Kelewenu 6:3 - Kazambale lé Sebe Sauunu 1979

³ Bɛwemalé, bwenu, ’ka ka va mi sɔrafié si a va, munu lé woo wo ma we zin fé, wo nya, ’té Léli Sauun ke wo ta, ’té wo we dɔɔ, yé ko nyanama ’ko bɛ pa wo lee.

Kelewenu 6:3 ပူးပေါင်းရင်းမြစ်များ

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Ézai 28:26

Alé Bale a kɛlɛbɛ paa a gi, é we ’konu gɔɔn a lɛ.

Ézai 28:6

É dan we tegele kɛlɛbli vɔ lɛ, munu lé wo ke é nyanale weblena, wo gi; é dan plɛplɛ nɔ lɛ munu lé wo ’wo nyanézannu nyunu fɔɔ yé wo bɔ wo nya wolé flagɔrɔ ’léé, wo lɛ.

Matio 23:8

Naa, ’kaa, té mi é ka laa ’ézan lo. Mi do kpen a kazan nya yé ka faa a ka ke bwenu nya.

WENÉNÉ LE JAN A GYE (Évangile selon Jean) 21:23

’Bɛ zuo, we ’ko gun gyɛle sɔɔla bwenu méléna léé, Jézu zuozan ’ko, é ’ka dan ga lɛ lo, dɔlé té Jézu ’ka a fe lɛ Piɛri lɛ léé, é ’ka dan ga lɛ lo lo; naa, é léé, dé é sɔ an lɛ léé, ’é vo ana fɔɔ yé an da, ’bɛ mɛ ɛ kɛla i lɛɛ?

Kelewenu 1:15

’Bɛ bléyi va, bwenu lé wo ke é zénle ékeva, dé wa mi yɔ suiɛdo? yé Piɛri nwa wo méléna yé é léé:

Kelewenu 1:21

Amalé, munu lé wo ke ko va yifaama, ’té Mizan Jézu a ko méléna,

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Kelewenu 15:23

Sɛbɛ lé wa pa wo lee, a gi lé ke ’ko: ’Kaa bɛn bɛnu va munu lé ka ke ko zuanénu nya, ’té ka ke Antiɔs koo, Siri valé Silisi tɛrɛ la koo, ko we ka va. Ko nwunvɔzannu valé mi segelenu lé ko ke ka bwenu nya, ko ɛ ke sɛbɛ ’ko pana ka lɛ zia.

Kelewenu 16:2

Lisitre bwenu valé Ikonium bwenu gɔné ’ko ma we zin fe.

Kelewenu 2:4

Yé Léli Sauun vɔ wo faa la yé wo wefele pélisia dére bɛnu gi, fɛan zo lé Léli a pa wo ’léé, a zo.

Kelewenu 22:12

Yé mi do ana Damas, wa laama Ananias, éé bélidɔwe kɛla tegele, yé Juifinu faa lé wo ke é nyanale Damas, wa ma we zin fé;

Kelewenu 28:14

Ana lé ko bwenu ye yé wo zanté vɔ ko lɛ léé, ’ko yi sɔrafié kɛlɛ wo va. ’Ko zo lé ko go Rom.

Kelewenu 6:2

Bɛwemalé mi vu ta fié Jézu zuomunu kiɛre laa, yé wo lé wo lɛ léé: Dé ko daan Bale dére fele ma yé ko kɛlɛ munu lé fɛ gulizannu nya, ’bɛ ’ka tegele lo.

Kelewenu 6:5

We ’ko sɔ zén‐ékevamunu faa lɛ, yé wo munu si a va; Léli Sauun vɔlazan Étiɛne lé alé blipale ke blɛn, yee a, Filip a, Prɔkɔɔ a, Nikanɔɔ a, Timɔn a, Paaménas a, Antiɔs mi Nikola lé é ke é vinin zi bɛ ta bazorozan nya, yee koo, woo lé wo wo si.

Kelewenu 6:6

Wo go wo nya nwunvɔzannu va. Dé ’bɛnu bazoro faa yé ’bɛnu ’wo bɛ pla wo ta.

Kelewenu 9:30

Bwenu a gi dɔɔ aan wo, yé wo go a nya Sézaré, yé wa pa zia Taase.

1 Korent munu 12:8

Kazambale Léli éé wedɔɔdére no mi do lɛ, yé éé gikinidére no mi do lɛ Kazambale Léli duo nya,

1 Korent munu 16:3

Yé dé an da ka va, munu lé é sɔ ka lɛ léé, wo go gɔɔli nya Jérusalɛm, maa dan wo pa lɛ zia sɛbɛnu nya wo lee.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Bélidɔwesɛbɛ Fiézan 1:13

Munu lé ke wedɔɔzannu valé wuoatazannu nya, ’té kalé munu wo dɔɔ, ’ka wo si ka bɛn lɛgɔnɔnu gi yé maa dan wo dɔ lɛ ka nwiinzannu nya.

1 Timoté 5:10

dé wa ma we zin fé alé wezin kɛlɛle ma, dé éé nénu paan, dé é a bɛn sɔlɛzan nya, dé éé Kazambale lé munu gane ma folié, dé éé bɔa nyanéblemunu va, dé éé wezin gɔnɔ faa kɛla, ’wo ’bɛzan tɔ gyɛ ma.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

3 Jan 1:12

Munu faa koo, wezen bozen koo, woo Démétrius ma we zin fé. Ko é ziin, ko a a ma we zin fena, yé bii a gi dɔɔ léé, we lé ko ke a fena a ma, é a webozen nya.