Jozué 7:19 - Kazambale lé Sebe Sauunu 1979

¹⁹ Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.

Jozué 7:19 ပူးပေါင်းရင်းမြစ်များ

2 Minwiinzannu 20:15

Ézai lé é ziin léé: Mɛ fɛ lé wa ye ilé kɔn gii? Ézékia lé a lɛ léé: Wo anlé kɔngifɛnu faa ye; anlé fɛwezannu va fɛ lé maa ’ka a gɔɔn lɛ wo lɛ lo, é ’ka lo.

2 Minwiinmunu lé Wezuofe Sɛbɛ 30:22

Ézékia fuu dɔ Lévinu faa ta é dérenu nya. Wo ’wuo a wo ta Gakelebale va nyanama pale we ma. Wo sarakabowinu ble yi sɔrafié wuo, ’té woo bɔvɔ sarakanu boo, ’té woo Gakelebale wo tranu lé Bale tɔ bɔa.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 51:3

Baleoo, Bale, ’i bli kɛlɛ an ma drɔɔ ilé zin yɛrama, ’I anlé bélidɔwe sɛrɛlenu fwi ilé nyanai zénle blɛn yɛrama;

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 13:12

Mi we é dan dɔ lɛ bélé kyan we a fɛan zo, a zo. Mi we é dan dɔ lɛ Ofii kyan we zo.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

WENÉNÉ LÉ LUK A GYE (Évangile selon Luc) 17:18

Bɛn mi ’ko, yee do kpen ɛ da Kazambale tɔ bɔ lɛɛ?

WENÉNÉ LE JAN A GYE (Évangile selon Jean) 9:24

Mi lé a yuɛnu ke turu é ’wiile, Farizimunu a laa a gɔnɔ fiézan nya yé wo léé: ’I Kazambale tɔ bɔ. Ko gi dɔɔ léé, mi ’ko a wenyanékɛlɛzan nya.

Rom munu 10:10

Naa, blipale nya lé mi éé bɔa kɛlɛlɛ lɛ tegele; a tɔ bɔrale munu va nya lé mi éé bɔa sile lɛ we gi, Kazambale lé sɛbɛ a fe fɛan zo, a zo; é léé:

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

Tite 2:2

’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

SEBE LÉ JAK A GYE (Épitre de Jacques) 1:20

Naa, blami lé bliflile ’ka Kazambale lé we tegele lɛ sɔɔan lo.

Jozué 7:20

Akan a zi pa Jozué lɛ léma: Weboen lé, maa wenyané kɛlɛ Gakelebale, Izraɛl lé Bale ma, yé we lé maa a kɛlɛ, yee lo.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.

1 Samuɛl 14:43

Saul lé Jonatan lɛ léé: We lé bé kɛlɛ, bé fe an lɛ. Jonatan a fe a lɛ yé é léé: Maa zɔrɔnyɔnɔ kiéné lɛdan yili lé ke an lee, a lɔlu nya. Maa lo, an dan ga lɛ.

1 Samuɛl 6:5

’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?