Jérémi Lé Wuvɔ Sɛbɛ 1:1 - Kazambale lé Sebe Sauunu 1979

¹ Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Jérémi Lé Wuvɔ Sɛbɛ 1:1 ပူးပေါင်းရင်းမြစ်များ

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

2 Minwiinzannu 23:33

Faraɔn Néko gɔgɔbale vɔ a ma Ribla, Amat tɛrɛ la, té é pla munu nwiin Jérusalɛm é dɛrɛ lo we gi; yé é ban dɔ ana tɛrɛ nwiin gɔɔlifu talan yɔ soru valé kyan talan do.

2 Minwiinzannu 23:35

Jojakim gɔɔlifu valé kyan nɔ Faraɔn lɛ; naa, é ban dɔ ana tɛrɛlamunu nwiin gɔɔli yele we ma, Faraɔn dére ta; gɔɔli valé kyan lé énɔ dan a nɔ lɛ Faraɔn Néko lɛ, é a guli munu ma do do, yé é a si wo lee.

2 Minwiinmunu lé Wezuofe Sɛbɛ 9:26

Salomɔn pla minwiinmunu faa nwiin, é sia yuu ma fɔɔ yé é bɔ Filisiti tɛrɛ glɛ la yé é bɔ Éjipiti tɛrɛ glɛ la.

Ezidras 4:20

Minwiinzan blɛn plɛplɛnu kɛlɛ yuu zi, Jérusalɛm, ’té wa é plale tɛrɛ faa nwiin. Vagɔɔli koo, fɛnu ta banwo gɔɔli koo, zibanwo gɔɔli koo, ’té wa no wo lɛ.

Néémi 5:4

A bɛnu léé: Ko nwiinzan blɛn lé vagɔɔli nɔle we ma lé, vɛɛn kolé féinu valé kolé dɔrɔféinu ble ko lee.

Néémi 9:37

Kolé wenyanénu lé we ma, minwiinzan blɛnnu lé i ko pla wo wuo, tɛrɛ tafɛnu gi gyɛ wozé nya. Woo plaan ko nwiin wolé blibɔmale yɛrama, ko kɔlɛnu koo, kolé winu koo, ko nwiin, yé ko a nyané blɛn blena.

Lɛrɛvɔ Sɛbɛ 122:4

Ana lé bɛnnu ilé gɔ gié, Gakelebale lé bɛnnu lé, Izraɛl lé bélidɔwe yɛrama, Gakelebale tɔ zin fele we ma.

Ézai 14:12

Pɔrɔkunnu monéné, tukini gunu, i si la gi i dia kaa? Bii lé, guliwuo vo i lɛ bɛnnu nwiin, wo i dia tɛrɛ va.

Ézai 22:2

Fla bɔ gyɛ, ’té a vun éé wé, ’té a tamunu gi éé nanaan. Ilé munu ’ka dan zamaga wo lɛ gwɔun koo, gulidanmunu koo, wo lee lo.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 49:21

Yé i dan a fe lɛ i bli gi léé: De ɛ wo yaa an lɛɛ? Naa, nénu ’ka turu an lee lo, ’té maa a sɔnzan nya. Wo so an va yé wo an bɔra, de ɛ anlé nénu paa? Maa vo turu an do ’naan, wonu ’ko, wa turu kyɛɛn?

Ézai 50:5

Mizan Gakelebale an tɔné lɛ so, Yé maa ’ka sɔn vɔ lɛ a ma lo, Maa ’ka gyɛ lɛ an zuo pelo.

Ézai 52:2

’Ka nwa, ’ka vungoi si ka ma, ’ka ma puo. Jérusalɛm munu, ’ka nyana ka pa gi. Siɔn munu, luugizannu, ’Ka luubale si ka bɔrɔ ma.

Ézai 52:7

Mi lé éé dan wenéné nya, ’Té éé vole drɔɔ zana dɔɔan, Mi lé éé dan wenéné nya, ’Té éé sile we gi zana dɔɔan, ’Té éé a fé Siɔn munu lɛ léé: Kalé Bale a é plale mi nwiin, Azan gane a é nɔnɔmi gɔnu nwiin.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Jérémi 31:7

Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

Jérémi 40:9

Safan be Asikam be Gédalia bale ’nyɔɔn wo lɛ yé é léé: ’Ka pla Kaldé munu wuo, té ka kana lo; ’ka nyana tɛrɛ ’ko la, yé ’ka vo Babilɔn nwiinzan blɛn wuo, yé ka dan zin ye lɛ.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 50:23

Éé, mɛ léé? Wo tɛrɛ faa lé maato yéli; wa ’wii; Babilɔn sɛrɛ bɛnnu méléna.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 2:1

Yé mɛ kɛlɛɛ? Gakelebale bli fli yé é lati bua Siɔn munu ta, É Izraɛl lé fua tɔbɔle si la gi yé é a zun tɛrɛ la, A bli fli yian nya, A gane dɔrana sele ’ka dɔ lɛ a gi lo.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Jérémi Lé Wuvɔ Sɛbɛ 5:16

Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

Ézékiɛl 26:16

Wɛyi sɔnɔ tɛrɛ la minisinu faa éé sié ’wolé fuablinnu ta yé wo zun tɛrɛ va; woo ’wolé varɔ blɛnnu sié ’wo ta, yé wolé varɔnu lé pɛɛ ke é gyɛle wo ta, woo wo sié ’wo ta. Di éé kinié wo gi, yé woo nyanaan tɛrɛ va, yé wo zuru va nyɛ éé kinié bléyi faa va, yé wo dan dɔ lɛ ’wo gane la ilé we ma.

Ézékiɛl 26:2

Blami be, Tii munu we nana Jérusalɛm munu ma, ’té wo wé: Aa! Aa! Fla lé ke munu faa gona nya, wa ’wiioo, wa ’wii! Sin, wo dan ’wo yara nɔla lɛ ko vazia; kolé fla é dan fan lɛ fɛ zinnu nya, ’té Jérusalɛm a é ’bin nya.

Ézékiɛl 5:5

Mizan Gakelebale léma: Jérusalɛm lé maa a pa bɛnnu méléna tɛrɛnu guru la, yee lo.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Sofoni 2:15

Ginanafla lé ke bɛ; éé nyanaan éboma duaa, ’té éé a fé é bli gi léé: Maa, maa do kpen! Ka yua, é vo é ’bin nya, bwiiwinu yɔɔna lé. Munu faa lé wo dan gié lɛ a sɔnɔ, wo dan ’furu fɛn lɛ yé wo bɛ gɔɔn a ma.

Wegɔɔnle 18:7

Fɛan zo lé ébo tɔ kɛlɛ blɛn yé ébo nɔ fua kiɛre blele lɛ, a zo duo lé ’ka nyanéblele kaii valé gyɛbole nɔ a lɛ. Naa, é lé é bli gi léé, ’é a mi nwiin le nya é nyanale, ’é ’ka gyɛzara le nya lo, yé ’é ka dan gyɛ bo lɛ monomono lo.