Jozué 7:26 - Kazambale lé Sebe Sauunu 1979

²⁶ yé wo gɔlɛ zun blɛn dɔ Akan ta yé é vo ana fɔɔ kyɔ. Yé Gakelebale daan élé bliflile blɛn ma. We ’ko lé we ma lé wo fɛkona tɔ pa Akɔɔ gɔnu worona fɔɔ kyɔ yi nya.

Jozué 7:26 ပူးပေါင်းရင်းမြစ်များ

2 Samuɛl 18:17

Wo Abusalɔm si yé wa vuli guru blɛn gi pɔrɔ méléna yé wo gɔlɛ zun blɛn dɔ a ta. Izraɛl munu faa vlan buru yé wo go ’wolé sɔkɔn ’léé nuu.

2 Samuɛl 21:14

Wo Saul valé é be Jonatan wɔlɛnu pa Sélaa, Bɛnjamɛn tɛrɛ la, Saul ti Kis lé mipana. Yé we faa lé minwiinzan wo bélidɔ a nya, wa kɛlɛ. ’Bɛ zuo Bale bli vo drɔɔ tɛrɛ ma.

2 Minwiinmunu lé Wezuofe Sɛbɛ 29:10

Bɛwemalé, é a an gi léé, maa gi kɛlɛ do Gakelebale, Izraɛl lé Bale va, léé, alé bliflile plɛplɛ ’é si ko ma.

Ezidras 10:14

Bɛwemalé, ko nwiinzannu ’é vo munu faa pa gi, yé fla faa la munu lé wo bɛnlomu si ’wo nanu nya, wo yi dɔ wo lɛ yé ’wo da, yé fla faa do do ta mi segelenu valé weblezannu ’é da wo va, fɔɔ yé kolé Bale lé bliflile blɛn lé ke ko ma we ’ko lé ko kɛlɛ, a we ma bɛ, yé é nɔla.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Fwile 32:12

Mɛmalé i dan zi nɔ lɛ Éjipitinu lɛ yé wa fe léé, we tɔntɔn bɔle wo ma koo, wo gyɛle gɔnu nwiin koo, wo sile tɛrɛ la tata koo, alé we ma lé wolé bale wo fwii? ’I daan ilé bliflile blɛn ma, yé ’i bli nɔla we tɔntɔn lé i a a va léé, bé kɛlɛ ilé munu lɛ, a ma.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 65:10

Anlé trubɛnu é dan fɛ ble lɛ Sarɔn lé fɛna pɛblɛɛna. Pɛnguru lé wa laama Akɔɔ, é dan kɛlɛ lɛ anlé dirinu blena nya; munu lé wo dan an nagini lɛ, wozé lé.

Jérémi Lé Wuvɔ Sɛbɛ 3:53

Wa a va léé, wo an pa guru gi, Yé wo gɔlɛnu vuli an va.

OZÉ (Osée) 2:15

Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Joɛl 2:18

Gakelebale a maawona élé tɛrɛ lé we ma, A nyanai éé zén‐é élé munu ta.

Jonas 1:15

Yé wo Jonas kun yé wa vuli wɛyi va. Yé wɛyi nanole plɛplɛ ta zana.

Zakari 6:8

Lanje an laa yé é lé an lɛ léé: Bé nagini, wo lé wo yara dɔ yirinwana bɛbolazia tɛrɛ la, wo anlé bliflile pla yirinwana bɛbolazia tɛrɛ la.

Mi Nɔnɔle 25:8

É go Izraɛl gɔnézan zuo ’bɛlé sɔkɔn gi yé é wo fiénu fɔn ékeva wo bɔn la, din nya. Yé migyɛgyɛ lé é ke Izraɛlnu gyɛna, yé é dɔ.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.

Jozué 10:27

Yiri bɔ pɔrɔ la aan wo, Jozué lé wo lɛ léé, ’wo wo si yili la, yé ’wo wo vuli gɔmaguru lé wo ke é yɔɔle a gi kɔɔn, a gi, yé ’wo gɔlɛ blɛnnu dɔ gɔmaguru ’léé, yé wo vo ana fɔɔ kyɔ.

Jozué 7:24

Zérak be Akan koo, gɔɔlifu koo, sɔ koo, kyan kuru do koo, Akan benu valé a lunu koo, alé dirinu koo, alé sokofalenu koo, alé ’blanu koo, alé sɔkɔn koo, yé fɛnu faa lé ke azé nya koo, Jozué valé Izraɛlnu faa wo si yé wo go wo nya Akɔɔ gɔnu worona.

Jozué 8:29

É Ai nwiinzan dun yili ma yé wa vo fɔɔ yé nyanadi pa a ma. Dé yiri vɔ, Jozué léé, ’wa gale zun; yé wa vuli flagɔrɔ ’léé, yé wo gɔlɛ zun blɛn dɔ a ta, yé é vo ana fɔɔ kyɔ.