Kelewenu 9:2 - Kazambale lé Sebe Sauunu 1979

² yé é a laa ’bɛ lee léé, ’bɛ ’é sɛbɛ nɔ ’é lɛ Damas lé bazorokɔn gi munu zé nya léé, dé é zi dɛrɛ ’ko ta tawozannu ye, dé wa gɔnénu nyaoo, dé wa lomu nyaoo, ’é bale vɔa wo ma yé ’é da wo faa nya Jérusalɛm.

Kelewenu 9:2 ပူးပေါင်းရင်းမြစ်များ

Wepélisiananu 14:15

Yé Abram élé munu gi bɔi, munu koɛ gyɛle é béli we gi, yee valé élé nyanamapamunu nya; Abram wo gyɛ yé wo wo zuo bin fɔɔ wo bɔ Soba, ’té ’bɛ ke Damas bɛbolazia bɛ, ana.

Ézai 17:1

Balelawe lé Ézai a fe Damas ma, yee lo. Ka ye, Damas ’ka dan kɛlɛ lɛ fla nya é dɛrɛ lo; é dan kɛlɛ lɛ é ’bin nya é pla.

Jérémi 49:23

Damas munu mawe lo. Amat valé Aapad, wa é dɔle ’wo gane la. Naa, wo wenaané ’ma; wo ma nyɔɔn, bélé wɛyi nanole lé é ’ka bɔa nyanale lɛ drɔɔ lo, a zo.

Matio 10:17

’Ka yuɛ pa kabozen va munu lé we ma, naa, wo dan ka pa lɛ weblezannu lee, yé wo dan ka bla lɛ plén nya ’wolé bazorokɔnnu gi;

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

Kelewenu 18:25

Wo Mizan lé zi ta wenu paa a gi é kyɛn, yé é Jézu lé we fe munu lɛ é fuu nya é ta, yé é Jézu lé we paa wo gi tegele, dɔlé té é Jan lé batizé saa ɛ dɔɔ.

Kelewenu 19:23

’Bɛ bléyi va, we blɛn do bɔ Balebɔzi ’ko lé we ma.

Kelewenu 19:9

Naa, wo va mi kenu bli vo plɛplɛ, yé wo ’ka dɔ lɛ a ta lo. Yé wo vo Mizan lé zi ma we lɛrɛlɛrɛ fena mi faa yuɛ va, amalé é si wo va yé é zuomunu si wo va. Yé é vo we paana ’bɛnu gi yi faa do do ma Tiranus lé lɛkɔlu la.

Kelewenu 24:14

Maa fe i lɛ webozen nya, maa an tranu lé Bale bɔa, zi dɛrɛ lé wa tamunu laama palu do, a yɛrama. Yé we faa lé é ke é gyɛle bélidɔwe sɛbɛ gi, é valé balelayemunu lé sɛbɛnu gi, maa a é dɔle ’bɛnu ɛ ta.

Kelewenu 24:22

Félis zi dɛrɛ ’ko lé we dɔɔ tegele, yé é yi bɛ dɔ wo lɛ yé é léé: Dé sunyanuzan segele Lisias da faa yé maa kalé we yuɛ gi bo.

Kelewenu 26:10

Yee lé maa a kɛlɛ Jérusalɛm. Balebanmunu segelenu a se kɛlɛ an lɛ, amalé an Kazambale lé munu kiɛre vɔ bokɔn gi. Wa wo gyɛna aan wo, ’té an péli a é vɔle wo gyɛmunu va.

Kelewenu 26:12

Balebanmunu segelenu a se kɛlɛ an lɛ yé an go Damas wo dére nya, yee we duo kɛlɛle we gi.

Kelewenu 6:9

Bazorokɔn do lé, wa laama voébomamunu lé bazorokɔn, a gi mi kenu koo, Sirɛne munu koo, Alézandri munu koo, Silisi tɛrɛ valé Azi tɛrɛ la Juifinu koo, wo nwa yé wo kun zavɔle ma Étiɛne va.

Kelewenu 7:19

Wo nwiinzan ’ko dabli kɛlɛ kaa bɛnnu lɛ, yé é nyané pa kaa tranu ta fɔɔ yé é léé, ’wo sɔn vɔ ’wolé nénu ma, léé, té wo vo é yuɛma lo.

Kelewenu 9:14

Balebanmunu segelenu a se kɛlɛ a lɛ léé, munu faa lé wo ke i tɔ laana fɛkona, é bale vɔ ’bɛnu ma.

Kelewenu 9:21

Munu faa lé wa ’ma, wo gi vuru yé wo léé: Mi lé éé nyané paan munu lé wo tɔ ’ko laan, wo ta, Jérusalɛm, yeean ke bɛ loo? Yé é ’ka da lɛ wo si lɛ ’ko yé é go wo nya é yerele Balebanmunu segelenu lɛ loo?

2 Korɛnt Munu 11:32

Dé maa a Damas, minwiinzan Aréta lé gbɔrɔnama sunyanu dɔ Damas munu lé fla zi an kunle we ma;

Galasi munu 1:17

yé maa ’ka go lɛ Jérusalɛm, munu lé wo ke é kyɛn nwunvɔzannu nya an ’lɛ, wo va lo, naa, an go Arabi tɛrɛ la. ’Bɛ zuo yé an da é ziin Damas.