Jozué 8:31 - Kazambale lé Sebe Sauunu 1979

³¹ fɛan zo lé Gakelebale wuozan Moizi a fe Izraɛl lé nénu lɛ, yé wa gyɛ Moizi lé bélidɔsɛbɛ gi, a zo. É balebanna kɛlɛ gɔlɛnu lé wo ’ka wo ’wii lɛ foliɛwɔlɛ nya lo, a nya. Wo Gakelebale ban balebanna ’ko ta, wi lé wa kyɛ blé, a nya, yé wo bɔvɔ sarakanu bo é ziin.

Jozué 8:31 ပူးပေါင်းရင်းမြစ်များ

2 Minwiinzannu 14:6

Naa, é ’ka wo benu gyɛ lɛ lo. We lé é ke é gyɛle Bale lé bélidɔwe gi, Moizi lé sɛbɛ gi, a yɛrama lé é we kɛlɛ. Sɛbɛ ’ko gi lé Gakelebale bélidɔwe nɔ, léé: Té wo né tinu gyɛ ’wolé nénu lé we ma lo, yé té wo nénu gyɛ ’wo tinu lé we ma lo. Naa, ’wo mi faa do do gyɛ ébo lé wenyané ma.

2 Minwiinzannu 22:8

Yé Balebanmunu ’lɛzan Ilkija lé sɛbɛgyɛzan Safan lɛ léé: Maa bélidɔwe sɛbɛ ye Gakelebale lé kɔn gi. Yé Ilkija sɛbɛ nɔ Safan lɛ, yé Safan a ta fe.

2 Minwiinmunu lé Wezuofe Sɛbɛ 25:4

Naa, é ’ka wo benu gyɛ lɛ lo. We lé é ke é gyɛle Bale lé bélidɔwe gi, Moizi lé sɛbɛ gi, a yɛrama lé é we kɛlɛ. Sɛbɛ ’ko gi lé Gakelebale bélidɔwe nɔ léé: Té wo né tinu gyɛ ’wolé nénu lé we ma lo, yé té wo nénu gyɛ ’wo tinu lé we ma lo. Naa, ’wo mi faa do do gyɛ ébo lé wenyané ma.

2 Minwiinmunu lé Wezuofe Sɛbɛ 35:12

Balebanwinu lé wa kyɛ blé, wa pa é yɛrama léé, wa nɔ munu lɛ wo tranu dɔgɔnɔ yɛrama do do, léé, ’wo Gakelebale ban wo nya, fɛan zo lé wa gyɛ Moizi lé sɛbɛ gi, a zo. A zo duo lé wa kɛlɛ dirinu zé nya.

Ezidras 6:18

Wo Balebanmunu dɔ wo palu yɛrama palu yɛrama, yé wo Lévinu dɔ wo lɛ ma lɛ ma, Bale lé nyanama pale Jérusalɛm we ma, fɛan zo lé Moizi a gyɛ sɛbɛ gi, a zo.

Néémi 13:1

’Bɛ bléyi ’ko va, wo Moizi lé sɛbɛ ta fe munu faa yuɛ va, yé wa ye a gi léé, té Amɔnnu valé Moabnu ’é zén ékeva Bale lé munu nya monomono lo.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 24:5

É Izraɛlnu va pɛniɛnu nwunvɔ Gakelebale banle we gi, balebanwi lé wa kyɛ blé, a nya, ’bɛ valé bɔvɔ sarakanu bole dirigɔnénu nya we gi.

Matio 12:26

Dé Satan ébo bin, ’té é a é kinile ékema, ’té alé fɛna é dan vo lɛ ana kaa?

Bélidɔwesɛbɛ Fiézan 27:2

Dé ka Juudɛn yuu kini yé ka bɔ tɛrɛ lé Gakelebale, kalé Bale a nɔ ka lɛ, a ta, ’ka gɔlɛ blɛnblɛnnu zun dɔ yé ka wo mawo laso nya.

Bélidɔwesɛbɛ Fiézan 27:8

Ka dan bélidɔwe ’konu faa gyɛ lɛ gɔlɛ ’konu ta, ’ka wo guru vɔ é zima.

Jozué 1:8

Té bélidɔwe lé sɛbɛ ’ko é si i lɔ ma baa lo; bé bɔrɔ i bɔn‐in bladi nyanadi, wenu faa lé wa gyɛ a gi, ilé wo kɛlɛle yarapalale nya we ma; ’bɛ zo lé, we lé bé kɛlɛle pélisia, a nyian é dan wo lɛ yé i dan a ’wuoplana ye lɛ.