Jozué 7:6 - Kazambale lé Sebe Sauunu 1979

⁶ Jozué élé sɔ fia, yé é dia é bli la Gakelebale lé gipakɛsu ’lɛ, yé é yiri vɔ ana, yee valé Izraɛl mi segelenu nya, yé wo vun zén ’wo nwiin.

Jozué 7:6 ပူးပေါင်းရင်းမြစ်များ

Wepélisiananu 37:29

Rubɛn da é ziin ’yiguru ta, ’té Jozɛfu ’ka guru gi é dɛrɛ lo. Yé é ’élé sɔnu fia,

Wepélisiananu 37:34

Yé Jakɔb élé sɔnu fia yé é bɔlɔ dɔ é gyɛn, yé é mɔn ’é be gyɛ bona.

2 Samuɛl 1:11

David kun élé sɔ ma yé é a fia yé munu lé wo ke a sɔnɔ wo faa yee duo kɛlɛ.

2 Samuɛl 1:12

Wo yiri vɔ gyɛ bole koo, wuvɔle koo, lɔrɔ sɔnle koo, wo nya, Saul koo, é be Jonatan koo, Gakelebale lé munu koo, Izraɛl lé munu koo, wo diale gwɔun ’léé we ma.

2 Samuɛl 1:2

A yi yaazan nya gɔné do si Saul lé sɔkɔn dɔna, ’té sɔ fiale a a ta, ’té tɛrɛ a a nwiin. É bɔ David va tɔɔn é dia tɛrɛ va yé é ’wuo wɔra a gane wuo.

2 Samuɛl 12:16

David né ma bazoro Bale lɛ yé é lɔrɔ sɔn; é wɔra kɔn gi yé é tu kini é yiale tɛrɛ va.

2 Samuɛl 13:19

Tamaa kyɛyee zén ’é nwiin yé élé sɔ nyɔɔzan fia; é bɛ pla é nwiin yé é go wu blɛn vɔle nya.

2 Samuɛl 13:31

Minwiinzan nwa, élé sɔ fia yé é yia tɛrɛ va; ’té a wuomunu faa ana bɛ é ziin, ’bɛnu wolé sɔ fia.

2 Minwiinzannu 22:11

Minwiinzan bélidɔwe sɛbɛ gi dérenu ’ma aan wo, élé sɔnu fia.

2 Minwiinmunu lé Wezuofe Sɛbɛ 34:19

Minwiinzan blɛn bélidɔwe sɛbɛ gi dérenu ’ma aan wo, é ’élé sɔnu fia.

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Néémi 9:1

’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

Esitɛɛ 4:1

We lé é bɔ, Maadosé a ’ma aan wo, élé sɔ fia, yé é bɔlɔ zén é ta, yé é kyɛyee ’wii é ta. ’Bɛ zuo, é go fla vuun la blikyɛdɔ siaale plɛplɛ nya.

Esitɛɛ 4:3

Bɛntɛrɛ faa lé minwiinzan blɛn déretawe valé alé bélidɔwe bɔ ana, ana Juifinu faa vo bli kyɛdɔle blɛn gi. Woo lɔrɔ sɔn‐o, woo wuvɔa, ’té woo dunnuan, yé wo va mi kiɛre éé yiaan bɔlɔ la, é valé kyɛyee gi.

JOB (Job) 1:20

Yé Job nwa, élé sɔ fia, yé é nwin puiɛ; ’bɛ zuo yé ébo vuli tɛrɛ va yé é dia é bli la

JOB (Job) 2:12

Dé wa baa yé wa ye yé wo ’ka a dɔɔ lɛ yee nya lo, yé wo siaa wuvɔle nya. Wo ’wolé sɔnu fia, yé wo vun zén ’wo nwiin.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Mi Nɔnɔle 14:6

Munu lé wo go tɛrɛ nagini lɛ, wo va munu lé wo ’wolé varɔ fia, Nɛn be Jozué valé Jéfuné be Kalɛb lé.

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Mi Nɔnɔle 16:45

’Ka si zén‐ékevamunu ’ko méléna, yé maa wo ble kyɛ nya é nya do. Wo dia ’wo bli la, yé Moizi lé Arɔn lɛ léé:

Kelewenu 14:14

Nwunvɔzannu Banabas valé Pɔl, wo we ’ko ’ma aan wo, wo ’wolé sɔnu fia yé wo vlan buru fiéfié munu worona, siaale nya léé:

Jozué 7:7

Jozué léé: Aa, Mizan Gakelebale, mɛmalé i Juudɛn kini munu ’ko nya ko nɔle Amorénu lɛ we ma yé ko zamaga woo? Oo! a fila vɔ léé, ko vo Juudɛn zi zia.

Wegɔɔnle 18:19

Yé wo tɛrɛ zén ’wo nwiin, yé wo wuvɔ yé wa gyɛ bo, yé wo siaa yé wo léé: Yuuu! An bu loo! Fla blɛn lé, ’yitagorozannu faa fua ble alé fuafɛ kiɛre we ma ’naan, yee ɛ sɛrɛ ’bɛ zo bléyi do kpen nya, yé ana vo é ’bin nyaa?

Weblezannu 11:35

É a ye tɔɔn, élé sɔnu fia yé é léé: Aa! an lu! i an gyɛ, yé i a an blikyɛdɔzannu va mi do nya! An Gakelebale kun yé an ’ka bɔa an dére nɔlale lɛ lo.

Weblezannu 20:23

Yé Izraɛl lé nénu nwa yé wo yiri vɔ wuvɔle nya Gakelebale lɛ; wo we laa Gakelebale lee léé: É a lé an bié an ’lɛ é ziin mi, gulidanle we gi an bwe Bɛnjamɛn vaa? Gakelebale a zi pa léé: ’Ka nwa a ma.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

Weblezannu 21:2

Munu da Bétɛl yé wo yiri vɔ ana Bale ’lɛ. Wo dére wuo vɔ yé wo yuɛyi yoro kiɛre yé wo léé:

1 Samuɛl 4:12

A yi duo nya, Bɛnjamɛn mi do si guli bwi la vlan nya yé é da Silo, ’té alé sɔ a é fiale, ’té tɛrɛ a é zénle a nwiin.