili koo, zéné’wolikana blɛn koo, wo ganevɔgifɛnu koo, nyanamapafɛ bɛnu koo, wo ɛ vo Nébukanɛsaa pa gi Jérusalɛm yé Gakelebale wo ma we fe.

Jérémi 27:21

Nyanamapafɛnu lé wo vo Gakelebale lé kɔn valé Juda nwiinzan blɛn lé kɔn gi Jérusalɛm, lai sunyanu lé Gakelebale, Izraɛl lé Bale wo mawe fe léma:

Jérémi 50:28

’Ka tɔné dɔ Babilɔn lé vɔfligimunu lé siaalenu lɛ, yé ’ka go Gakelebale kalé Bale lé we lɛgi pale zana dɔɔ Siɔn, yé ’ka a bangikɔn lɛgi pale zana dɔɔ ana.

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 1:7

Jérusalɛm lé klebleyi valé alé nyanaizénlayi nya, We néné faa lé ke azé nya é vinin, wo sele dɔ a gi, Naa, sin alé munu dia munu lé ’bɛnu éé yaan wo ta, ’bɛnu lee, ’té wo bɔvazan do kpen ’ka lo; Wo nyanézannu wo nagini é pla, ’té woo yéri sié a zunle we ma.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Ézékiɛl 7:22

Maa dan an yara si lɛ wo ta, yé munu é dan anlé fɛna sauun sɔnné sɛrɛ lɛ; glamunu é dan wɔra lɛ ana yé wa sɔnné sɛrɛ.

Ézékiɛl 9:7

Yé Bale lé migyɛzannu lɛ léé: ’Ka kɔn tiri dɔ yé ’ka a gɔrɔ ginu fan mi galenu nya. ’Ka bɔra. Yé wo bɔra, yé wo munu gyɛ fla.

Maak 13:14

Mian éé sɛbɛ ’ko ta fé, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka ’wo yuɛ vɔa a ta lo, dé ka a ye é dɔle fɛana lé a se ’ka a lɛ léé, é dɔ ana lo, ana, munu lé wo ke Judé tɛrɛ la, ’wo fwi yé ’wo go gɔnu nwiin ma.

Bélidɔwesɛbɛ Fiézan 23:3

Amɔn mi valé Moab mi, té ’wo wɔra Gakelebale lé zen‐ékeva na lo, wo kulu vuzan‐oo, lɛɛfaama oo, té ’wo wɔra lo;

Bélidɔwesɛbɛ Fiézan 23:4

dé ka fwi Éjipiti tɛrɛ la bléyian va, dé ka a dana zia, wo ’ka da lɛ ’yi valé fɛ nya ka lɛ lo, bɛwemalé té ’wo wɔra lo. Yé é ziin, Béɔɔ be Balaam lé é si Pétɔɔ, Mézopotami tɛrɛ la, wo gɔɔli nɔ ’bɛ lɛ léé, ’bɛ é bale pa ka ma, ’bɛ we ma é ziin, té ’wo wɔra lo.