Kelewenu 10:4 - Kazambale lé Sebe Sauunu 1979

⁴ É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

Kelewenu 10:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:24

’Bɛ bléyi va, Ézékia gyɛ kɛlɛ gagyɛ nya. É bazoro Gakelebale lɛ, yé Gakelebale we fe a lɛ, yé é we blɛnblɛn kɛlɛ a lɛ.

2 Minwiinmunu lé Wezuofe Sɛbɛ 6:33

’bé ’ma lanu gi, i nyanana, yé we faa lé bɛn ’ko a laa i lee, bé nɔ a lɛ ma, léé, tɛrɛla bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 20:3

Bale lé é ke kɔn sauun gi, ’é bɔ i va ma; Bale lé é ke Siɔn, ’é kun i ma ma.

Ézai 43:26

’I we sele dɔ an gi, ’ko we ble, ’I we fe i boan, ilé we kɛlɛle tegele we ma.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Daniɛl 10:11

Yé é lé an lɛ léé: Daniɛl, i sɔ Bale lɛ. Dérenu lé maa dan wo fe lɛ i lɛ, ’i wo ban i tɔné nya. ’I nwa yé fɛana lé i ke, ’i dɔ ana; naa sin, wo an pa zia i va. Dé é nyaa wefele nya an lɛ, an dɔ loru, ’té an nyɔɔn‐an.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Matio 26:13

Maa lé ka lɛ webozen nya léé, fɛfaana lé munu é dan Wenéné ’ko fe lɛ tɛrɛ faa la, we lé lezan ’ko a kɛlɛ wo dan a zuo fe lɛ yé lezan ’ko sele é dan dɔ lɛ munu gi.

WENÉNÉ LÉ LUK A GYE (Évangile selon Luc) 1:29

Mari a ye aan wo, dére ’ko gi bɔrɔ pa a ma. Mari a laa ébozen lee léé: Weale ’ko, ’bɛ gi lé nɔɔ?

WENÉNÉ LÉ LUK A GYE (Évangile selon Luc) 24:5

Lomu gi nyɛ kini yé wo yara tua tɛrɛ va; naa, ’bɛnu lé wo lɛ léé: Mi lé é ke é yuɛma, mɛmalé ka a naginian gamunu vaa?

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 14:9

É tɔné dɔ Pɔl dére lɛ. Yé Pɔl a nagini téiin yé é a ye léé, alé blipale é bɔa a bélile lɛ,

Kelewenu 22:10

Anzan, maa kɛla kaa? Yé Mizan lé an lɛ léé: ’I nwa, ’i go Damas, yé we faa lé é a lé bé kɛlɛ, wo dan a fe lɛ i lɛ ana mi.

Kelewenu 3:4

Piɛri valé Jan a nagini téiin, yé Piɛri lé a lɛ léé: ’I ko nagini.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

Wegɔɔnle 8:4

Lasikɔrɔ goi valé Kazambale lé munu lé bazorolenu si lanje lee yé wo go loru Kazambale yara.

1 Samuɛl 3:10

Gakelebale da a va yé é a laa bélé é vinin zo: Samuɛl! Samuɛl! Yé Samuɛl a zi pa léé: Bé fe, naa, i wuozan tɔné a i lɛ.