Jozué 8:2 - Kazambale lé Sebe Sauunu 1979

² Fɛan zo lé bé kɛlɛ Jériko valé é nwiinzan lɛ, i dan a kɛlɛ lɛ Ai valé é nwiinzan lɛ a zo; naa, ka dan gulizarafɛnu valé winu si lɛ kazé nya. ’I sunyanu pa zia ’wo yɔɔ fla nwun zi.

Jozué 8:2 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 13:13

Jéroboam élé mi kenu yɔɔ Judanu zi, yé é wo bié. ’Té alé sunyanu a Judanu ’lɛzia, ’té sunyanu a é yɔɔle wo zuozia.

2 Minwiinmunu lé Wezuofe Sɛbɛ 20:22

Wo kun lɛrɛ vɔle valé Bale tɔ zin fele ma bléyian va, Moabnu lé ke é yɔɔle, Gakelebale go Amɔnnu nya wo va, wo valé Séii gɔ ma munu lé wo nwa Juda munu ma bɛ, wo va, yé wo ’wo ke kele.

Lɛrɛvɔ Sɛbɛ 39:6

Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Wegɔnévɔlenu 13:22

Mi zin zarablezannu a é nénénu nya, naa, woo wenyanékɛlɛzannu lé fuafɛnu tadɔa mi tegelenu zé nya.

Wegɔnévɔlenu 28:20

Yarapawelazan drɔɔ vole gi éé gya, naa, mi lé a ta ke kelekele fuablele ma, we lɛdɔle a gi yi ’ka dan ga lɛ lo.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 51:12

’Ka drapo nwa Babilɔn ma, ’ka sunyanu taa pa, ’ka wo taginizannu dɔ, ’ka fla mabɛn! Naa, we do a Gakelebale gi, yé wean é a fe Babilɔn munu ma, é dan a lɛ sɔɔ lɛ.

Bélidɔwesɛbɛ Fiézan 2:35

Winu saa lé ko wo tadɔ kozé nya; yé flanu lé ko wo si bɛ, ko wo ta gulizarafɛnu si é ziin.

Bélidɔwesɛbɛ Fiézan 20:14

Naa, lomu koo, nénu koo, winu koo, fɛ faa lé ke fla koo, ’ka ’bɛ faa si; wo faa a gulizarafɛ nya, yé ka nyanézannu lé Gakelebale, kalé Bale a pa ka lee, ka dan wo leefɛ ble lɛ.

Bélidɔwesɛbɛ Fiézan 3:2

Gakelebale lé an lɛ léé, té maa kana lo, naa, Ɔg valé élé munu faa koo, wolé tɛrɛ koo, ’é wo pa an lee; é léé, fɛan zo lé maa kɛlɛ Amorénu nwiinzan Sioni lé é ke é nyanale Esibɔn, a lɛ yi la, a zo duo lé ’maa kɛlɛ Ɔg lɛ.

Jozué 10:1

Jérusalɛm nwiinzan Adoni‐Sédɛk a ’ma léé, Jozué Ai si yé é a sɛrɛ tata, yé fɛan zo lé é a kɛlɛ Jériko valé a nwiinzan lɛ, a zo lé é a kɛlɛ Ai valé é nwiinzan lɛ, yé Gabaɔn munu yɔfalo fu nwa Izraɛl lɛ yé wo vo wo méléna.

Jozué 10:28

A yi duo nya Jozué Makéda si, yé é a tamunu gyɛ gwɔun nya; minwiinzan koo, fla koo, mi faa lé ke ana koo, é wo gyɛ tata; é ’ka mi do kpen vo lɛ lo, yé fɛan zo lé wa kɛlɛ Jériko nwiinzan lɛ, a zo lé wa kɛlɛ Makéda nwiinzan lɛ.

Jozué 11:14

Izraɛl lé nénu fla ’konu ta gulizarafɛnu faa valé winu si ’wozé nya, naa, wo munu faa gyɛ gwɔun nya fɔɔ wo wo gyɛ tata, yé wo ’ka mi do kpen vo lɛ é yuɛma lo.

Jozué 6:21

yé fɛnu faa lé é ke fla, gɔnénu valé lomu koo, nénu valé mi kwanu koo, dirinu koo, ’blanu koo, sokofalenu koo é ziin, wo wo faa gyɛ bale pale wo ma nya gwɔun nya.

Jozué 8:12

Jozué munu si, wo mi baa fié wuru soru bɔa, yé é wo pa zia léé, ’wo yɔɔ fla nwun zi Bétɛl valé Ai méléna yirivɔnazia.

Jozué 8:14

Ai nwiinzan we ’ko ye aan wo, Ai munu nwa bladi tutu é kele yé wo bɔra gulidanle Izraɛl va we ma. Minwiinzan a ’élé munu ’lɛ yé wo faa go fɛna dégélé bɛ do la, fɛana lé é a fe, ana, yé é ’ka a gi dɔɔa léé, ’é nyanézannu a é yɔɔle fla nwun zi é zuo zia lo.

Jozué 8:19

É bɛ soi tɔɔn, munu lé wo ke é yɔɔle fla nwun zi, wo bɔra a gi é kele, wo wɔra fla yé wa si yé wa kyɛ vɔ é kele.

Jozué 8:24

Ai munu faa lé wo ke fla sɔnɔ koo, wo lé wo ke bwi gi, fɛana lé wo wo bin koo, dé Izraɛl wo faa gyɛ gwɔun nya, Izraɛl faa da é ziin Ai yé wo ana munu gyɛ gwɔun nya.

Jozué 8:3

Jozué valé gulidanmunu faa nwa gole Ai ma we gi. Jozué mi bli ta plɛplɛzannu si baa vu ta soru, yé é wo pa zia é béli.

Jozué 8:7

Yé ka dan bɔra lɛ fla nwun zi, fɛana lé ka ke é yɔɔle, ana, yé ka dan fla si lɛ ’bɛna yé Gakelebale, kalé Bale, é dan a nɔ lɛ ka lɛ.

Jozué 8:8

Dé ka fla si, ka dan a kyɛ vɔ lɛ, ka dan a kɛlɛ lɛ fɛan zo lé Bale a fe, a zo. Ka ye, maa fe ka lɛ.

Jozué 8:9

Jozué wo pa zia, yé wo go yɔɔ lɛ fla nwun zi, yirivɔnazia, Bétɛl valé Ai méléna. Naa, Jozué yii munu va ’ko.

Jozué 9:3

We lé Jozué a kɛlɛ Jériko valé Ai lɛ, dé Gabaɔn munu a ’ma