Kelewenu 22:3 - Kazambale lé Sebe Sauunu 1979

³ Maa a Juifi mi nya. Wo an yaa Taase, Silisi tɛrɛ la. Yee fla ’ko ta lé an tin yé Gamaliɛl kaa tranu lé bélidɔwe paa an gi tegele. ’Té Kazambale lé we a an bli gi blɛn, bélé fɛan zo lé é a ka bli gi blɛn kyɔ, a zo.

Kelewenu 22:3 ပူးပေါင်းရင်းမြစ်များ

2 Samuɛl 21:2

Minwiinzan Gabaɔn munu laa, wefele wo lɛ we gi. Gabaɔn munu ’ka Izraɛl lé nénu nya lo, naa, Amoré munu kulu do lé wo nya; Izraɛl lé nénu Bale kun léé, wo ’ka dan wo gyɛ lɛ lo, naa, Izraɛl lé nénu valé Juda lé we a Saul bli gi blɛn, amalé é sɔ a lɛ léé, ’é Gabaɔn munu kulu ga.

2 Minwiinzannu 4:38

Élizé da Gilgal é ziin, yé lɔrɔ dɔ ana tɛrɛ la. Balelayemunu a é nyanale a ’lɛ, yé é lé é wuozan lɛ léé: ’I bɔ blɛn dɔ kyɛ ta, yé ’i zian dɔne Balelayemunu lɛ.

WENÉNÉ LÉ LUK A GYE (Évangile selon Luc) 10:39

A buru a, wa laama Mari; ’bɛ nyana Mizan gane ma, ’té ’bɛ éé tɔné dɔa a dére lɛ.

WENÉNÉ LÉ LUK A GYE (Évangile selon Luc) 2:46

Yi yaazan nya é nyanadi, wa ye Balebangikɔn gi, é nyanale bélidɔwedɔɔmunu méléna, ’té éé tɔné dɔa wo lɛ, ’té éé we laan wo lee.

WENÉNÉ LÉ LUK A GYE (Évangile selon Luc) 8:35

We lé é bɔ, munu go a nagini lɛ. Wo da Jézu va yé mi lé yonu si a gi bɛ, wa ye é nyanale Jézu gane ma, sɔ nya é ta, ’té a ’wuo gi a é pla; yé di kini wo gi.

Kelewenu 11:25

A zuo Banabas go Taase Sɔl gini lɛ.

Kelewenu 15:23

Sɛbɛ lé wa pa wo lee, a gi lé ke ’ko: ’Kaa bɛn bɛnu va munu lé ka ke ko zuanénu nya, ’té ka ke Antiɔs koo, Siri valé Silisi tɛrɛ la koo, ko we ka va. Ko nwunvɔzannu valé mi segelenu lé ko ke ka bwenu nya, ko ɛ ke sɛbɛ ’ko pana ka lɛ zia.

Kelewenu 15:41

Wo gié Siri valé Silisi tɛrɛ la, yé wo léglizigimunu dɔ gligli.

Kelewenu 21:20

Wa ’ma aan wo, wo Kazambale tɔ zin bɔ yé wo lé a lɛ léé: Ko bwe, fɛan zo lé Juifi kiɛre bli vo Jézu lɛ, ’té woo bélidɔwe kɛla wo sɔbɛla nya bɛ, bé nagini do.

Kelewenu 21:39

Pɔl lé a lɛ léé: Maa a Juifi mi nya. Maa si Taase, Silisi tɛrɛ la. Fla lé a tɔ ke blɛn, maa a atazan nya. Ilé zanté, ’i zi nɔ an lɛ an we fe munu lɛ.

Kelewenu 23:34

Dé gbɔrɔnama sɛbɛ ta fe faa é lé wo lɛ léé: Pɔl a tɛrɛ kyɛn la mi nyaa? É a ’ma aan wo léé, é a Silisi tɛrɛ la mi nya,

Kelewenu 23:6

Pɔl a gi dɔɔ léé, munu lé wo ke é zénle ékeva bɛ, wo gi a é bɔile fié; a lɛ do a Sadusémunu nya, yé a lɛ do a Farizimunu nya; yé é siaa webolikinimunu ’lɛ léé: An bwenu, maa a Farizimi nya, Farizimi be nya. An bli a mi nwale gale va lɛ, amalé wo ke anlé we blena ’ko.

Kelewenu 26:5

Dé é sɔ wo lɛ léé, wa fe, wa dɔɔ é kyɛn léé, maa a Farizimi nya. Palu lé é ke tegele é mini é bɔlunu ta kolé bazorozi ta, maa a a va mi do nya.

Kelewenu 26:9

É vinin, é dɔ an gi léé, dé an we plɛplɛ kiɛre kɛlɛ Nazarɛtzan Jézu tɔ ma, ’bɛ a é zima.

Kelewenu 5:34

Naa, Farizimi do ana wa laama Gamaliɛl, é a bélidɔwedɔɔzan nya yé é a mi tegele nya mi faa yuɛ gi; é nwa webolikinimunu méléna yé é lé munu lɛ léé, ’wo nwunvɔzannu bɔra sɛ.

Kelewenu 6:9

Bazorokɔn do lé, wa laama voébomamunu lé bazorokɔn, a gi mi kenu koo, Sirɛne munu koo, Alézandri munu koo, Silisi tɛrɛ valé Azi tɛrɛ la Juifinu koo, wo nwa yé wo kun zavɔle ma Étiɛne va.

Kelewenu 9:1

Naa, Sɔl a yifaama Mizan zuomunu gyɛle ɛ ma, yé é go Balebanmunu ’lɛzan va,

Kelewenu 9:11

Yé Mizan lé a lɛ léé: ’I nwa, ’i go fla worona zi lé wa laama Drɔle, a ta, yé Taase mi do lé wa laama Sɔl, bé gini Judas lé kɔn gi.

Kelewenu 9:30

Bwenu a gi dɔɔ aan wo, yé wo go a nya Sézaré, yé wa pa zia Taase.

Rom munu 11:1

Bɛwemalé maa laa ka lee: Kazambale sɔn vɔ élé munu maa? Gba! Maa é ziin, maa a Izraɛl mi nya, Abraam kululazan nya, Bɛnjamɛn bɛn nya.

2 Korɛnt Munu 11:22

Wo léé, ’wa Ébrunu nyaa? Yé maa nii? Wo léé, ’wa Izraɛlnu nyaa? Yé maa nii? Wo léé, ’wa Abraam kulunu nyaa? Yé maa nii?

Galasi munu 1:14

Yé fɛan zo lé maa Juifinu lé bazorozi ta tawo yé é mini munu lé ko valé wonu lɛɛ ke do, wo ta, é valé an bɛn gi munu zé ta bɛ, ka a gi dɔɔ. ’Té an fuu a an ta é baba an tranu gɔnɔlawe kɛlɛle gi.

Galasi munu 1:21

’Bɛ zuo maa go Siri valé Silisi tɛrɛnu la.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.