Jozué 7:21 - Kazambale lé Sebe Sauunu 1979

²¹ Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

Jozué 7:21 ပူးပေါင်းရင်းမြစ်များ

Wepélisiananu 10:10

É pla é vinin Sinéa tɛrɛ la flanu nwiin, ’bɛ gi lé Babɛl koo, Érɛk koo, Akad koo, Kalné koo, wo nwiin.

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

Wepélisiananu 34:27

Jakɔb benu ’wii migalenu ta yé wo wolé fɛnu si; wo wo buru sɛrɛ, amalé.

Wepélisiananu 6:2

yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo.

2 Samuɛl 11:2

Yi do nya nyanadi, David nwa élé yialafɛ ta; é a dɔwona minwiinzan lé kɔn gwa ta aan wo, é le do ye zuruna; le ’ko a é nɔnɔmi.

2 Minwiinzannu 7:8

Pantɛngyɛzannu bɔ sɔkɔn dɔna aan wo, wo wɔra sɔkɔn do gi yé wo fɛ ble yé wo fɛ mini, yé gɔɔlifu koo, kyan koo, sɔnu koo, wo wo si yé wo go wo yɔɔ lɛ. Wo da é ziin, wo wɔra sɔkɔn do gi yé wo fɛnu sia yé wo go wo yɔɔ lɛ.

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

Lɛrɛvɔ Sɛbɛ 119:37

Té an yuɛ é bɔ boafɛnu ma lo ma, Yé ’i an vo é yuɛma, an tawo ilé zi ta.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Wegɔnévɔlenu 1:19

A zo lé éé kɛla munu faa lé é sɔ wo lɛ léé, ’wo fɛ yé, wo lɛ; munu faa lé wobo no blibɔle fɛ ma lɛ, éé wo saan.

Wegɔnévɔlenu 23:31

Nwɛ lé ke sɔɔn é nɔnɔmi, ’té éé bié kana gi, ’té éé zén‐é mi lagolo ma é zima, té bé nagini lo.

Wegɔnévɔlenu 28:22

Blibɔfɛmazan é ébo tunuan fuablele we gi, yé é ’ka gi dɔɔa léé, lɔrɔ é dan é gyɛ lɛ lo.

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Ézai 28:15

Ka léé, ’wo gi pa do ga va, ’wo kɛlɛ do mipagurunu nya; dé migyɛgyɛ bɔ mi kiɛre ma, é ’ka dan bɔ lɛ ’wo va lo; naa, dabli kɛlɛle a ’wo yɔɔna nya, yé viéwole a ’wo tayɔɔfɛ nya, azama.

Ézai 29:15

Munu lé wo ’wo bɔn‐in danmawe kɛlɛ kyeen gi a yɔɔle Gakelebale lee we ma, ’té wo ’wolé we kɛla gunutinu va, ’té wa fé léé, de ɛ ’wo yee? de ɛ ’wo dɔɔ? we tɔntɔn ’é kɛlɛ wo lɛ ma.

Abaku 2:9

Mi lé éé weple ma fɛnu tééan ébo zé nya, léé, é nyanana ’é kɛlɛ loru abo sile wenaané lee we ma bɛ, we tɔntɔn ’é bɔ ’bɛzan ma ma.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 12:2

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo, yé kyeengiwe lé, ’bɛ ’ka dan bɔra lɛ lo, ’bɛ ’ka lo.

Éfez munu 5:3

Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

SEBE LÉ JAK A GYE (Épitre de Jacques) 1:15

Yé yee we lɔrɔ bɛ, éé bɔn sié yé éé né yaan wenyané nya, yé wenyané lɛ éé sɔɔan gale nya.

Jozué 7:20

Akan a zi pa Jozué lɛ léma: Weboen lé, maa wenyané kɛlɛ Gakelebale, Izraɛl lé Bale ma, yé we lé maa a kɛlɛ, yee lo.

Jozué 7:22

Jozué munu nwunvɔ, yé wo go vlan nya yé wo wɔra sɔkɔn gi, yé bé ye, fɛnu a é yɔɔle Akan lé sɔkɔn gi, yé gɔɔlifu a wo wuo.

2 Piɛri 2:15

Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;