Jozué 8:33 - Kazambale lé Sebe Sauunu 1979

³³ Izraɛl faa, wolé mi segelenu koo, wo nwiinzannu koo, wolé weblezannu koo, wo dɔ Gakelebale lé gipawe pagikɛsu bɛ fié la, Balebanmunu, Lévinu lé woo goo Gakelebale lé gipawe pagikɛsu nya, wo ’lɛ; munu lɛ do dɔ Garizim gɔ ma, yé a lɛ do dɔ Ébal gɔ ma, fɛan zo lé Gakelebale wuozan Moizi a fe wo lɛ léé, ’wo munu drɔɔ vo fɛan zo, a zo, ’té bɛn bɛ gi munu a wo va é ziin.

Jozué 8:33 ပူးပေါင်းရင်းမြစ်များ

Fwile 12:49

Flazan valé bɛn lé ke é nyanale ka va, wo fiénu lé bélidɔwe a do.

Lévinu 24:22

Bɛn bɛ mi valé flazan lé bélidɔwe a do; naa, maa a Gakelebale, kalé Bale nya.

Mi Nɔnɔle 15:15

Munu faa lé bélidɔwe ’é kɛlɛ do ma; ka koo, bɛnnu lé wo ke ka va koo, we ’ko ’é kɛlɛ bélidɔwe lé a glɛ ’ka lo, a nya, ka nénénu zé nya ma; ka valé bɛnnu lé we a do Gakelebale yuɛ gi.

Mi Nɔnɔle 15:16

Kalé bélidɔwe valé ka sɔnné é dan kɛlɛ lɛ do ka valé bɛnnu lé ke ka va, kazé nya.

Mi Nɔnɔle 15:29

Dé mian wenyané kɛlɛ é tanyila, dé é a Izraɛl mi nyaoo, dé é a wo va bɛn nyaoo, kalé bélidɔwe a do.

WENÉNÉ LE JAN A GYE (Évangile selon Jean) 4:20

Ko tranu Kazambale bɔ gɔ ’ko ɛ nwiin, yé ka léé, é a lé ’wo Kazambale bɔ Jérusalɛm ɛ na.

Bélidɔwesɛbɛ Fiézan 11:29

Dé Gakelebale, kalé Bale ka wɔra tɛrɛ lé ka dan a si lɛ kazé nya, a ta, ’ka mi drɔɔ vo dére fe, ’té ka a é dɔle Garizim gɔ nwiin, yé ka bale pa dére ’konu fe, ’té ka a é dɔle Ébal gɔ nwiin.

Bélidɔwesɛbɛ Fiézan 31:12

’Ka munu faa zén ékeva; gɔnénu koo, lomu koo, nénu koo, bɛn bɛ gi mi lé ke ka va koo, ’ka wo zén ékeva, wolé a ’male we gi, yé ’wo kanale Gakelebale, kalé Bale lee pélisia, yé ’wo bélidɔwe ’konu faa lɛdɔma, ’té woo wo ta tawoo.

Bélidɔwesɛbɛ Fiézan 31:25

é dére ’konu vo Lévinu lé woo Gakelebale lé gipawe pagikɛsu kɔné sié, wo va, léé:

Bélidɔwesɛbɛ Fiézan 31:9

Moizi bélidɔwe ’ko gyɛ, yé é a nɔ Balebanmunu, Lévi benu lé woo Gakelebale lé gipawe pagikɛsu kɔné sié, wo lɛ, wo valé Izraɛl mi segelenu faa lɛ.

Jozué 23:2

Yé Jozué Izraɛl faa laa, alé mi segelenu koo, a nwiinzannu koo, alé weblezannu koo, alé kominu koo, woo lé. É lé wo lɛ léé: Maa kɛlɛ kwa, yé an lɛɛ a kiɛre.

Jozué 24:1

Jozué Izraɛl bɛnnu faa zén ékeva Sisɛm, yé Izraɛl lé mi segelenu koo, a nwiinmunu koo, alé weblezannu koo, alé kominu koo, é wo laa. Yé wo da Bale ’lɛ.

Jozué 3:14

Yé munu faa fwi ’wolé sɔkɔnnu nya Juudɛn kinile we ma, yé Balebanzannu lé woo goo gipawe pagikɛsu nya, wo tawo munu ’lɛ.

Jozué 3:3

yé wo lé munu lɛ léma: Bléyian va lé ka dan Gakelebale, kazé Bale lé gipawe pagikɛsu ye lɛ Balebanmunu, Lévinu bɛapa ta, ’ka nwa yé ’ka zi sia a zuo.

Jozué 3:6

Yé Jozué lé Balebanzannu lɛ léé: ’Ka gipawe pagikɛsu sia yé ’ka gié munu ’lɛ. Wo gipawe pagikɛsu sia yé wo go munu ’lɛ.

Jozué 4:10

Balebanzannu lé woo goo kɛsu nya, wo dɔ Juudɛn méléna fɔɔ, yé we lé Gakelebale a fe Jozué lɛ léé, ’é a fe munu lɛ, a faa kɛlɛle lɛ sɔɔ, we faa lé Moizi a fe Jozué lɛ, a yɛrama. Yé munu gié tawole nya kelekele.

Jozué 4:18

Balebanzannu lé woo goo Gakelebale lé gipawe pagikɛsu nya, bléyian va lé wo si Juudɛn guru gi yé wo bɔra a gɔ la, Juudɛn ’yinu go ’wo pa gi, yé wo nwɛɛn é gɔnu faa la bélé é vinin zo.

Jozué 6:6

Nɛn be Jozué Balebanmunu laa, yé é lé wo lɛ léé: ’Ka gipawe pagikɛsu si yé ’ka go a nya, yé Balebanzannu sɔrafié ’é go ’wolé béli sɔrafié lé wo zuoi éé goo wele nya, wo nya Gakelebale lé gipakɛsu ’lɛ.