SEBE LÉ JUD A GYE (Épitre de Jude) 1:3 - Kazambale lé Sebe Sauunu 1979

³ An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.

SEBE LÉ JUD A GYE (Épitre de Jude) 1:3 ပူးပေါင်းရင်းမြစ်များ

1 Timoté 6:12

’I guli dan, guli zin lé wa daan blipale nya, a nya; vole é yuɛma lé a glɛ ’ka lo, ’bé kun kli. A yele we ma lé Bale i laa, ’té i dɔ a ta munu kiɛre yuɛ va bɛ, yee lé.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

SEBE LÉ JUD A GYE (Épitre de Jude) 1:20

An béé zinnu, Kazambale lé we sauun lé ke kazé nya, ’ka kabo dɔ gligli a gi. ’Ka bazoro Léli Sauun bɔle ka va nya.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Tite 1:4

Bii Tite lé ko fiénu ke i nya Kazambale lé we gi, ’té i ke anbozen lé né nya Kazambale lé we ma bɛ, an we i va. Tibale valé ko Siéwegizan Jézu Krist ’wo zin kɛlɛ i lɛ yé ’wo i vo drɔɔ ma.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

2 Timoté 1:13

Wezinnu lé maa wo paa i gi bɛ, ’i yara pa wo ta tawole ta blipale valé sɔlɛle lé i wo ye Jézu Krist va, a nya.

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

Galasi munu 2:5

Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.

Ébrunu 13:22

Bwenu, kalé zanté, we lé maa pla ka lɛ ’ko, ’ka ’ma ma; naa, sɛbɛ lé maa a gyɛ ka lɛ, sɛbɛ tégéléné lé.

Kelewenu 9:22

Naa, Sɔl dɔ plɛplɛ yé we ginin kiɛre go dɔle nya a gi, yé é Damas Juifinu kele, a gɔɔnle nya léé, Jézu a Krist nya.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Bélidɔwesɛbɛ Fiézan 9:10

Gakelebale gɔlɛfén fié nɔ an lɛ; Bale sɛbɛ gyɛ wo ta ’é bɛnwɔlɛ nya; yian nya lé ka zén ékeva yé Gakelebale we fe ka lɛ gɔ nwiin kyɛ méléna bɛ, dére faa lé é a fe a yi la bɛ, é a é gyɛle gɔlɛfén fié ’ko ta.

1 Tɛsalɔnik munu 2:2

Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre.

1 Korent munu 15:3

We bɛnu faa ’lɛ, wean wa paa an gi, yee lé maa a paa ka gi, yee lé ke léé: Krist ga kaalé we ma Bale lé sɛbɛ yɛrama;

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

Kelewenu 18:28

Yé é za vɔ Juifinu va é fuu nya é ta mi faa yuɛ va, a nagɔɔnle nya Kazambale lé sɛbɛ gi léé, Jézu a Krist nya.

Kelewenu 17:3

a gɔɔnle wo lɛ we gi léé, é a lé Krist é nyané ble yé é nwa gamunu va. Yé é léé: Jézu lé, maa ke alé we fena ka lɛ, yee lé ke Krist nya.

SEBE LÉ JUD A GYE (Épitre de Jude) 1:17

An béé zinnu, wenu lé Kaazan Jézu Krist lé nwunvɔzannu a fale vɔ ka lɛ é kyɛn, wo sele ’é dɔ ka gi ma.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

1 Piɛri 5:12

Maa a dére sɛ ’ko pana ka lɛ zia Silvɛn lé é ke an yuɛ gi yarapawela bwe nya, a lee. Maa a gyɛ we plale ka lɛ valé ka bɔn gi kinile we gi léé, Kazambale lé zin bozen a ’bɛ ɛ zo. ’Ka dɔ a ta ma.

Kolɔs munu 1:2

’Kaa Kazambale lé munu lé ka ke yarapawela bwenu nya Krist gi Kolɔs, ko we ka va; kaa Ti Bale ’é zin kɛlɛ ka lɛ yé ’é ka vo drɔɔ ma.

Filip munu 1:1

’Kaa Kazambale lé munu faa lé ke Jézu Krist gi Filip, é valé léglizi tabinzannu koo, léglizigimunu wuozannu koo, ko we ka va. Maa Pɔl valé Timoté, Jézu Krist wuozannu, ko ɛ ke sɛbɛ ’ko gyɛna ka lɛ.

Éfez munu 1:1

’Kaa Kazambale lé munu lé ka ke Éfɛz, ’té ka ke Jézu Krist gi yarapawelazannu nya bɛ, an we ka va. Maa Pɔl lé, an kɛlɛ nwunvɔzan nya Kazambale lé blibɔmale nya, maa ɛ ke sɛbɛ ’ko gyɛna ka lɛ.

Galasi munu 6:11

Sɛbɛwɔlɛ blɛɛn ’konu ’ko, ka wo yee? Maa ɛ ke wo gyɛna anbozen bɛ nya.

Kelewenu 28:28

Kazambale lé mi sile we gi ’ko, wa we pa bɛn bɛnu ɛ lɛ zia, yé wo dan a ’ma lɛ. ’Ka we ’ko gi dɔɔ ma.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Néémi 13:25

An we pla wo lɛ yé an bale pa wo ma. Maa wo va mi kenu bla, yé an wo nwin soowɔla, yé maa léé, ’wo bale ’nyɔɔn léé, ’wo ’ka dan ’wo lunu nɔ lɛ wo benu lɛ lo; yé ’wo ’ka dan wo lunu si lɛ ’wo benu valé wobozen zé nya lo.

Bélidɔwesɛbɛ Fiézan 21:9

We lé ke tegele Gakelebale yuɛ gi, ’bɛ kɛlɛle nya lé mi lé we ’ka a nwiin lo, ka dan a nyɛ sia lɛ tɛrɛ la.

Kelewenu 6:7

Kazambale dére lɛ si. Jézu zuomunu ’léé taa zén a va kiɛre Jérusalɛm, yé Balebanmunu kiɛre Bale lé we ’ko nyi si.

Kelewenu 9:13

Ananias lé Mizan lɛ léé: Mizan, we lɛrɛlɛrɛ faa lé mi ’ko a kɛlɛ ilé munu ma Jérusalɛm, maa a ’ma mi kiɛre ta.

Ébrunu 6:9

An blibɔmamunu, dé ko a we fena ’ko zo‐oo, é ’ka dɔ lɛ ko gi léé, kazé a ’bɛ zo lo. É a ko gi léé, kazé a fɛan zo, Bale é dan bɔ lɛ ka va.

2 Piɛri 2:21

Naa, dé wo ’ka kɔɔn zi tegele dɔɔ lɛ lo, ’bɛ fila vɔ; dé ’bɛ kaan lo, dé wa dɔɔ faa yé wo sɔn vɔ bélidɔwe ’lɛzan lé wa nɔ wo lɛ bɛ, a ma, ’bɛ a tɔntɔn.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.