Jozué 7:1 - Kazambale lé Sebe Sauunu 1979

¹ Fɛnu lé wa nɔ Bale lɛ bale pale a ma nya Izraɛl lé nénu saan a vazia. Juda bɛngizan Zérak be Zabidi, Zabidi be Kaami, Kaami be Akan, fɛnu lé wa nɔ bale pale wo ma nya, é wo si. Yé Gakelebale lé bliflile nwa Izraɛlnu ma.

Jozué 7:1 ပူးပေါင်းရင်းမြစ်များ

Wepélisiananu 34:27

Jakɔb benu ’wii migalenu ta yé wo wolé fɛnu si; wo wo buru sɛrɛ, amalé.

2 Samuɛl 24:1

Gakelebale bli fli é ziin Izraɛl ma, yé é David nwa wo ma a fele nya léé: ’I go, ’i Izraɛl valé Juda munu nɔnɔ.

2 Minwiinzannu 5:24

Wo bɔ gɔ ma aan wo, Géazi yee fɛnu si wo lee yé é wo pa kɔn gi, yé é munu ’ko pa zia yé wo go.

Minwiinzannu lé Wezuofe Sɛbɛ 21:7

Bélidɔwe ’ko ’ka sɔ lɛ Kazambale lɛ lo, yé é Izraɛlnu gyɛ gyɛ nya.

2 Minwiinmunu lé Wezuofe Sɛbɛ 24:18

Yé wo sɔn vɔ Gakelebale, wo tranu lé Bale lé kɔn ma yé wo miyilinu valé yofotonu ban. Gakelebale bli fli Juda munu valé Jérusalɛm munu ma. We ’ko kɛlɛle ma lé we dɔ wo nwiin.

Ezidras 9:6

yé maa léé: Anlé Bale, an gi blin an ma, yé oo, anlé Bale, yara an gya an yara nwale i vazia we ma; naa, kolé weplenu fan ko nwiin, yé ko nwiinwenu nwa fɔɔ la gi.

JOB (Job) 35:8

Ilé wenyané éé ’naan i zoɛzan ma, I tegele éé bɔa blami va é wo.

Bale Lé We Gifezan 9:18

Wedɔɔle fila vɔ é mini gulidanfɛnu ta; naa, wenyanékɛlɛzan do éé wezin kiɛre sɛra.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

Lévinu 10:6

Arɔn koo, a benu Éléazaa valé Itamaa koo, Moizi lé wo lɛ léé: Té ka sɔkoro si ka ’wuo ma lo, té ka kalé sɔnu fia lo, dé ka da ga yé Gakelebale bli é da fli munu faa ma. Ka bwenu, Izraɛl munu faa, ’é vo wuvɔna, kyɛ lé Gakelebale a vɔ bɛ, a we ma.

Jonas 1:7

Yé wo lé ’wo ke lɛ léé: ’Ka da, kaa ’munnu zun, dé de lé we ma lé we tɔntɔn ’ko ke bɔna ko maa? yé kaa ’bɛzan ye. Wo ’munnu zun, yé é kɛlɛ Jonas nya.

Jozué 22:16

Gakelebale lé munu faa léma: Tɔnégiplɛplɛwe ’ko lé ka kɛlɛ Izraɛl lé Bale ma, ’bɛ gi lé nɔɔ? Yé mɛmalé ka diéra sin Gakelebale zuo yé ka balebanna kɛlɛ nwale Gakelebale ma we gi kyɔɔ?

Jozué 22:18

yé ka diéra kyɔ Gakelebale zuoo? Dé ka nwa Gakelebale ma kyɔ, tɛlɛ a bli é dan fli lɛ Izraɛlnu faa ma.

Jozué 22:20

Zérak be Akan, é ’ka tɔnégiplɛplɛ we kɛlɛ lɛ fɛnu lé wa nɔ bale pale wo ma nya, wolé we ma, yé Gakelebale bli fli Izraɛl munu faa ma loo? É ’ka zamaga wo lɛ élé wenyané ma é do lo.